NZ Tasveer News

ਸੁਪਰੀਮ ਸਿੱਖ ਕੌਸਲ ਔਕਲੈਂਡ ਵਲੋਂ ਮਿਲੇ ਪ੍ਰੈਸ ਨੋਟ ਦਾ ਹੂ ਬਹੂ ਉਤਾਰਾ।

ਆਕਲੈਂਡ- ਨਿਊਜ਼ੀਲੈਂਡ ਦੀਆਂ ਪ੍ਰਮੁੱਖ ਸਿੱਖ ਸੰਸਥਾਵਾਂ ਚੋਂ ਨਿਊਜ਼ੀਲੈਂਡ ਸਿੱਖ ਸੁਸਾਇਟੀ ਔਕਲੈਂਡ, ਨਿਊਜ਼ੀਲੈਂਡ ਸਿੱਖ ਸੁਸਾਇਟੀ ਟੌਰੰਗਾ, ਨਿਊਜ਼ੀਲੈਂਡ ਸਿੱਖ ਸੁਸਾਇਟੀ ਕਰਾਇਸਚਰਚ, ਨਿਊਜ਼ੀਲ਼ੈਂਡ ਸਿੱਖ ਸੁਸਾਇਟੀ, ਨਿਊਜ਼ੀਲ਼ੈਂਡ ਸਿੱਖ ਸੁਸਾਇਟੀ ਪਾਲਮਰਸਟਨ ਨੌਰਥ, ਨਿਊਜ਼ੀਲੈਂਡ ਸਿੱਖ ਸੁਸਾਇਟੀ ਔਕਲੈਂਡ ਵਿਸਟ, ਸੁਪਰੀਮ ਸਿੱਖ ਕੌਸਲ ਆਦਿ ਸੰਸਥਾਵਾਂ ਨੇ ਸਾਝੇਂ ਰੂਪ ਵਿੱਚ ਜਾਰੀ ਬਿਆਨ ਵਿੱਚ ਕਮਲਜੀਤ ਸਿੰਘ ਬਖਸ਼ੀ ਲਿਸਟ ਮੈਂਬਰ ਪਾਰਲੀਮੈਂਟ ਦੇ ਉਸ ਬਿਆਨ ਦੀ ਨਿੰਦਾ ਕੀਤੀ ਹੈ ਜਿਸ ਵਿੱਚ ਉਹਨਾਂ ਨੇ ਪਿਛਲੇ ਦਿਨੀ ਸਰਕਾਰ ਵਲੋਂ ਜਾਰੀ ਇੰਮੀਗਰੇਸ਼ਨ ਦੀ ਨੀਤੀ ਦੀ ਹਮਾਇਤ ਕਰਦੇ ਹੋਏ ਸਰਕਾਰ ਦੇ ਗੁਣ ਗਾਏ ਹਨ ।ਬਿਆਨ ਵਿੱਚ ਕਿਹਾ ਗਿਆ ਹੈ ਕੇ ਬਖਸ਼ੀ ਜੀ ਅਸੀਂ ਤੁਹਾਨੂੰ ਇਸ ਦੇ ਦੋਸ਼ੀ ਨਹੀਂ ਸੀ ਸਮਝਦੇ ਕੇ ਤੁਸੀ ਇੱਕਲੇ ਬੇਬਸ ਹੋਵੋਗੇ ਪਰ ਜਿਸ ਤਰਾਂ ਤੁਸੀਂ ਬਿਆਨ ਜਾਰੀ ਕਰਕੇ ਇਸ ਦੀ ਹਮਾਇਤ ਕੀਤੀ ਹੈ ਉਸ ਨੇ ਭਾਰਤੀ ਹੀ ਨਹੀਂ ਸਾਰੇ ਐਥਨਕ ਲੋਕਾਂ ਦੇ ਜਖਮਾਂ ਤੇ ਲੂਣ ਛਿੜਕਿਆ ਹੈ । ਇਸ ਕਾਨੂੰਨ ਨੂੰ ਮੰਨਣਾ ਤੁਹਾਡੀ ਤਾਂ ਲਾਚਾਰੀ ਹੋ ਸਕਦਾ ਹੈ ਪਰ ਸਾਡੀ ਮਜਬੂਰੀ ਨਹੀਂ । ਤੁਸੀਂ ਭਾਰਤੀ ਭਾਈਵਾਰੇ ਨੂੰ ਸਲਾਹ ਦਿੰਦੇ ਕਿਹਾ ਹੈ ਇੱਥੇ ਵਸਣਾ ਤੁਹਾਡਾ ਅਧਿਕਾਰ ਹੈ ਹੱਕ ਨਹੀਂ ਅਸੀਂ ਵੀ ਤੁਹਾਨੂੰ ਦੁਹਰਾਉਣਾ ਚਾਹੁੰਦੇ ਹਾਂ ਕੇ ਇਸੇ ਭਾਰਤੀ ਭਾਈਚਾਰੇ ਕੋਲੋਂ ਅੱਗੇ ਤੋਂ ਵੋਟ ਮੰਗਣਾ ਤੁਹਾਡਾ ਫਰਜ਼ ਹੋਵੇਗਾ ਹੱਕ ਨਹੀਂ ਕਿਉਕੇਂ ਭਾਈਚਾਰਾ ਜਾਗਰੂਕ ਹੋ ਜਾਵੇ ਤਾਂ ਤੁਹਾਡੀ ਲਾਚਾਰੀ ਨੂੰ ਮਜਬੂਰੀ ਨਹੀਂ ਬਣਾਏਗਾ ਕਿਉਕੇਂ ਅਸੀਂ ਇਸ ਦੇਸ਼ ਦੇ ਨਾਗਰਿਕ ਹਾਂ ਅਤੇ ਹਰ ਨਾਗਰਿਕ ਨੂੰ ਬਰਾਬਰ ਦਾ ਅਧਿਕਾਰ ਹੈ । ਤੁਹਾਡਾਂ ਆਪਣੀ ਕੁਰਸੀ ਨੂੰ ਫੜ ਕੇ ਰੱਖਣਾ ਤਾਂ ਸਮਝ ਆਉਦਾਂ ਹੈ ਪਰ ਇਸ ਵਾਸਤੇ ਆਪਣੇ ਹੀ ਲੋਕਾਂ ਨੂੰ ਨਸੀਹਤਾਂ ਦੇਣੀਆਂ ਇਹ ਸਮਝ ਤੋਂ ਬਾਹਰ ਹੈ । ਸਾਡੀ ਤੁਹਾਨੂੰ ਰਾਏ ਹੈ ਕੇ ਅਗਰ ਕਮਿਊਨਟੀ ਲਈ ਕੁੱਝ ਨਹੀਂ ਕਰ ਸਕਦੇ ਤਾਂ ਚੁੱਪ ਹੀ ਭਲੀ ਹੈ । ਹਰਦੀਪ ਸਿੰਘ ਗਿੱਲ, ਰਣਵੀਰ ਸਿੰਘ ਲਾਲੀ, ਤਰਸੇਮ ਸਿੰਘ ਧੀਰੋਵਾਲ, ਮਨਜਿੰਦਰ ਸਿੰਘ ਬਾਸੀ, ਹਰਪ੍ਰੀਤ ਸਿੰਘ ਗਿੱਲ, ਹਰਦੇਵ ਸਿੰਘ ਬਰਾੜ, ਦਵਿੰਦਰ ਸਿੰਘ ਜੌਲੀ, ਕਸਮੀਰ ਸਿੰਘ, ਰਾਮ ਸਿੰਘ, ਹਰਭਜਨ ਸਿੰਘ, ਸੋਨਪ੍ਰੀਤ ਸਿੰਘ, ਚਰਨ ਸਿੰਘ, ਵਰਿੰਦਰ ਸਿੰਘ ਬਰੇਲੀ, ਰਾਜਿੰਦਰ ਸਿੰਘ ਅਤੇ ਦਲਵਿੰਦਰ ਸਿੰਘ ਰੰਧਾਵਾ ਵਲੋਂ ਦਲਜੀਤ ਸਿੰਘ ਰਾਹੀਂ ਸੁਪਰੀਮ ਸਿਖ ਕੌਂਸਲ ਵਲੋਂ ਹਾਈਕੋਰਟ ਚ ਕੀਤੀ ਰਿੱਟ ਦੀ ਵੀ ਸਾਲਾਘਾ ਕੀਤੀ ਹੈ ।

ਨਵੀਂ  ਪਾਲਿਸੀ 15 ਮਈ ਤੋ ਬਾਅਦ ਹੋਵੇਗੀ ਲਾਗੂ ।
ਮੀਡੀਆ ਨਾਲ ਵਿਸ਼ੇਸ ਇੰਟਰਵਿਊ ਇੰਮੀਗਰੇਸ਼ਨ ਸਲਾਹਕਾਰ ਨਾਲ ।
ਔਕਲੈਂਡ (ਐਨ ਜੈਡ ਤਸਵੀਰ ਬਿਊਰੋ)- ) ਅੱਜ ਹੀ ਇੰਮੀਗਰੇਸ਼ਨ ਵਲੋਂ ਜਾਰੀ ਕੀਤੀ ਪਾਲਿਸੀ ਨੇ ਭਾਰਤੀ ਲੋਕਾਂ ਅਤੇ ਹੋਰ ਐਥਿਨਕ ਲੋਕਾਂ ਨੂੰ ਰੋਕਣ ਦੇ ਯਤਨ ਨਾਲ ਇੱਕ ਵੱਡੀ ਤਬਦੀਲੀ ਕੀਤੀ ਹੈ ਜਿਸ ਨਾਲ ਸਾਰਾ ਭਾਰਤੀ ਭਾਈਚਾਰਾ ਵੀ ਪੀੜਤ ਹੋਵੇਗਾ । ਇਸ ਪਾਲਿਸੀ ਦਾ ਵੱਡਾ ਉਦੇਸ਼ ਰਿਸ਼ਤੇਦਾਰੀਆਂ ਅਧੀਨ ਆਉਦੇਂ ਲੋਕਾਂ ਉੱਪਰ ਸਿੱਧੀ ਪਾਬੰਧੀ ਲਾਉਣਾ ਹੈ । ਸਾਡੇ ਵਲੋਂ ਇਸ ਸਬੰਧੀ ਇਕ ਇੰਟਰਵਿਊ ਇੰਮੀਗਰੇਸ਼ਨ ਆਡਵਾਈਜ਼ਰ ਅਤੇ ਸਿੱਖ ਕਮਿਊਨਟੀ ਲੀਡਰ ਦਲਜੀਤ ਸਿੰਘ ਨਾਲ ਕੀਤੀ ਗਈ ਜਿਹਨਾਂ ਨੇ ਸਭ ਤੋਂ ਪਹਿਲਾਂ ਇਸ ਕਾਨੂੰਨ ਬਾਰੇ ਰੇਡੀਉ ਮਹਿਕ ਏ ਵਤਨ ਰਾਹੀਂ ਲੋਕਾਂ ਨੂੰ ਜਾਗਰੂਕ ਕੀਤਾ ਹੈ;
ਸਵਾਲ: ਦਲਜੀਤ ਵੀਰ ਜੀ ਪਹਿਲਾਂ ਇਸ ਪਾਲਿਸੀ ਬਾਰੇ ਜਰਾ ਦੱਸੋ ਇਸ ਚ ਹੈ ਕੀ ?
ਜੁਆਬ: ਵੀਰ ਜੀ ਇਸ ਪਾਲਿਸੀ ਦੀਆ ਸਭ ਤੋਂ ਜ਼ਰੂਰੀ ਗੱਲਾ ਜਿਸ ਦਾ ਸਾਡੇ ਭਾਈਚਾਰੇ ਤੇ ਸਿੱਧਾ ਅਸਰ ਪੈਂਦਾ ਹੈ ਉਹ ਹਨ ਪਹਿਲੀ ਤਬਦੀਲੀ : ਭੈਣ ਅਤੇ ਭਰਾ ਜਿਹਨਾਂ ਵਾਸਤੇ (Sibling adult Policy) ਲਾਗੂ ਸੀ ਅਤੇ ਅਗਰ ਤੁਹਾਡਾ ਇੱਕੋ ਇੱਕ ਭੈਣ ਜਾਂ ਭਰਾ ਆਖਿਰੀ ਫੈਮਲੀ ਮੈਂਬਰ ਪਿੱਛੇ ਰਹਿ ਗਿਆ ਸੀ ਤਾਂ ਤੁਸੀਂ ਉਸ ਨੂੰ ਪੱਕੇ ਤੌਰ ਤੇ ਬੁਲਾ ਸਕਦੇ ਸੀ ਜਿਸਨੂੰ ਹੁਣ ਬਿੱਲਕੁੱਲ ਬੰਦ ਕਰ ਦਿੱਤਾ ਗਿਆ ਹੈ । ਹੁਣ ਤੁਸੀਂ ਪੱਕੇ ਤੌਰ ਤੇ ਆਪਣੇ ਭੈਣ ਜਾਂ ਭਰਾ ਨੂੰ ਸਪੌਸਰਜ਼ ਨਹੀਂ ਕਰ ਸਕੋਗੇ ਚਾਹੇ ਤੁਹਾਡੀ ਗਿਣਤੀ ਕੋਈ ਵੀ ਹੈ। ਜਿਸਦਾ ਮਤਲਬ ਹੈ ਕੋਈ ਭੈਣ ਭਰਾ ਹੁਣ ਤੁਹਾਡੇ ਕੋਲ ਇਸ ਕਰਕੇ ਨਹੀਂ ਆ ਸਕੇਗਾ ਕੇ ਤੁਸੀ ਇੱਥੇ ਪੱਕੇ ਹੋ ਤੇ ਸਾਰਾ ਪਰਾਵਰ ਇੱਕ ਜਗਾਂ ਇਕੱਠੇ ਹੋਣਾ ਚਾਹੁੰਦਾ ਹੈ ।
ਦੂਸਰੀ ਤਬਦੀਲੀ ਸਾਡੇ ਵਲੋਂ ਜੋ ਆਪਣੇ ਮਾਪਿਆਂ ਨੂੰ ਜਾਂ ਛੋਟੇ ਭੈਣ ਭਰਾ ਨੂੰ ਨਾਲ ਸਪੌਸਰ ਪੱਕੇ ਤੌਰ ਤੇ ਕੀਤਾ ਜਾਂਦਾ ਸੀ ਸੀ ਉਸਨੂੰ ਦੋ ਮਹੀਨੇ ਲਈ ਪਹਿਲਾਂ ਪੱਕੇ ਤੌਰ ਤੇ ਬੰਦ ਕਰ ਦਿੱਤਾ ਗਿਆ ਹੈ ਅਤੇ ਉਸਤੋਂ ਬਾਅਦ ਜੁਲਾਈ ਤੋਂ ਉਸਨੂੰ ਦੋ ਸਮਾਨਤਾਵਾਂ ਚ ਵੰਡ ਦਿੱਤਾ ਗਿਆ ਹੈ । ਜਿਸ ਅਨੁਸਾਰ ਪਹਿਲੀ ਮਦ ਪਹਿਲ ਦੇ ਅਧਾਰ ਤੇ ਹੋਵੇਗੀ ਜਿਸ ਨੂੰ ਪਹਿਲ ਦਿੱਤੀ ਜਾਵੇਗੀ ਜਿਸ ਵਿੱਚ ਉਹ ਮਾਤਾ ਪਿਤਾ ਜੋ 5 ਲੱਖ ਡਾਲਰ ਨਾਲ ਲੈ ਕੇ ਆ ਸਕਦੇ ਹੋਣ, ਸਪੌਸਰ ਕਰਨ ਵਾਲੇ ਦੀ ਆਮਦਨ 65000 ਇੱਕਲੇ ਦੀ ਜਾਂ 90,000 ਪਤੀ ਪਤਨੀ ਦੀ ਹੋਵੇਗੀ, ਮਾਤਾ ਪਿਤਾ 39890 ਡਾਲਰ ਦੇ ਕਰੀਬ ਆਪ ਸਾਰੀ ਉਮਰ ਕਮਾਉਣ ਦੀ ਗਰੰਟੀ ਦੇ ਸਕਦੇ ਹੋਣ ਅਤੇ ਅੰਗਰੇਜ਼ੀ ਚ 4 ਬੈਂਡ ਜਾਂ ਅੰਗਰੇਜ਼ੀ ਦੇ ਕੋਰਸ ਲਈ 1735 ਡਾਲਰ ਜਮਾਂ ਕਰਵਾਉਣ ਅਤੇ EOI ਪਾਉਣ ਜਿਵੇ ਕੇ ਆਮ ਸਟੂਡੈਂਟ ਪੁਆਇੰਟ ਕਲੇਮ ਕਰਨ ਲਈ ਅਪਲਾਈ ਕਰਦੇ ਹਨ ਅਤੇ ਫਿਰ ਉਹਨਾਂ ਨੂੰ ਯੋਗ ਹੋਣ ਉਪਰੰਤ ਅਪਲਾਈ ਕਰਨ ਲਈ ਸੱਦਾ ਦਿੱਤਾ ਜਾਵੇਗਾ ਅਤੇ ਦੂਸਰੀ ਮਦ ਵਿੱਚ ਜਿਹੜੀ ਬਹੁਤ ਧੀਮੀ ਗਤੀ ਨਾਲ ਚਲੇਗੀ ਉਸ ਵਿੱਚ ਸਪੌਸਰ ਕਰਨ ਵਾਲਾ 33675 ਡਾਲਰ ਕਮਾਉਂਦਾ ਹੋਵੇ, ਸਾਰੇ ਭੈਣ ਭਰਾ ਆਪਣੇ ਦੇਸ਼ ਚੋਂ ਬਾਹਰ ਰਹਿੰਦੇ ਹੋਣ, ਕੋਈ ਵੀ ਬੱਚਾ ਉਹਨਾਂ ਤੇ ਨਿਰਭਰ ਨਾਂ ਹੋਵੇ ਅਤੇ ਅੰਗਰੇਜ਼ੀ ਚ 4 ਬੈਂਡ ਜਾਂ ਅੰਗਰੇਜ਼ੀ ਦੇ ਕੋਰਸ ਲਈ 1735 ਡਾਲਰ ਜਮਾਂ ਕਰਵਾਉਣ ਅਤੇ ਉਹ ਹੀ ਅਪਲਾਈ ਕਰ ਸਕਣਗੇ ।
ਸਵਾਲ: ਪਰ ਇਸਦਾ ਜਿਸਦਾ ਸਿੱਧਾ ਮਤਲਬ ਤਾਂ ਪੰਜਾਬੀਆਂ ਲਈ ਰਸਤਾ ਬੰਦ ਹੈ ਹੀ ਹੋਵੇਗਾ?
ਜੁਆਬ: ਬਿਲਕੁੱਲ ਸਹਿਮਤ ।

ਸਵਾਲ: ਇਸ ਬਾਰੇ ਕੋਈ ਹੱਲ ?
ਜੁਆਬ: ਮੰਗਲਵਾਰ 15 ਮਈ ਤੱਕ ਇਹ ਪਾਲਿਸੀ ਲਾਗੂ ਨਹੀਂ ਹੈ ਇਸ ਲਈ ਜਿਹੜੇ ਸਾਡੇ ਕਮਿਊਨਟੀ ਦੇ ਲੋਕ ਫਾਇਦਾ ਉਠਾ ਸਕਦੇ ਹਨ ਉਹ ਤੁਰੰਤ ਇਸੇ ਹਫਤੇ ਦੇ ਅਖੀਰ ਚ ਹੀ ਫਾਈਲਾਂ ਤਿਆਰ ਕਰਨ ਅਤੇ ਮੰਗਲਵਾਰ ਆਖਿਰੀ ਦਿਨ ਤੱਕ ਅਪਲਾਈ ਕਰ ਦੇਣ । ਇਹ ਬਹੁਤ ਜ਼ਰੂਰੀ ਹੈ ਕਿਉਕਿ ਇਹ ਕੇਸ ਪਹਿਲੀ ਪਾਲਿਸੀ ਮੁਤਾਬਿਕ ਹੀ ਦੇਖੇ ਜਾਣਗੇ ।
ਸਵਾਲ: ਰਣਵੀਰ ਸਿੰਘ ਅਤੇ ਰਾਜਿੰਦਰ ਸਿੰਘ ਜੀ ਕਮਿਊਨਟੀ ਲੀਡਰ ਹੋਣ ਦੇ ਨਾਤੇ ਤੁਸੀਂ ਇਸ ਬਾਰੇ ਕੀ ਰਾਏ ਦੇਵੋਗੇ ?
ਜੁਆਬ: ਇਸ ਬਾਰੇ ਰਾਏ ਤਾਂ ਉਹ ਲੋਕ ਦੇ ਸਕਣਗੇ ਜੋ ਸਿਰਫ ਲੀਡਰਾਂ ਲਈ ਇਲੈਕਸ਼ਨਾਂ ਚ ਫੰਡ ਇੱਕਠੇ ਕਰਦੇ ਹਨ ਅਤੇ ਅਖਬਾਰਾਂ ਚ ਫੋਟੋਆਂ ਲੁਆ ਲੁਆ ਕੇ ਚੁਸਕੀਆਂ ਲੈਣ ਤੱਕ ਹੀ ਸੀਮਤ ਹਨ । ਪਿਛਲੇ ਦੋ ਮਹੀਨੇ ਤੋਂ ਇਸ ਕਾਨੂੰਨ ਬਾਰੇ ਕਨਸੋਆਂ ਚਲ ਰਹੀਆਂ ਸਨ ਕੀ ਕਦੇ ਤੁਹਾਡੇ ਉਹ ਲੀਡਰ ਜੋ ਪਾਰਲੀਮੈਂਟ ਚ ਬੈਠੇ ਹਨ ਜਾਂ ਪਾਰਲੀਮੈਂਟ ਮੈਂਬਰਾਂ ਨਾਲ ਆਏ ਦਿਨ ਫੋਟੋਆਂ ਅਖਬਾਰਾਂ ਚ ਲੁਆਉਦੇ ਹਨ ਕੀ ਉਹਨਾਂ ਨੂੰ ਇਸ ਕਾਨੂੰਨ ਬਾਰੇ ਪਤਾ ਨਹੀਂ ਸੀ? ਜੇ ਤੁਹਾਨੂੰ ਤੁਹਾਡੇ ਬਾਰੇ ਬਣਨ ਵਾਲੇ ਕਾਨੂੰਨਾਂ ਬਾਰੇ ਹੀ ਨਾ ਦੱਸਿਆ ਗਿਆ ਅਤੇ ਨਾਂ ਸਲਾਹ ਲਈ ਗਈ ਕੀ ਤਾਂ ਕੀ ਤੁਸੀਂ ਉਹਨਾਂ ਤੇ ਭਰੋਸਾ ਕਰੋਗੇ? ਕੀ ਇਸ ਬਾਰੇ ਬੋਲਣਾ ਤੁਹਾਡਾ ਫਰਜ਼ ਨਹੀ? ਕੀ ਅਜੇ ਵੀ ਡੇਢ ਲੱਖ ਦੇ ਕਰੀਬ ਭਾਰਤੀਆਂ ਦੀ ਅਵਾਜ ਨਹੀਂ ਸੁਣੋਗੇ ।
ਵੀਰ ਜੀ ਹੈਰਾਨੀ ਦੀ ਗੱਲ ਹੈ ਭਾਰਤੀ ਭਾਈਚਾਰਾ ਸਰਕਾਰ ਨਾਲ ਖੜਿਆ ਹੈ ਸਾਰੇ ਗੁਰੂ ਘਰਾਂ ਚ ਇਹਨਾਂ ਦੇ ਗਲਾਂ ਚ ਹਾਰ ਪਾਏ ਗਏ ਹਨ ਪਰ 4 ਸਾਲਾਂ ਚ ਸਾਡੇ ਕਕਾਰਾਂ ਦੀ ਪ੍ਰਵਾਨਗੀ ਦੀ ਗੱਲ ਤਾਂ ਕੀ ਚੱਲਣੀ ਸਗੋਂ ਸਾਨੂੰ ਇਹ ਤੋਹਫਾ ਜ਼ਰੂਰ ਦੇ ਦਿੱਤਾ ਹੈ । ਸਰਕਾਰ ਚਾਹੇ ਲੇਬਰ ਜਾਂ ਨੈਸ਼ਨਲ ਦੀ ਹੋਵੇ ਜਿਹੜਾ ਭਾਰਤੀ ਲੀਡਰ ਆਪਣੇ ਲੋਕਾਂ ਦੀ ਅਵਾਜ਼ ਨਹੀਂ ਬਣਨਾ ਚਾਹੁੰਦਾ ਉਸਨੂੰ ਸਿੱਖ ਲੀਡਰ ਕਹਿ ਕੇ ਸੰਬੋਧਨ ਹੋਣ ਦੀ ਕੀ ਲੋੜ ਹੈ? ਕੀ ਕੋਈ ਲੀਡਰ ਕੁਰਸੀ ਨੂੰ ਲੱਤ ਮਾਰ ਕੇ ਕੌਮ ਦੀ ਅਵਾਜ ਬਣਨ ਨੂੰ ਤਿਆਰ ਹੈ? ਅਸੀਂ ਤਾਂ ਆਪਣੇ ਵਲੋਂ ਇਹ ਗਰੰਟੀ ਦਿੰਦੇ ਹਾਂ ਕੇ ਕੋਈ ਵੀ ਪਾਰਟੀ ਉਟਾਹੂਹੂ ਅਤੇ ਟਾਕਾਨਿਨੀ ਗੁਰੂ ਘਰਾਂ ਚ ਆਉਣ ਤੋਂ ਪਹਿਲਾਂ ਹੁਣ ਜੁਆਬਦੇਹ ਹੋਵੇਗੀ ਅਤੇ ਇਸ ਕਾਨੂੰਨ ਦਾ ਸਖਤ ਵਿਰੌਧ ਕੀਤਾ ਜਾਵੇਗਾ ਅਤੇ ਲੋਕਾਂ ਦੇ ਹੱਕਾਂ ਲਈ ਲੜਨ ਵਾਲੀਆਂ ਪਾਰਟੀਆਂ ਨੂੰ ਨਾਲ ਲੈ ਕੇ ਠੋਸ ਪ੍ਰੋਗਰਾਮ ਉਲੀਕਿਆ ਜਾ ਰਿਹਾ ਹੈ ਜਿਸ ਵਿੱਚ ਮੁਜਾਹਰਾ ਵੀ ਸ਼ਾਮਿਲ ਹੋ ਸਕਦਾ ਹੈ । ਹੁਣ ਲੋੜ ਹੈ ਸਾਡੇ ਮੀਡੀਏ ਨੂੰ ਲੋਕਾਂ ਦੀ ਅਵਾਜ਼ ਬਣਨ ਦਾ ਨਾਂ ਕੇ ਬਿਨਾਂ ਵਜਾ ਸਰਕਾਰਾਂ ਦੀਆਂ ਕਮੀਨੀਆਂ ਪਾਲਸੀਆਂ ਨੂੰ ਪੰਜਾਬੀ ਚ ਅਨੁਵਾਦ ਅਤੇ ਇੰਟਵਿਊ ਕਰ ਕਰ ਕੇ ਆਪਣੀ ਸਫਲਤਾ ਦੇ ਦਾਅਵੇ ਕਰਨ ਦਾ । ਹੁਣ ਲੋੜ ਹੈ ਉਹਨਾਂ ਲੀਡਰਾਂ ਨੂੰ ਘਰਾਂ ਚੋ ਨਿੱਕਲਣ ਦੀ ਜੋ ਅਖਬਾਰਾਂ ਚ ਕਮਿਊਨਟੀ ਨੂੰ ਇੱਕ ਵਿਸ਼ੇਸ਼ ਪਾਰਟੀ ਨੂੰ ਵੋਟਾਂ ਪਾਉਣ ਲਈ ਅਪੀਲਾਂ ਕਰਦੇ ਰਹੇ ਹਨ । ਵਰਨਾਂ ਗਾਲਿਬ ਦੀਆਂ ਇਹ ਲਾਈਨਾਂ ” ਲਮਹੋ ਨੇ ਨੇ ਖਤਾ ਕੀ ਸਦੀਉ ਨੇ ਸਜਾ ਪਾਈ” ਵਾਲਾ ਹਾਲ ਸਾਡਾ ਵੀ ਹੋਵੇਗਾ

ਆਕਲੈਂਡ  (ਐਨ ਜੈਡ ਤਸਵੀਰ ਬਿਊਰੋ)-ਔਕਲੈਡ ਵਿੱਚ ਪੰਜਾਬੀਆਂ ਦੇ ਗੜ ਵਜੋ ਜਾਣੇ ਜਾਂਦੇ ਸ਼ਹਿਰ ਪਾਪਾਟੋਏਟੋਏ ਵਿੱਚ ਦੋ ਵਰੇ ਪਹਿਲਾਂ ਸ਼ੁਰੁ ਹੋਇਆ ,ਪੰਜਾਬੀਆਂ ਦਾ ਇਕਲੋਤਾ 24 ਘੰਟੇ ਚਲਣ ਵਾਲਾ ਪਹਿਲਾ ਪੰਜਾਬੀ ਰੇਡੀਓ ਸਪਾਇਸ ਨੇ ਆਪਣਾ ਦੂਸਰਾ ਵਰਾ ਪੂਰਾ ਕਰ ਲਿਆ । ਇਸ ਮੋਕੇ ਰੇਡੀਓ ਸਪਾਇਸ ਦੇ ਸਟੂਡੀਓ ਵਿੱਚ ਇੱਕ ਸਮਾਗਮ ਆਯੋਜਿਤ ਕੀਤਾ ਗਿਆ,ਜਿਸ ਵਿੱਚ ਰੇਡੀਓ ਰੇਡੀਓ ਸਪਾਇਸ ਦੀ ਸਮੁੱਚੀ ਟੀਮ ਨੇ ਭਾਗ ਲਿਆ, ਇਸ ਮੌਕੇ  ਕੇਕ ਕੱਟਣ ਦੀ ਰਸਮ ਮਾਤਾ ਨਛੱਤਰ ਕੋਰ ਅਤੇ ਮਾਤਾ ਬੇਅੰਤ ਕੋਰ ਨੇ ਨਿਭਾਈ।   ਰੇਡੀਓ ਸਪਾਈਸ ਦੇ ਸਰੋਤਿਆਂ ਵਲੋ ਸਾਰਾ ਦਿਨ ਫੋਨ ਅਤੇ ਫੇਸਬੁੱਕ ਰਾਂਹੀ ਵਧਾਈਆਂ ਦੀ ਝੜੀ ਲਾਈ ਰੱਖੀ।ਪਿਛਲੇ ਸਾਲ ਦੌਰਾਨ ਰੇਡੀਓ ਸਪਾਈਸ ਵਲੋ ਡਿਜ਼ੀਟਲ ਰੇਡੀਓ ਸੈਟ ਦਾ ਤੋਹਫਾ ਜੋ ਸਰੋਤਿਆਂ ਨੂੰ ਦਿੱਤਾ ਗਿਆ ਸੀ  ਦਾ ਸਰੋਤਿਆਂ ਵਲੋ ਮਿਲੇ ਖੂਬ ਹੁੰਗਾਰੇ ਦਾ ਟੀਮ ਵਲੋ ਧੰਨਵਾਦ ਕੀਤਾ ਗਿਆ। ਰੇਡੀਓ ਸਪਾਈਸ ਵਲੋ ਪ੍ਰੈਸ ਨੋਟ ਰਾਂਹੀ ਆਪਣੇ ਸਰੋਤਿਆਂ ਅਤੇ ਸਪਾਂਸਰਾ ਧੰਨਵਾਦ ਕੀਤਾ ਗਿਆ।

ਆਕਲੈਂਡ  ਮਈ (ਐਨ ਜੈਡ ਤਸਵੀਰ)- ਭਾਈ ਗੁਰਮੇਜ ਸਿੰਘ ਸਾਬਕਾ ਹਜ਼ੂਰੀ ਰਾਗੀ ਜੋ ਕਿ ਨਿਊਜੀਲੈਂਡ ਵਿੱਚ ਪਿਛਲੇ ਤਿੰਨ  ਮਹੀਨਿਆਂ ਤੋਂ ਇਥੋ ਦੇ ਵੱਖ-ਵੱਖ ਗੁਰਦੁਆਰਾ ਸਾਹਿਬਾਨਾਂ  ਦੇ ਵਿਚ ਸ਼ਬਦ ਕੀਰਤਨ ਰਾਹੀਂ ਸੰਗਤਾਂ ਨੂੰ ਬਾਣੀ ਲੜ ਲਾ ਰਹੇ ਸੀ, ਨੂੰ ਗੁਰਦੁਆਰਾ ਸ੍ਰੀ ਕਲਗੀਧਰ ਸਾਹਿਬ ਟਾਕਾਨੀਨੀ ਵਿਖੇ ਪ੍ਰਬੰਧਕ ਕਮੇਟੀ ਔਕਲੈਂਡ ਅਤੇ ਪ੍ਰਬੰਧਕ ਕਮੇਟੀ ਟੌਰੰਗਾ  ਵਲੋਂ ਸਿਰੋਪਾਓ ਦੇ ਕੇ ਸਨਮਾਨਿਤ ਕੀਤਾ ਗਿਆ।

ਔਕਲੈਂਡ (ਐਨ ਜੈਡ ਤਸਵੀਰ ਬਿਊਰੋ) – 28 ਅਪ੍ਰੈਲ 2012 ਨੂੰ ਭਾਰਤ ਭਵਨ ਵੈਲਿੰਗਟਨ ਵਿਖੇ ਇਕ ਪਿੰਡ ਦਾ ਮੰਤਵ ਲੈ ਕੇ NZCIA ਦੀ 86ਵੀਂ ਸਲਾਨਾ ਮੀਟਿੰਗ ਹੋਈ|
ਜਿਸ ਵਿੱਚ ਵਲਿੰਗਟਨ ਦੇ ਮੇਅਰ ਸੀਲੀਆ ਬਰਾਉਨ, ਲਿਸਟ ਐਮ ਪੀ ਕੰਵਲਜੀਤ ਸਿੰਘ ਬਖਸ਼ੀ, ਡਾ ਰਾਜਨ ਪ੍ਰਸ਼ਾਦ ਲੇਬਰ ਐਮ ਪੀ ਅਤੇ ਸੰਜੇ ਵਰਮਾ ਸੈਕਟਰੀ ਇੰਡੀਅਨ ਹਾਈ ਕਮਿਸ਼ਨ ਹਾਜਰ ਹੋਏ|
ਇਸ ਮੀਟਿੰਗ ਵਿੱਚ ਪਾਲ ਸਿੰਘ ਬੈਂਸ ਪ੍ਰਧਾਨ, ਹਰਸ਼ਦ ਪਟੇਲ ਉਪ ਪ੍ਰਧਾਨ, ਰਜੀਵ ਥਾਂਦੀ ਸੈਕਟਰੀ, ਰਾਜ ਬੇਦੀ ਅਸਿਸਟੈਂਟ ਸੈਕਟਰੀ ਅਤੇ ਮਨਜੀਤ ਸਿੰਘ ਖਜਾਨਚੀ ਚੁਣੇ ਗਏ|

ਔਕਲੈਂਡ (ਐਨ ਜੈਡ ਤਸਵੀਰ ਬਿਊਰੋ) -ਬੀਤੇ ਦਿਨੀ ਗਲੋਬਲ ਇੰਡੀਅਨਜ ਨੈਸ਼ਨਲ ਪਾਰਟੀ ਦੀ ਸਾਲਾਨਾਂ ਮੀਟਿੰਗ ਹੋਈ ਜਿਸ ਵਿੱਚ ਵੱਖ ਵੱਖ ਇਲਾਕਿਆਂ ਤੋਂ ਕਰੀਬ 180 ਦੇ ਮੈਂਬਰਾਂ ਨੇ ਭਾਗ ਲਿਆ| ਚੇਅਰਮੈਨ ਵੱਲੋਂ ਪਿਛਲੇ ਸਮੇਂ ਦੀ ਕਾਰਵਾਈ ਦੀ ਰਿਪੋਰਟ ਸਦਨ ਅੱਗੇ ਰੱਖੀ ਗਈ ਜੋ ਕਿ ਸਰਬ ਸੰਮਤੀ ਨਾਲ ਪਾਸ ਕਰ ਦਿੱਤੀ ਅਤੇ ਆਉਣ ਵਾਲੇ ਸਮੇਂ ਵਿੱਚ ਵੱਧ ਤੋਂ ਵੱਧ ਮੈਂਬਰ ਬਣਾ ਕੇ ਭਾਰਤੀ ਭਾਈਚਾਰੇ ਨੂੰ ਨੈਸ਼ਨਲ ਪਾਰਟੀ ਦੇ ਹੱਥ ਮਜਬੂਤ ਕੀਤੇ ਜਾਣ| ਮੀਟਿੰਗ ਵਿੱਚ ਪ੍ਰਿਤੀਪਾਲ ਸਿੰਘ ਬਸਰਾ ਚੇਅਰਮੈਨ, ਮੋਹਨ ਪਾਲ ਸਿੰਘ ਬਾਠ ਡਿਪਟੀ ਚੇਅਰਮੈਨ, ਕਰਨੈਲ ਸਿੰਘ ਡਿਪਟੀ ਚੇਅਰਮੈਨ, ਸ਼ਫੀਲੀ ਮਹਿਤਾ ਅਤੇ ਸੈਕਟਰੀ ਮਨੀਸ਼ ਤਾਨਾ, ਖਜਾਨਚੀ ਰੋਸ਼ਨੀ ਗੋਲੀਅਨ, ਅਸਿਸਟੈਂਟ ਇਕਬਾਲ ਸਿੰਘ, ਵੂਮਨ ਚੇਅਰ ਪਰਸਨ ਸ਼ਿਵਾਨੀ ਅਰੋੜਾ ਅਤੇ ਵਾਈਸ ਚੇਅਰਮੈਨ ਗੁਰਮੀਤਾ ਕੌਰ ਨੂੰ ਰੱਖਿਆ ਗਿਆ| ਅਗਜੈਕਟਿਵ ਕਮੇਟੀ ਚੁਣੀ ਗਈ ਅਤੇ ਆਖਿਰ ਵਿੱਚ ਕੰਵਲਜੀਤ ਸਿੰਘ ਬਖਸ਼ੀ ਦਾ ਸੁਨੇਹਾ ਪੜ ਕੇ ਸੁਣਾਇਆ ਗਿਆ ਅਤੇ ਹਰਨਾਮ ਸਿੰਘ ਗੋਲੀਅਨ ਜੋ ਕਿ ਇਸ ਦੇ ਪੈਟਰਨ ਹਨ ਨੇ ਆਏ ਹੋਏ ਮੈਂਬਰਾਂ ਦਾ ਧੰਨਵਾਦ ਕੀਤਾ|

ਔਕਲੈਂਡ (ਐਨ ਜੈਡ ਤਸਵੀਰ ਬਿਊਰੋ) – ਬੀਤੇ ਦਿਨੀ ਨਿਊਜੀਲੈਂਡ ਗੁਰੂ ਰਵਿਦਾਸ ਸਭਾ ਦੀ 20ਵੀਂ AGM ਮੀਟਿੰਗ ਹੋਈ ਜਿਸ ਵਿੱਚ ਨਵੀਂ ਕਮੇਟੀ ਦੇ ਮੈਂਬਰ ਨਿਰਮਲਜੀਤ ਸਿੰਘ ਭੱਟੀ ਪ੍ਰਧਾਨ, ਪ੍ਰਕਾਸ਼ ਮਾਨ ਟੀਪੁੱਕੀ ਉਪ ਪ੍ਰਧਾਨ, ਹਰਬੰਸ ਸਿੰਘ ਉਪ ਪ੍ਰਧਾਨ, ਜਸਵਿੰਦਰ ਸੰਧੂ ਸੈਕਟਰੀ, ਛਿੰਦਰ ਮਾਹੀ ਅਸਿਸਟੈਂਟ ਸੈਕਟਰੀ, ਹਰਗੋਪਾਲ ਸਰੋਆ ਖਜਾਨਚੀ, ਮਦਨ ਲਾਲ ਅਸਿਸਟੈਂਟ ਖਜਾਨਚੀ, ਰਜਿੰਦਰ ਸਿੰਘ ਝੂੰਬਰ ਔਡੀਟਰ ਅਤੇ ਬੋਰਡ ਮੈਂਬਰਾਂ ਦੀ ਚੋਣ ਕੀਤੀ ਗਈ ਅਤੇ ਨਾਲ ਹੀ ਲੇਡੀਜ ਵਰਕਿੰਗ ਕਮੇਟੀ ਵੀ ਬਣਾਈ ਗਈ

ਔਕਲੈਡ-(ਐਨ ਜੈੱਡ ਤਸਵੀਰ )ਨਿਊਜੀਲੈਂਡ ਵਿੱਚ  ਕਰਵਾਇਆ ਗਿਆ ਪਰਿਵਾਰਕ ਸ਼ੋਅ “ਨੌਟੀ ਬਾਬਾ ਇਨ ਔਕਲੈਂਡ” ਵਿਦੇਸ਼ਾਂ ਦੇ ਰੁਝੇਵੇਂ ਭਰੇ ਜੀਵਨ ਵਿਚ ਹਾਸਮਈ ਸਮਾਂ ਬਿਖੇਰਦਾ ਇਹ ਕਮੇਡੀ ਸ਼ੋਅ ਔਕਲੈਂਡ ਵਿੱਚ ਸਚਮੁੱਚ ਆਪਣੀ ਅਮਿੱਟ ਛਾਪ ਛੱਡ ਗਿਆ। ਟੈਲਸਟਰਾ ਕਲੀਅਰ ਈਵੈਂਟ ਸੈਂਟਰ ਮੈਨੂਕਾਊ ਵਿੱਚ ਪ੍ਰਮਿੰਦਰ ਤੱਖਰ, ਕੂੱਕੂ ਮਾਨ ਅਤੇ ਜਗਦੀਪ ਵੜੈਚ ਵਲੋਂਂ ਕਰਵਾਏ ਇਸ ਪ੍ਰੋਗਰਾਮ ਵਿਚ ਕੋਈ 9 ਦੇ ਕਰੀਬ ਕਲਾਕਾਰ ਪੰਜਾਬ ਤੋਂ ਇਕ ਨਾਟਕ ਮੰਡਲੀ ਦੇ ਰੂਪ ਵਿਚ ਆਏ। ਜਿਥੇ ਇਹ ਨਾਟਕ ਇਕ ਕਮੇਡੀ ਸੀ ਤੇ ਢਿੱਡੀਂ ਪੀੜਾਂ ਪਾਉਂਦਾ ਸੀ, ਉਥੇ ਸਮਾਜ ਦੀਆਂ ਕੁਰੀਤੀਆਂ ‘ਤੇ ਇਕ ਝਾਤ ਵੀ  ਪਾਉਂਦਾ ਸੀ। ਪਾਖੰਡੀ ਬਾਬਿਆਂ ਪ੍ਰਤੀ ਕਾਫੀ ਵਿਅੰਗ ਕੱਸੇ ਗਏ ਅਤੇ ਅਖੌਤੀ ਬਾਬਿਆਂ ਦੇ ਅੰਧ ਵਿਸ਼ਵਾਸ ਫੈਲਾਉਣ ਦੇ ਕਈ ਪਰਦੇਫਾਸ਼ ਕੀਤੇ। ਚਾਚਾ ਭਾਨਾ ਅਤੇ ਚਾਚਾ ਚਤਰਾ ਦੇ ਪਾਤਰਾਂ ਦਾ ਰੋਲ ਕਰਕੇ ਜਸਵਿੰਦਰ ਭੱਲੇ ਨੇ ਲੋਕਾਂ ਦੇ ਢਿੱਡੀਂ ਪੀੜਾਂ ਪਾ ਦਿੱਤੀਆਂ। ਬਿੰਦੂ ਢਿੱਲੋਂ, ਰਵਿੰਦਰ ਸ਼ਰਮਾ ਆਦਿ ਦੇ ਰੋਲ ਕਾਬਲੇ ਤਾਰੀਫ ਸਨ। ਹੱਸਦਾ-ਹਸਾਉਂਦਾ ਇਹ ਸ਼ੋਅ ਲੋਕਾਂ ਨੂੰ ਸਮਾਜਿਕ ਬੁਰਾਈਆਂ ‘ਤੇ ਚਾਨਣਾ ਪਾਉਂਦਾ ਤੇ ਅੰਧ ਵਿਸ਼ਵਾਸ ‘ਚੋਂ ਨਿਕਲਣ ਲਈ ਪ੍ਰੇਰਦਾ ਸਮਾਪਤ ਹੋਇਆ। ਚਾਚਾ ਚਤਰਾ, ਬਿੰਦੂ ਢਿਲੋਂ, ਬੀæ ਐਨæ ਸ਼ਰਮਾ, ਕਰਮਜੀਤ ਅਨਮੋਲ, ਗਗਨ, ਜੱਗੀ, ਸਿਮਰਨ, ਮੰਡ, ਪਿੰਕੀ ਮੋਗੇਵਾਲੀ ਵੱਲੋ ਆਪਣੇ-ਆਪਣੇ ਪਾਤਰਾਂ ਨੂੰ ਬਾਖੂਬੀ ਨਿਭਾਇਆ। ਦਰਸ਼ਕਾਂ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਇਹ ਸ਼ੋਅ ਨਿਊਜੀਲੈਂਡ ਦਾ ਸਭ ਤੋਂ ਵਧੀਆ ਪਰਿਵਾਰਕ ਸ਼ੋਅ ਸੀ ਜਿਸ ਨੂੰ  ਲਗਾਤਾਰ ਤਿੰਨ ਘੰਟੇ ਬਿਨਾਂ  ਕਿਸੇ ਰੁਕਾਵਟ ਮਾਣਿਆਂ ਅਤੇ ਨਾਲ ਹੀ ਦੱਸਿਆ ਕਿ ਆਉਣ ਵਾਲੇ ਸਮੇ ਚ ਇਹੋ ਜਿਹੇ ਪਰਿਵਾਰਕ ਅਤੇ ਸਮਾਜਿਕ ਬੁਰਾਈਆਂ ਤੇ ਚੋਟ ਕਰਨ ਵਾਲੇ ਸ਼ੋਅ ਹੀ ਹੋਣੇ ਚਾਹੀਦੇ ਹਨ।

Pictures of Community Member

ਸ਼ੀ ਓਮ ਪ੍ਰਕਾਸ਼ ਚੋਟਾਲਾ ਨੇ ਦਿੱਤਾ ਠੇਠ ਪੰਜਾਬੀ ਚ ਭਾਸ਼ਣ, ਦਰਸ਼ਕਾਂ ਦੀਆਂ ਤਾੜੀਆਂ ਨਾਲ ਹਾਲ ਗੂੰਜਿਆ।
ਔਕਲੈਂਡ (ਐਨ ਜੈਡ ਤਸਵੀਰ ਬਿਊਰੋ)-ਬੀਤੇ ਰਾਤ ਪੰਜਾਬੀ ਕਲਚਰ ਅਸੋਸ਼ੀਏਸਨ ਵਲੋ ਟੈਲਸਟਰਾ ਕਲੀਅਰ ਸੈਂਟਰ ਵਿਖੇ ਵਿਸਾਖੀ ਮਨਾਈ ਗਈ, ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਛੋਟੇ ਬੱਚਿਆਂ ਵਲੋ “ਦੇਹ ਸ਼ਿਵਾ ਬਰ ਮੋਹਿ” ਸ਼ਬਦ ਗਾਇਨ ਕਰਕੇ ਕੀਤੀ, ਅਤੇ ਬਾਅਦ ਵਿੱਚ ਇੰਡੀਅਨ ਅਸੋਸ਼ੀਏਸਨ ਪੁਕੀਕੋਈ ਦੀ ਤਰਫੋਂ ਕੇਰਲਾ ਦੀਆਂ ਲੜਕੀਆਂ ਨੇ ਭਾਰਤ ਨਾਟਿਅਮ ਵੈਲਕਮ ਡਾਂਸ ਪੇਸ਼ ਕੀਤਾ ਗਿਆ।
ਕੁਲਬੀਰ ਸਿੰਘ ਪ੍ਰੈਜੀਡੈਂਟ ਪੰਜਾਬੀ ਕਲਚਰ ਅਸੋਸ਼ੀਏਸਨ ਵਲੌਂ ਵੈਲਕੰਮ ਸਪੀਚ ਦਿੱਤੀ ਗਈ, ਇਸ ਤੋ ਇਲਾਵਾ ਸ ਕੰਵਲਜੀਤ ਸਿੰਘ ਬਖਸ਼ੀ ਮੈਬਰ ਪਾਰਲੀਮੈਂਟ ਨੈਸ਼ਨਲ ਪਾਰਟੀ, ਮਲੀਸਾ ਲੀ,ਸ੍ਰੀ ਰਾਜਨ ਪ੍ਰਸਾਦ ਮੈਬਰ ਪਾਰਲੀਮੈਂਟ ਲੇਬਰ ਪਾਰਟੀ, ਜੱਜ ਸ੍ਰੀ ਅਜੀਤ ਸਿੰਘ,ਪਾਲ ਸਿੰਘ ਬੈਂਸ ਪ੍ਰਿਥੀਪਾਲ ਸਿੰਘ ਬਸਰਾ,ਆਦਿ ਹੋਰਾਂ ਨੇ ਵਿਸਾਖੀ ਦੀਆਂ ਵਧਾਈਆਂ ਦਿੱਤੀਆਂ, ਬਾਅਦ ਵਿੱਚ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਵਿਰੌਧੀ ਦੇ ਨੇਤਾ ਸ੍ਰੀ ਓਮ ਪ੍ਰਕਾਸ਼ ਚੋਟਾਲਾ ਨੇ ਠੇਠ ਪੰਜਾਬੀ ਚ ਭਾਸ਼ਣ ਦਿੱਤਾ ਅਤੇ ਵਿਸਾਖੀ ਦੇ ਇਤਿਹਾਸ ਬਾਰੇ ਵਿਸ਼ੇਸ ਚਾਨਣਾ ਪਾਉਂਦਿਆਂ ਨਾਲ ਹੀ ਇਹ ਸੁਨੇਹਾ ਦਿੱਤਾ ਕਿ ਅਸੀ ਭਾਵੇਂ ਆਪਣੇ ਦੇਸ਼ ਤੋਂ ਪ੍ਰਦੇਸਾਂ ਵਿੱਚ ਜਿੰਨੀ ਮਰਜੀ ਦੂਰ ਵਸ ਜਾਈਏ ਪਰ ਸਾਨੂੰ ਆਪਣੀ ਮਾਂ ਬੋਲੀ ਪੰਜਾਬੀ ਅਤੇ ਸਾਡੀ ਪਗੜੀ ਨੂੰ ਨਹੀ ਵਿਸਾਰਣਾ ਚਾਹੀਦਾ, ਉਹਨਾਂ ਵਲੋਂ ਵਿਦੇਸ਼ਾ ਵਿੱਚ ਦਿੱਤੇ ਗਏ ਪੰਜਾਬੀ ਵਿੱਚ ਭਾਸ਼ਣਾ ਦਾ ਜਿਕਰ ਵੀ ਸਾਹਮਣੇ ਰੱਖਿਆ, ਜਿਸ ਨੂੰ ਸੁਣ ਕੇ ਦਰਸ਼ਕਾਂ ਨੇ ਤਾੜੀਆਂ ਕੇ ਮਾਰ ਸਲਾਹਿਆ।
ਵਿਰਸਾ ਅਕੈਦਮੀ ਦੇ ਬੱਚਿਆਂ ਵਲੋ ਗਿੱਧਾ ਭੰਗੜਾ ਦੀਆਂ ਆਈਟਮਾਂ ਪੇਸ਼ ਕੀਤੀਆਂ ਗਈਆ ਜਿਸ ਵਿੱਚ 4 ਸਾਲ ਤੋ 14 ਸਾਲ ਤੱਕ ਦੇ ਬੱਚੇ ਬੱਚੀਆਂ ਨੇ ਭਾਗ ਲਿਆ। ਇਸ ਤੋ ਇਲਾਵਾ ਜੋਤੀ ਵਿਰਕ ਵਲੋ ਵੀ ਪੰਜਾਬੀ ਬੋਲੀਆਂ “ਰੂੜਾ ਮੰਡੀ ਜਾਵੇ” ਦਸ਼ਮ ਬੇਦੀ ਅਤੇ ਸੋਨੀਆ ਬੇਦੀ ਵਲੋਂ ਵੀ ਭੰਗੜੇ ਦੀ ਆਈਟਮ ਪੇਸ਼ ਕੀਤੀ ਗਈ। ਐਨ ਜੈੱਡ ਕਲਰ ਗਰੁੱਪ ਵਲੋ ਵੋ ਬਹੁਤ ਵਧੀਆ ਡਾਂਸ ਵੀ ਪੇਸ਼ ਕੀਤਾ ਗਿਆ

ਵੈਲਿੰਗਟਨ (ਐਨ ਜੈਡ ਤਸਵੀਰ ਬਿਊਰੋ) – ਬੀਤੇ ਦਿਨੀਂ ਨਿਊਜ਼ੀਲੈਂਡ ਦੀ ਔਕਸਫੈਮ ਟ੍ਰੇਲਵਾਕਰ 2012 ਵਿੱਚ “ਵੈਲਿੰਗਟਨ ਸਿੱਖਜ਼ ਟੀਮ” ਨੇ ਕਾਮਯਾਬੀ ਨਾਲ ਹਿੱਸਾ ਲਿਆ। ਔਕਸਫੈਮ ਟ੍ਰੇਲਵਾਕਰ ਹਰ ਸਾਲ ਨਿਊਜ਼ੀਲੈਂਡ ਦੇ ਖੂਬਸੂਰਤ ਸ਼ਹਿਰ ਟੌਪੋ ਵਿੱਚ ਕਰਵਾਇਆ ਜਾਂਦਾ ਹੈ। ਇਸ ਟ੍ਰੇਲਵਾਕਰ ਵਿੱਚ ਚਾਰ ਜਣਿਆਂ ਦੀ ਟੀਮ ਨੇ 36 ਘੰਟਿਆਂ ਵਿੱਚ 100 ਕਿਲੋਮੀਟਰ ਤੁਰਣਾ ਹੁੰਦਾ ਹੈ ਜੋ ਕਿ ਵੈਲਿੰਗਟਨ ਸਿੱਖਜ਼ ਟੀਮ ਨੇ 24 ਘੰਟੇ 49 ਮਿੰਟ ਵਿੱਚ ਪੂਰਾ ਕਰ ਲਿਆ। ਵੈਲਿੰਗਟਨ ਸਿੱਖਜ਼ ਟੀਮ ਲੀਡਰ ਸ: ਚਰਨਜੀਤ ਸਿੰਘ ਨੇ ਗੱਲ ਬਾਤ ਦੌਰਾਨ ਇਸ ਪੱਤਰਕਾਰ ਨੂੰ ਦੱਸਿਆ ਕਿ ਟ੍ਰੇਲਵਾਕਰ ਕੋਈ ਰੇਸ ਨਹੀਂ ਸਗੋਂ 100 ਕਿਲੋਮੀਟਰ ਤੁਰਣ ਦਾ ਸਿਰੜ ਹੈ ਜੋ ਕਿ ਤੁਹਾਨੂੰ ਇਹ ਅਹਿਸਾਸ ਕਰਵਾਉਂਦਾ ਹੈ ਕਿ ਦੁਨੀਆਂ ਦੇ ਕਿੰਨ੍ਹੇ ਹੀ ਲੋਕ ਸਾਫ ਪਾਣੀ ਤੇ ਰੋਟੀ ਦੀ ਭਾਲ ਵਿੱਚ ਆਮ ਤੌਰ ਤੇ ਏਨਾ ਸਫਰ ਤੈਅ ਕਰਦੇ ਹਨ। ਸ: ਚਰਨਜੀਤ ਸਿੰਘ ਨੇ ਅੱਗੇ ਦੱਸਿਆ ਕਿ ਇਸੇ ਲੋਕ ਸੇਵਾ ਦੀ ਭਾਵਨਾ ਹੇਠ ਟ੍ਰੇਲਵਾਕਰ ਵਿੱਚ ਹਿੱਸਾ ਲੈਣ ਵਾਲੀ ਹਰ ਟੀਮ ਨੇ ਔਕਸਫੈਮ ਦੀਆਂ ਅਫਰੀਕੀ ਤੇ ਪੈਸਿਫਿਕ ਲੋਕਾਂ ਦੀ ਮਦਦਗਾਹ ਲਈ ਘੱਟੋ-ਘੱਟ 2,000 ਡਾਲਰ ਵੀ ਉਗਰਾਹੀ ਕਰਕੇ ਦੇਣਾ ਹੁੰਦਾ ਹੈ ਅਤੇ ਟੀਮ ਨੇ ਪਿਛਲੇ ਛੇ ਮਹੀਨੇ ਹਰ ਐਤਵਾਰ ਸਖ਼ਤ ਅਭਿਆਸ ਕੀਤਾ। ਔਕਸਫੈਮ ਇੱਕ ਸੇਵਾ ਸੰਸਥਾ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਤਰ੍ਹਾਂ ਦੀ ਗਤੀਵਿਧੀ ਵਿੱਚ ਹਿੱਸਾ ਲੈਣ ਨਾਲ ਸਿੱਖ ਭਾਈਚਾਰੇ ਦੀ ਪਛਾਣ ਵਧੀ ਹੈ ਤੇ ਟ੍ਰੇਲਵਾਕਰ ਦੌਰਾਨ ਕਈ ਲੋਕਾਂ ਨੇ ਆਸ ਪ੍ਰਗਟਾਈ ਕਿ ਸਿੱਖ ਭਾਈਚਾਰਾ ਅਜਿਹੀਆਂ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣ ਦਾ ਸਿਲਸਿਲਾ ਜਾਰੀ ਰੱਖੇਗਾ। ਸ: ਚਰਨਜੀਤ ਸਿੰਘ ਨਾਲ ਇਸ ਟੀਮ ਵਿੱਚ ਸ: ਗੁਰਤੇਜ ਸਿੰਘ, ਸ: ਭੁਪਿੰਦਰ ਸਿੰਘ ਅਤੇ ਸ: ਅਰਵਿੰਦਰ ਸਿੰਘ ਸ਼ਾਮਲ ਸਨ। ਵੈਲਿੰਗਟਨ ਸਿੱਖਜ਼ ਟੀਮ ਦੇ ਸਹਿਯੋਗੀ ਦਸਤੇ ਵਜੋਂ ਸ: ਰਘਬੀਰ ਸਿੰਘ ਤੇ ਸ: ਗੁਰਜੀਤ ਸਿੰਘ ਰਾਹੀ ਨੇ ਜ਼ਿੰਮੇਵਾਰੀ ਨਿਭਾਈ। ਸ: ਚਰਨਜੀਤ ਸਿੰਘ ਤੇ ਉਨ੍ਹਾਂ ਦੀ ਟੀਮ ਨੇ ਸਾਰੇ ਸਹਿਯੋਗੀਆਂ ਅਤੇ ਦਾਨੀ ਸੱਜਣਾਂ ਦਾ ਤਹਿ-ਦਿਲੋਂ ਧੰਨਵਾਦ ਕੀਤਾ।

ਔਕਲੈਂਡ (ਐਨ ਜੈਡ ਤਸਵੀਰ ਬਿਊਰੋ) – ਬੀਤੇ ਦਿਨੀ ਗੁਰਦੁਆਰਾ ਪਾਰਮਸਟਨ ਨੌਰਥ ਵਿਖੇ ਵਿਸਾਖੀ ਦਾ ਦਿਹਾੜਾ ਮਨਾਇਆ ਗਿਆ| ਸਭ ਤੋਂ ਪਹਿਲਾਂ ਸ੍ਰੀ ਆਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਗਏ ਉਪਰੰਤ ਨਿਸ਼ਾਨ ਸਾਹਿਬ ਜੀ ਦੇ ਚੋਲੇ ਦੀ ਸੇਵਾ ਕੀਤੀ ਗਈ| ਗਿਆਨੀ ਸੰਤੋਖ ਸਿੰਘ ਟੌਰੰਗਾ ਵਾਲਿਆਂ ਵੱਲੋਂ ਰਸ ਭਿੰਨਾਂ ਕੀਰਤਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ ਅਤੇ ਬਾਅਦ ਵਿੱਚ ਗਿਆਨੀ ਗੁਰਮੀਤ ਸਿੰਘ ਅਤੇ ਜਗਜੀਤ ਸਿੰਘ ਜੀ ਦੇ ਜਥੇ ਨੇ ਵੀ ਸੰਗਤਾਂ ਨੂੰ ਇਸ ਦਿਹਾੜੇ ਦੀ ਮਹਾਨਤਾ ਬਾਰੇ ਚਾਨਣਾ ਪਾਇਆ ਅਤੇ ਕੀਰਤਨ ਰਾਹੀਂ ਗੁਰੂ ਦੇ ਲੜ ਲਾਇਆ|
ਇਸ ਮੌਕੇ ਛੋਟੇ ਬੱਚਿਆਂ ਵੱਲੋਂ ਵੀ ਸੰਗਤਾਂ ਸਾਹਮਣੇ ਵਿਚਾਰ ਰੱਖੇ ਗਏ ਅੰਤ ਵਿੱਚ ਜਸਪ੍ਰੀਤ ਸਿੰਘ ਕਮੇਟੀ ਮੈਂਬਰ ਨੇ ਆਈਆਂ ਹੋਈਆਂ ਸੰਗਤਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ| ਗੁਰੂ ਕਾ ਲੰਗਰ ਵੀ ਅਤੁੱਟ ਵਰਤਾਇਆ ਗਿਆ|

ਟੌਰੰਗਾ (ਐਨ ਜੈਡ ਤਸਵੀਰ ਬਿਊਰੋ) – ਟੌਰੰਗਾ ਸਿੱਖ ਸੋਸਾਇਟੀ ਅਤੇ ਸਮੂਹ ਸੰਗਤਾ ਵਲੋਂ ਖਾਲਸਾ ਜੀ ਦੇ ਸਾਜਨਾ ਦਿਵਸ (ਵਿਸਾਖੀ) ਦੇ ਸਬੰਧ ਵਿੱਚ ਗੁਰਦੁਆਰਾ ਸ੍ਰੀ ਕਲਗੀਧਰ ਸਾਹਿਬ ਵਿਖੇ ਸਾਹਿਜ ਪਾਠ ਦੇ ਭੋਗ ਪਾਏ ਗਏ ਉਪਰੰਤ ਨਿਸ਼ਾਨ ਸਾਹਿਬ ਦੇ ਚੋਲਾ ਸਾਹਿਬ ਬਦਲੇ ਗਏ। ਇਸ ਤੋਂ ਬਾਅਦ ਸਜੇ ਦੀਵਾਨਾਂ ਵਿਚ ਗੁਰੂ ਘਰ ਦੇ ਕੀਰਤਨੀ ਜਥੇ ਭਾਈ ਗੁਰਦੀਪ ਸਿੰਘ ਦਿੱਲੀ ਵਾਲਿਆਂ ਵਲੋਂ ਇਲਾਹੀ ਬਾਣੀ ਦੇ ਰਸਭਿੰਨੇ ਕੀਰਤਨ ਕੀਤੇ ਗਏ ਅਤੇ ਬਾਅਦ ਵਿਚ ਭਾਈ ਰਜਿੰਦਰ ਸਿੰਘ ਗੁਰਦਾਸਪੁਰੀ ਵੱਲੋਂ ਕਥਾ ਰਾਹੀਂ ਖਾਲਸਾ ਸਾਜਨਾ ਦਿਵਸ ਦੇ ਦਿਹਾੜੇ ਤੇ ਵਿਸੇਸ਼ ਚਾਨਣਾ ਪਾਇਆ। ਇਸ ਮੌਕੇ ਭਾਈ ਸੁਖਦੇਵ ਸਿੰਘ ਚਮਕਾਰਾ ਦੇ ਢਾਡੀ ਜਥੇ ਨੇ ਵੀ ਖਾਲਸਾ ਪੰਥ ਦੇ ਸਾਜਨਾ ਦਿਵਸ ਸਬੰਧੀ ਵਾਰਾਂ ਗਾਇਨ ਕੀਤੀਆਂ। ਸਿੱਖ ਸੰਗਤਾ ਨੇ ਦੁਰ-ਦੁਰਾਡੇ ਤੋਂ ਪਹੁੰਚ ਕੇ ਵਿਸਾਖੀ ਦੇ ਪਵਿੱਤਰ ਦਿਹਾੜੇ ਤੇ ਗੁਰੂਘਰ ਹਾਜ਼ਰੀ ਭਰੀ