Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਮੇਲਾ ਲੁੱਟਣ ਵਾਲੇ ਲੋਕ…ਦੀਪ ਦਵਿੰਦਰ ਸਿੰਘ
ਜਦੋਂ ਆਕਾਸ਼ਵਾਣੀ ਤੋਂ ਦਿਨ ਢਲੇ ਠੰਡੂ ਰਾਮ ਹੋਰਾਂ ਦੀ ਜੁਗਲਬੰਦੀ ਦੇ ਸਿਲਸਿਲੇ ’ਚ ਰੇਡੀਓ ’ਤੇ ‘ਤੇਰੀ ਕਣਕ ਦੀ ਰਾਖੀ ਮੁੰਡਿਆ…’ ਵਾਲਾ ਗੀਤ ਵੱਜਦਾ ਹੁੰਦਾ ਸੀ ਤਾਂ ਵਿਹੜੇ ’ਚ ਨਵੀਂ ਫ਼ਸਲ ਦੀ ਆਮਦ ਦੇ ਚਾਅ ਵਿਚ ਘਰ ਦੇ ਨਿੱਕੇ-ਮੋਟੇ ਆਹਰ ’ਚ ਜੁਟੀ ਸੁਆਣੀ ਦੇ ਚਿਹਰੇ ’ਤੇ ਖੇੜਾ ਆ ਜਾਂਦਾ ਸੀ। ਨਵੇਂ ਦਾਣਿਆਂ ਦਾ ਚਾਅ ਕਿਰਸਾਨੀ ਪਰਿਵਾਰਾਂ ਦੇ ਨਾਲ ਨਾਲ ਪਿੰਡਾਂ ’ਚ ਹੋਰਨਾਂ ਕਿੱਤਿਆਂ ਨਾਲ ਜੁੜੇ ਲੋਕਾਂ ਦਾ ਵੀ ਸਾਂਭਿਆ ਨਹੀਂ ਸੀ ਜਾਂਦਾ।
ਤਾਰਿਆਂ ਦੀ ਲੋਏ ਗ੍ਰੰਥੀ ਹਜ਼ਾਰਾ ਸਿੰਹੁ ਦੀ ਨਿੰਮੀ-ਨਿੰਮੀ ਮੰਤਰ-ਮੁਗਧ ਕਰਦੀ ਆਵਾਜ਼ ’ਚ ਪਹੁ ਫੁਟਾਲੇ ਤੋਂ ਪਹਿਲਾਂ ਪਾਲਾਂ ਦੀਆਂ ਪਾਲਾਂ ਗੱਭਰੂ ਕਾਮੇ ਸੋਨ, ਸੁਨਹਿਰੀ ਭਾਹਾਂ ਮਾਰਦੇ ਖੇਤਾਂ ਵੱਲ ਵਹੀਰਾਂ ਘੱਤਦੇ ਹੁੰਦੇ ਸਨ ਤੇ ਪੱਕੀਆਂ ਕਣਕਾਂ ਵੱਢਣ, ਬੰਨ੍ਹਣ ਤੇ ਗਾਹੁਣ ਦੇ ਆਹਰ ’ਚ ਜੁਟ ਜਾਂਦੇ ਸਨ। ਕਣਕਾਂ ਨੂੰ ਦਾਤਰੀ ਪੈਂਦੀ। ਸਚਿਆਰੇ ਹੱਥ ਜੀਆ-ਜੰਤ ਤੇ ਮਾਲ ਡੰਗਰ ਲਈ ਵਰ੍ਹੇ ਭਰ ਦੇ ਖਾਧ-ਪਦਾਰਥਾਂ ਦੇ ਜੁਗਾੜ ਲਈ ਜੁਟ ਜਾਂਦੇ। ਧਰਤੀ ਮਾਂ ’ਤੇ ਉੱਗਿਆ ਰਿਜ਼ਕ ਦਾ ਤੀਲ੍ਹਾ-ਤੀਲ੍ਹਾ ਸਲੀਕੇ ਨਾਲ ਸਾਂਭਿਆ ਜਾਂਦਾ ਸੀ। ਅੱਕਣ-ਥੱਕਣ ਉਨ੍ਹਾਂ ਮਿਹਨਤਕਸ਼ਾਂ ਦੇ ਨੇੜੇ-ਤੇੜੇ ਨਹੀਂ ਸੀ ਢੁਕਦਾ। ਵਾਢੀ ਕਰਦਿਆਂ ਹਾਸੇ-ਠੱਠੇ ਤੇ ਦੁਖ-ਸੁਖ ਦੀਆਂ ਗੱਲਾਂ ਹੁੰਦੀਆਂ। ਬੱਬੇਹਾਲੀ ਦੀ ਛਿੰਝ ’ਚ ਘੁਲਦੇ ਭਲਵਾਨਾਂ ਦਾ ਜ਼ਿਕਰ ਹੁੰਦਾ ਤੇ ਕਦੇ ਜੱਗਾ ਜੱਟ, ਜਿਊਣਾ ਮੌੜ ਜਾਂ ਦੁੱਲੇ ਭੱਟੀ ਵਰਗੀਆਂ ਲੋਕ-ਗਾਥਾਵਾਂ ਵੀ ਛਿੜਦੀਆਂ। ਛੋਹਲੇ ਹੱਥੀਂ ਕੰਮ ਨਿਬੇੜਦਿਆਂ ਹੁੰਦੀ ਇਹ ਚੁੰਝ-ਚਰਚਾ ਵਿਰਾਸਤੀ ਮਹਿਫ਼ਿਲ ਹੋ ਨਿੱਬੜਦੀ ਸੀ।
ਕਣਕਾਂ ਅੱਜ ਵੀ ਪੱਕਦੀਆਂ ਨੇ, ਪਰ ਉਨ੍ਹਾਂ ਦੀ ਸਾਂਭ-ਸੰਭਾਲ ਲਈ ਪਿੰਡ ਦੀ ਜੀਵਨ ਸ਼ੈਲੀ ਨੂੰ ਕੋਈ ਫ਼ਰਕ ਨਹੀਂ ਪੈਂਦਾ। ਬਾਗ਼ਾਂ ’ਚ ਬਹਾਰਾਂ ਪਹਿਲਾਂ ਵਾਂਗ ਹੀ ਉਤਰਦੀਆਂ ਨੇ। ਅੰਬੀਆਂ ਦੇ ਬੂਟਿਆਂ ਨੂੰ ਬੂਰ ਵੀ ਆਪਣੇ ਵੇਲੇ ਨਾਲ ਪੈਂਦਾ ਹੈ ਤੇ ਕੋਇਲ ਦੀ ਕੂਕ ਵੀ ਉਂਝ ਹੀ ਸੁਣਨ ਨੂੰ ਮਿਲਦੀ ਹੈ। ਕੁਦਰਤ ਤਾਂ ਰੱਤੀ ਭਰ ਵੀ ਨਹੀਂ ਬਦਲੀ, ਪਰ ਅੰਨਦਾਤੇ ਨੇ ਆਪਣਾ ਰਾਹ ਬਦਲ ਲਿਆ ਜਾਪਦਾ ਹੈ। ਹੁਣ ਉਹਦੇ ਘਰ ਦੀ ਤ੍ਰੀਮਤ ਨੂੰ ਪੱਕੀ ਕਣਕ ਦੀ ਰਾਖੀ ਬਹਿਣ ਨਾਲੋਂ ਚੁੱਪ-ਚੁੱਪ ਰਹਿੰਦੇ ਆਪਣੇ ਸਿਰ ਦੇ ਸਾਈਂ ਦੀ ਰਾਖੀ ਦੀ ਬਹੁਤੀ ਚਿੰਤਾ ਰਹਿੰਦੀ ਹੈ ਕਿਉਂਕਿ ‘ਜੱਟੀ ਪੰਦਰ੍ਹਾਂ ਮੁਰੱਬਿਆਂ ਵਾਲੀ’ ਦੇ ਉਪਜਾਊ ਖੇਤਾਂ ਵਿਚ ਪਤਾ ਨਹੀਂ ਕਿੰਜ ਚੁੱਪ-ਚੁਪੀਤੇ ਸਲਫ਼ਾਸ ਵੀ ਉੱਗਣ ਲਗ ਪਈ ਹੈ। ਘਰ ਦੀ ਸੁਆਣੀ ਨੂੰ ਤਾਂ ਸਮਝ ਹੀ ਨਹੀਂ ਪਈ ਕਿ ਸ਼ਹਿਰ ਦੀ ਮੰਡੀ ’ਚ ਫ਼ਸਲ ਵੇਚਣ ਗਏ ਸਰਦਾਰ ਨੂੰ ਤਾਂ ਉਹ ਚੁੱਲੇ-ਚੌਂਕੇ ਦੇ ਨਿੱਕ-ਸੁੱਕ ਦਾ ਰੁੱਕਾ ਹੀ ਲਿਖ ਕੇ ਦਿੰਦੀ ਰਹੀ ਹੈ, ਫਿਰ ਚਹੁੰ ਜਣਿਆਂ ਦੇ ਮੋਢਿਆਂ ’ਤੇ ਚੜ੍ਹ ਕੇ ਘਰ ਆਏ ਸਰਦਾਰ ਦੇ ਗਲ ਪਾਏ ਕੁੜਤੇ ਦੀ ਵੱਖੀ ਵਾਲੀ ਜੇਬ੍ਹ ਵਿਚ ਸਲਫਾਸ ਦੀ ਖਾਲੀ ਡੱਬੀ ਕਿੱਥੋਂ ਆ ਗਈ।
ਪੰਜਾਬ ਦੇ ਮਿਹਨਤੀ ਤੇ ਬਹਾਦਰ ਲੋਕਾਂ ਦੀ ਚਰਚਾ ਤਾਂ ਪੂਰੀ ਦੁਨੀਆਂ ’ਚ ਛਿੜਦੀ ਹੈ। ਇਨ੍ਹਾਂ ਦੇ ਹੀ ਵੱਡੇ ਵਡੇਰਿਆਂ ਨੇ ਕਿਸੇ ਸਮੇਂ ਲਾਇਲਪੁਰ ਦੀਆਂ ਬਾਰਾਂ ਆਬਾਦ ਕੀਤੀਆਂ ਸਨ। ਯੂਪੀ ਦੇ ਕਈ ਜ਼ਿਲ੍ਹਿਆਂ ’ਚ ਉੱਗੀ ਦੱਭ, ਕਾਹੀ ਤੇ ਸਰਕੰਡਿਆਂ ਨੂੰ ਮੁੱਢੋਂ ਪੁੱਟ ਕੇ ਸਦੀਆਂ ਤੋਂ ਪਈ ਬੰਜਰ-ਬੀਆਬਾਨ ਜ਼ਮੀਨ ਨੂੰ ਵਾਹੀਯੋਗ ਬਣਾ ਦਿੱਤਾ ਸੀ। ਵੱਡੀ ਨਹਿਰ ’ਚੋਂ ਨਿਕਲਦੇ ਸੂਏ ਦਾ ਨੱਕਾ ਵੀ ਤਾਂ ਇਨ੍ਹਾਂ ਆਪ ਆਪਣੇ ਮੋਢੇ ’ਤੇ ਰੱਖੀ ਕਹੀ ਨਾਲ ਆਪਣੇ ਜ਼ਰਖ਼ੇਜ਼ ਖੇਤਾਂ ਨੂੰ ਮੋੜਿਆ ਸੀ ਤੇ ਭੁੱਖਮਰੀ ਦਾ ਸ਼ਿਕਾਰ ਰਹਿੰਦੇ ਇਸ ਦੇਸ਼ ਦੇ ਅੰਨ ਭੰਡਾਰ ਨੱਕੋ-ਨੱਕ ਭਰ ਦਿੱਤੇ ਸਨ।
ਪੰਜਾਂ ਦਰਿਆਵਾਂ ਦਾ ਕਲ-ਕਲ ਕਰਦਾ ਚਾਂਦੀ ਰੰਗਾ ਪਾਣੀ ਤਾਂ ਇੱਥੋਂ ਦੀ ਤਪਸ਼ ਮਾਰੀ ਜ਼ਮੀਨ ਨੂੰ ਸਿੰਜਦਾ ਸੀ, ਪਰ ਰਾਤ ਦੇ ਘੁੱਪ ਹਨੇਰੇ ’ਚ ਘਰ ਦੇ ਕਿਸੇ ਜੀਅ ਨੂੰ ਚਿੱਤ-ਚੇਤਾ ਵੀ ਨਹੀਂ ਹੁੰਦਾ, ਜਦੋਂ ਪਰਿਵਾਰ ਦਾ ਮੋਢੀ ਗੜੰਮ ਕਰਕੇ ਖੌਰੂ ਪਾਉਂਦੇ ਪਾਣੀ ’ਚ ਛਾਲ ਜਾ ਮਾਰਦਾ। ਇਸ ਸਭ ਦੇਖ ਕੇ ਸਮਝ ਨਹੀਂ ਆਉਂਦੀ ਕਿ ਮਰਨ ਵਾਲਾ ਆਪਣੇ ਪਿਛਲਿਆਂ ਪ੍ਰਤੀ ਏਨਾ ਨਿਰਮੋਹਾ ਕਿੰਜ ਹੋਣ ਲੱਗ ਪਿਆ। ਆਪਣੇ ਤਾਂ ਛੱਡ, ਵੈਰੀ ਦੇ ਬੱਚੇ ਨੂੰ ਵੀ ਯਤੀਮ ਹੋਇਆਂ ਵੇਖ ਕੇ ਇਹਦਾ ਕਾਲਜਾ ਫਟਦਾ ਹੁੰਦਾ ਸੀ।
ਘਰ ਵਿਚ ਜਦੋਂ ਤੰਗੀ-ਤੁਰਸ਼ੀ ਆਉਂਦੀ ਹੈ ਤਾਂ ਘਰ ਦੀ ਸੁਆਣੀ ਹਮੇਸ਼ਾਂ ਬੰਦੇ ਦੇ ਨਾਲ ਖੜ੍ਹਦੀ ਹੈ। ਅਜਿਹੇ ਵੇਲੇ ਧੀਆਂ-ਪੁੱਤਰ ਤੇ ਬੁੱਢੇ ਮਾਂ-ਬਾਪ ਘਰ ਦੇ ਮੁਖੀ ਤੋਂ ਕਦੇ ਵੀ ਪਿੱਠ ਨਹੀਂ ਭੁਆਉਂਦੇ। ਵਾਰਾਂ ਗਾਉਂਦੇ ਢਾਡੀ ਕਹਿੰਦੇ ਹੁੰਦੇ ਐ: ‘ਇੱਕ ਮੁੱਠ ਛੋਲਿਆਂ ਦੀ, ਖਾ ਕੇ ਤੇਰੇ ਲੰਗਰਾਂ ’ਚੋਂ, ਘੂਰ-ਘੂਰ ਮੌਤ ਨੂੰ ਡਰਾਵੇ ਤੇਰਾ ਖਾਲਸਾ’। ਕਣਕਾਂ ਉਸ ਵੇਲੇ ਵੀ ਪੱਕੀਆਂ ਖੜ੍ਹੀਆਂ ਸਨ, ਜਦੋਂ ਅਨੰਦਪੁਰ ਦੀ ਧਰਤੀ ਤੋਂ ਕਲਗੀਆਂ ਵਾਲੇ ਗੁਰੂ ਨੇ ਨਿਤਾਣੇ ਲੋਕਾਂ ਲਈ ਲੜਣ ਤੇ ਮਰਨ ਦੀ ਨਵੀਂ ਪਿਰਤ ਪਾਈ ਸੀ। ਗੁਰੂਆਂ, ਪੀਰਾਂ, ਦੁੱਲਿਆਂ ਤੇ ਬੁੱਲ੍ਹਿਆਂ ਦੀ ਇਸ ਧਰਤੀ ’ਤੇ ਆਤਮ ਹੱਤਿਆ ਵਰਗੀ ਕਾਇਰਤਾ ਸ਼ੋਭਾ ਨਹੀਂ ਦਿੰਦੀ। ਅਸੀਂ ਤਾਂ ਗੁਰਬਤ ਦੇ ਦਿਨਾਂ ’ਚ ਵੀ ਦਮਾਮੇ ਮਾਰਨ ਤੇ ਮੇਲਾ ਲੁੱਟਣ ਵਾਲੇ ਲੋਕ ਹਾਂ।
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback