Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਇਧਰੋਂ ਉਧਰੋਂ--ਬਲਰਾਜ ਸਿੰਘ ਸਿੱਧੂ ਐਸ.ਪੀ.
ਇਧਰੋਂ ਉਧਰੋਂ
ਪੁਲਿਸ ਮਹਿਕਮੇ ਵਿੱਚ ਬਹੁਤ ਜਿਆਦਾ ਕੰਮ ਦਾ ਘੜ•ੰਮ ਅਤੇ ਟੈਨਸ਼ਨ ਹੈ। ਹਰ ਵੇਲੇ ਦਿਮਾਗ 'ਤੇ ਕਿਸੇ ਨਾ ਕਿਸੇ ਗੱਲ ਦਾ ਬੋਝ ਪਿਆ ਰਹਿੰਦਾ ਹੈ। ਪੁਲਿਸ ਦੀ ਪਰੇਸ਼ਾਨੀ ਨੂੰ ਹੋਰ ਵਧਾਉਣ ਲਈ ਪੰਜਾਬ ਵਿੱਚ ਕੋਈ ਨਾ ਕੋਈ ਗੈਰ ਕਾਨੂੰਨੀ ਹਿੰਸਕ ਲਹਿਰ ਚੱਲਦੀ ਹੀ ਰਹਿੰਦੀ ਹੈ। ਪੈਪਸੂ (1948 ਤੋਂ 1956) ਵੇਲੇ ਮਾਲਵੇ ਵਿੱਚ ਖੂੰਖਾਰ ਡਾਕੂਆਂ ਦੇ ਕਈ ਗੈਂਗ ਹੁੰਦੇ ਸਨ। ਉਹ ਬੱਸਾਂ ਵਿੱਚ ਸਫਰ ਕਰ ਰਹੇ ਪੁਲਿਸ ਵਾਲਿਆਂ ਨੂੰ ਪਹਿਚਾਣ ਕੇ ਕਤਲ ਕਰ ਦਿੰਦੇ ਸਨ। ਉਹਨਾਂ ਦਾ ਪਹਿਚਾਨਣ ਦਾ ਸਭ ਤੋਂ ਅਸਾਨ ਢੰਗ ਸਵਾਰੀਆਂ ਦੀਆਂ ਲੱਤਾਂ ਚੈੱਕ ਕਰਨਾਂ ਹੁੰਦਾ ਸੀ। ਉਹਨਾਂ ਦਿਨਾਂ ਵਿੱਚ ਪੰਜਾਬ ਪੁਲਿਸ ਨਿੱਕਰਾਂ ਪਹਿਨਦੀ ਸੀ ਤੇ ਖੁੱਚਾਂ ਤੱਕ ਘੋੜਸਵਾਰੀ ਵਾਲੀਆਂ ਗਰਮ ਪੱਟੀਆਂ ਬੰਨ•ੀਆਂ ਜਾਂਦੀਆਂ ਸਨ। ਇਸ ਨਾਲ ਲੱਤਾਂ ਦੋ ਰੰਗੀਆਂ ਹੋ ਜਾਂਦੀਆਂ ਸਨ, ਖੁੱਚਾਂ ਤੱਕ ਚਿੱਟੀਆਂ ਤੇ ਬਾਕੀ ਕਾਲੀਆਂ। ਇਸ ਤੋਂ ਬਾਅਦ ਨਕਸਲਬਾੜੀ (1967 ਤੋਂ 1970-71) ਆਏ। ਉਹਨਾਂ ਨੇ ਕਈ ਸਾਲ ਪੁਲਿਸ ਨੂੰ ਗਧੀ ਵੇੜ ਪਾਈ ਰੱਖਿਆ। ਉਹ ਵੱਡੇ ਜਗੀਰਦਾਰਾਂ ਅਤੇ ਸਰਮਾਏਦਾਰਾਂ ਦਾ ਕਤਲ ਕਰਦੇ ਸਨ। ਫਿਰ ਪੰਜਾਬ ਵਿੱਚ ਸਭ ਤੋਂ ਖੂਨੀ ਦੌਰ ਅੱਤਵਾਦ ਦਾ ਸ਼ੁਰੂ ਹੋਇਆ। ਹਜ਼ਾਰਾਂ ਬੇਗੁਨਾਹ ਪੰਜਾਬੀ ਇਸ ਕਾਲੇ ਸਮੇਂ ਦੀ ਭੇਂਟ ਚੜ• ਗਏ। 1993 ਤੋਂ ਬਾਅਦ ਪੰਜਾਬ ਵਿੱਚ ਅਮਨ ਸ਼ਾਂਤੀ ਪਰਤੀ ਤਾਂ ਹੁਣ ਨਸ਼ੇ ਦੇ ਸਮੱਗਲਰਾਂ ਅਤੇ ਗੁੰਡਾ ਗੈਂਗਾਂ (ਗੈਂਗਸਟਰ) ਦੀ ਨਵੀਂ ਬਿਮਾਰੀ ਪੰਜਾਬ ਨੂੰ ਚੰਬੜ ਗਈ ਹੈ। ਖੈਰ ਹੌਲੀ ਹੌਲੀ ਬਹੁਤੇ ਗੈਂਗਸਟਰ ਜਾਂ ਤਾਂ ਮਾਰੇ ਜਾ ਚੁੱਕੇ ਹਨ ਜਾਂ ਗ੍ਰਿਫਤਾਰ ਕਰ ਲਏ ਗਏ ਹਨ। ਰੱਬ ਅੱਗੇ ਇਹ ਅਰਦਾਸ ਕਰਨੀ ਚਾਹੀਦੀ ਹੈ ਕਿ ਪੰਜਾਬ ਵਿੱਚ ਅਮਨ ਸ਼ਾਂਤੀ ਰਾਹੇ, ਕੋਈ ਹੋਰ ਮੁਸੀਬਤ ਨਾ ਗਲ ਪੈ ਜਾਵੇ।
ਖੈਰ ਹਰ ਵੇਲੇ ਟੈਨਸ਼ਨ ਵਿੱਚ ਰਹਿਣ ਵਾਲੀ ਪੁਲਿਸ ਨਾਲ ਵੀ ਕਈ ਵਾਰ ਮਜ਼ਾਕੀਆ ਹਾਦਸੇ ਹੋ ਜਾਂਦੇ ਹਨ। ਹੁਣ ਤਾਂ ਪੜ•ੇ ਲਿਖੇ ਅਫਸਰ-ਮੁਲਾਜ਼ਮ ਭਰਤੀ ਹੋਣ ਕਾਰਨ ਬਹੁਤ ਫਰਕ ਪੈ ਗਿਆ ਹੈ, ਪਰ ਪੁਰਾਣੇ ਸਮੇਂ ਵਿੱਚ ਪੁਲਿਸ ਵਾਲੇ ਮੁਫਤ ਦੀ ਸ਼ਰਾਬ ਪੀਣ ਅਤੇ ਮੁਰਗੇ ਪਾੜਨ ਲਈ ਮਸ਼ਹੂਰ ਹੁੰਦੇ ਸਨ। ਕਹਿੰਦੇ ਹਨ ਇੱਕ ਵਾਰ ਕਿਸੇ ਇਲਾਕੇ ਵਿੱਚ ਚੋਰੀ-ਡਾਕੇ ਦੀਆਂ ਵਾਰਦਾਤਾਂ ਬੇਹੱਦ ਵਧ ਜਾਣ ਕਾਰਨ ਐਸ.ਐਸ.ਪੀ. ਨੇ ਉਸ ਇਲਾਕੇ ਦਾ ਦੌਰਾ ਰੱਖ ਲਿਆ। ਇੱਕ ਪਿੰਡ ਵਿੱਚ ਉਸ ਨੇ ਲੋਕਾਂ ਨਾਲ ਗੱਲਬਾਤ ਦੌਰਾਨ ਪੁਲਿਸ ਦੀ ਕਾਰਕਰਦਗੀ ਬਾਰੇ ਪੁੱਛਗਿੱਛ ਕੀਤੀ। ਲੋਕਾਂ ਨੇ ਡਰਦੇ ਮਾਰੇ ਤੋਤੇ ਵਾਂਗ ਇਲਾਕੇ ਦੇ ਐਸ.ਐੱਚ.ਉ. ਦੀਆਂ ਰੱਜ ਕੇ ਝੂਠੀਆਂ ਤਰੀਫਾਂ ਕੀਤੀਆਂ ਕਿ ਇਹੋ ਜਿਹਾ ਨਫੀਸ ਥਾਣੇਦਾਰ ਤਾਂ ਅੱਜ ਤੱਕ ਇਸ ਥਾਣੇ ਵਿੱਚ ਆਇਆ ਹੀ ਨਹੀਂ, ਨਿਰਾ ਦੇਵਤਾ ਹੈ ਦੇਵਤਾ। ਐਸ.ਐਸ.ਪੀ ਹੈਰਾਨ ਹੋ ਗਿਆ ਕਿ ਐਨਾ ਵਧੀਆ ਥਾਣੇਦਾਰ? ਉਸ ਦੇ ਦੁਬਾਰਾ ਪੁੱਛਣ 'ਤੇ ਕਿ ਥਾਣੇਦਾਰ ਦੇਵਤਾ ਕਿਵੇਂ ਹੋਇਆ? ਐਸ.ਐਚ.ਉ. ਦੀਆਂ ਕਰਤੂਤਾਂ ਤੋਂ ਵਾਕਿਫ ਇੱਕ ਮੂੰਹ ਫੱਟ ਪਿੰਡ ਵਾਲਾ ਕਹਿਣ ਲੱਗਾ, “ਸਰ ਜੋ ਕੁਝ ਵੀ ਭੇਟਾ ਚੜ•ਾਈਏ, ਇਹ ਦੇਵਤੇ ਵਾਂਗ ਮੰਨਜ਼ੂਰ ਕਰ ਲੈਂਦਾ ਹੈ। ਬਿਲਕੁਲ ਵੀ ਹੀਲ ਹੁੱਜ਼ਤ ਨਹੀਂ ਕਰਦਾ।” ਐਸ.ਐਸ.ਪੀ. ਝੱਟ ਸਮਝ ਗਿਆ ਕਿ ਥਾਣੇਦਾਰ ਮਹਾਂ ਕੁਰੱਪਟ ਹੈ। ਉਸ ਨੇ ਐਸ.ਐਚ.ਉ. ਨੂੰ ਦਬਕਾ ਮਾਰਿਆ ਕਿ ਤੂੰ ਇਲਾਕੇ ਵਿੱਚ ਬਿਲਕੁਲ ਵੀ ਗਸ਼ਤ ਨਹੀਂ ਕਰਦਾ, ਇਸੇ ਲਈ ਐਨੀਆਂ ਵਾਰਦਾਤਾਂ ਹੋ ਰਹੀਆਂ ਹਨ। ਜੇ ਤੂੰ ਗਸ਼ਤ ਕਰਦਾ ਹੁੰਦਾ ਤਾਂ ਪਿੰਡ ਵਿੱਚ ਐਨੇ ਮੁਰਗੇ ਨਾ ਬਾਂਗਾਂ ਦਿੰਦੇ ਫਿਰਦੇ। ਜਿਸ ਇਲਾਕੇ ਵਿੱਚ ਪੁਲਿਸ ਗਸ਼ਤ ਕਰੇ, ਉਥੇ ਮੁਰਗੇ ਬਚ ਹੀ ਨਹੀਂ ਸਕਦੇ।
ਇਸੇ ਤਰਾਂ ਜਲੰਧਰ ਦੇ ਕਿਸੇ ਥਾਣੇ ਵਿੱਚ ਇੱਕ ਅਫਰੀਕਨ ਸਮਗਲਰ ਕੋਕੀਨ ਸਮੇਤ ਪਕੜਿਆ ਗਿਆ। ਉਹ ਕਈ ਸਾਲਾਂ ਤੋਂ ਦਿੱਲੀ ਰਹਿ ਰਿਹਾ ਸੀ, ਪਰ ਉਸ ਨੇ ਪਾਖੰਡ ਕਰਨਾ ਸ਼ੁਰੂ ਕਰ ਦਿੱਤਾ ਕਿ ਉਸ ਨੂੰ ਹਿੰਦੀ-ਅੰਗਰੇਜ਼ੀ ਨਹੀਂ ਆਉਂਦੀ। ਸਾਰੇ ਅਫਸਰ ਮੱਥਾ ਮਾਰ ਕੇ ਹਾਰ ਗਏ ਤੇ ਉਹ ਅੱਗੋਂ ਹੋਰ ਹੀ ਪਸ਼ਤੋ ਬੋਲੀ ਜਾਵੇ। ਜਦੋਂ ਸਭ ਦੇ ਹੱਥ ਖੜੇ ਹੋ ਗਏ ਤਾਂ ਥਾਣੇ ਦਾ ਸੰਤਰੀ, ਜੋ ਖੁਦ ਸਿਰੇ ਦਾ ਸ਼ਰਾਬੀ ਸੀ, ਕਹਿਣ ਲੱਗਾ, “ਸਰ ਸਿਰਫ ਦਸ ਕੁ ਮਿੰਟ ਵਾਸਤੇ ਇਹ ਬੰਦਾ ਮੇਰੇ ਹਵਾਲੇ ਕਰ ਦਿÀ। ਹਿੰਦੀ-ਅੰਗਰੇਜ਼ੀ ਛੱਡੋ, ਜੇ ਇਹ ਸੰਸਾਰ ਦੀਆਂ ਸਾਰੀਆਂ ਬੋਲੀਆਂ ਨਾ ਬੋਲਣ ਲੱਗ ਪਵੇ ਤਾਂ ਨਾਮ ਬਦਲ ਦਿਉ।” ਅੱਤਵਾਦ ਦੌਰਾਨ ਕਿਸੇ ਪਿੰਡ ਪੁਲਿਸ ਪਾਰਟੀ ਖਾੜਕੂਆਂ ਦੀ ਖੋਜ ਵਿੱਚ ਤਲਾਸ਼ੀ ਲੈਣ ਲਈ ਗਈ। ਉਹਨਾਂ ਦਿਨਾਂ ਵਿੱਚ ਅਜਿਹੀਆਂ ਤਲਾਸ਼ੀਆਂ ਆਮ ਹੀ ਚੱਲਦੀਆਂ ਰਹਿੰਦੀਆਂ ਸਨ। ਜਦੋਂ ਪੁਲਿਸ ਬਾਹਰ ਡਿਊਟੀ ਜਾਂਦੀ ਹੈ ਤਾਂ ਰੋਟੀ ਦਾ ਪ੍ਰਬੰਧ ਖੁਦ ਹੀ ਕਰਨਾ ਪੈਂਦਾ ਹੈ। ਉਸ ਟੋਲੀ ਦੇ ਇੱਕ ਹਵਾਲਦਾਰ ਤੇ ਸਿਪਾਹੀ ਨੇ ਕਿਸੇ ਘਰ ਵਾਲੇ ਦਾ ਰੋਟੀ ਖਵਾਉਣ ਲਈ ਤਰਲਾ ਮਾਰਿਆ। ਪੰਜਾਬੀਆਂ ਦੀ ਇਹ ਮਹਾਨਤਾ ਹੈ ਕਿ ਦਰ 'ਤੇ ਆਏ ਕਿਸੇ ਲੋੜਵੰਦ ਨੂੰ ਰੋਟੀ ਪਾਣੀ ਤੋਂ ਘੱਟ ਹੀ ਮੋੜਦੇ ਹਨ। ਘਰ ਵਾਲਿਆਂ ਨੇ ਫਟਾਫਟ ਪੰਜ ਸੱਤ ਪਰੌਂਠੇ ਦਹੀਂ, ਮੱਖਣ ਤੇ ਅਚਾਰ ਨਾਲ ਪਰੋਸ ਦਿੱਤੇ। ਹਵਾਲਦਾਰ ਕੁਝ ਜਿਆਦਾ ਹੀ ਭੁੱਖੜ ਸੀ, ਉਸ ਨੇ ਝੱਟ ਦੇਣੀ ਮੱਖਣ ਆਪਣੇ ਵੱਲ ਕਰ ਲਿਆ ਤੇ ਦਹੀਂ ਸਿਪਾਹੀ ਵੱਲ ਸਰਕਾ ਦਿੱਤਾ। ਮੱਖਣ ਹੱਥੋਂ ਨਿਕਲਦਾ ਵੇਖ ਕੇ ਸਿਪਾਹੀ ਹਵਾਲਦਾਰ ਦੇ ਗਲ ਪੈਣ ਵਾਲਾ ਹੋ ਗਿਆ ਤੇ ਅੱਧ ਦੀ ਮੰਗ ਕੀਤੀ। ਮੱਖਣ ਨੂੰ ਫਟਾਫਟ ਪਰੌਂਠਿਆਂ ਨਾਲ ਲਪੇਟਦਾ ਹੋਇਆ ਹਵਾਲਦਾਰ ਹੱਕ ਨਾਲ ਕਹਿਣ ਲੱਗਾ, “ਗੱਲ ਸੁਣ ਮੇਰੀ ਧਿਆਨ ਨਾਲ। ਮੈਂ ਸੀਨੀਅਰ ਹਾਂ ਤੇ ਤੂੰ ਜੂਨੀਅਰ। ਰੈਂਕ ਮੁਤਾਬਕ ਤਾਂ ਤੇਰਾ ਦਹੀਂ ਵੀ ਨਹੀਂ ਬਣਦਾ, ਸਿਰਫ ਅਚਾਰ ਬਣਦਾ ਹੈ। ਇਹ ਵੀ ਮੈਂ ਰਹਿਮ ਕਰ ਕੇ ਤੈਨੂੰ ਰਿਆਇਤ ਦੇ ਰਿਹਾ ਹਾਂ, ਚੁੱਪ ਕਰ ਕੇ ਖਾ ਲੈ।”
ਫੌਜ, ਸੀ.ਆਰ.ਪੀ. ਤੇ ਬੀ.ਐਸ.ਐਫ. ਆਦਿ ਵਿੱਚ ਰੈਂਕ ਮੁਤਾਬਕ ਸਲਾਮ ਵੱਜਦੀ ਹੈ ਤੇ ਪੁਲਿਸ ਵਿੱਚ ਪੋਸਟਿੰਗ ਅਨੁਸਾਰ। ਜੇ ਕੋਈ ਕਿਸੇ ਥਾਣੇ ਦਾ ਐਸ.ਐਚ.ਉ., ਸਬ ਡਵੀਜ਼ਨ ਦਾ ਡੀ.ਐਸ.ਪੀ. ਜਾਂ ਜਿਲ•ੇ ਦਾ ਐਸ.ਐਸ.ਪੀ. ਲੱਗਾ ਹੋਇਆ ਹੈ ਤਾਂ ਠਾਹ ਠਾਹ ਸਲਿਊਟ ਵੱਜਣਗੇ। ਪਰ ਜੇ ਕੋਈ ਕਿਸੇ ਦਫਤਰ ਜਾਂ ਗੁੱਠੇ ਲਾਈਨ ਲੱਗਾ ਹੋਇਆ ਹੈ ਤਾਂ ਜੂਨੀਅਰ ਤੋਂ ਜੂਨੀਅਰ ਮੁਲਾਜ਼ਮ ਵੀ ਮੂੰਹ ਫੇਰ ਕੇ ਲੰਘ ਜਾਵੇਗਾ। ਅਫਸਰ ਦੀ ਚੰਗੀ ਤੋਂ ਮਾੜੀ ਥਾਂ ਬਦਲੀ ਹੋਣ 'ਤੇ ਅਧੀਨ ਮੁਲਾਜ਼ਮਾਂ ਦਾ ਵਿਹਾਰ ਝੱਟ ਬਦਲ ਜਾਂਦਾ ਹੈ। ਕਿਸੇ ਥਾਣੇ ਦਾ ਐਸ.ਐਚ.ਉ. ਡਾਕ ਕੱਢ ਰਿਹਾ ਸੀ। ਮੁੰਸ਼ੀ, ਜੋ ਐਸ.ਐਚ.ਉ. ਦਾ ਨੰਬਰ ਵੰਨ ਚਮਚਾ ਸੀ, ਹਰ ਕਾਗਜ਼ ਨਾਲ ਬਦਾਮ ਦੀ ਇੱਕ ਗਿਰੀ ਐਸ.ਐਚ.ਉ. ਦੇ ਮੂੰਹ ਵਿੱਚ ਪਾ ਰਿਹਾ ਸੀ। ਡਾਕ ਕੱਢਦਿਆਂ ਇੱਕ ਖਾਕੀ ਜਿਹਾ ਕਾਗਜ਼ ਆਇਆ ਤਾਂ ਮੁੰਸ਼ੀ ਨੇ ਬਦਾਮ ਆਪਣੇ ਮੂੰਹ ਵਿੱਚ ਸੁੱਟ ਲਿਆ। ਐਸ.ਐਚ.ਉ. ਨੇ ਗੁੱਸੇ ਨਾਲ ਮੂੰਸ਼ੀ ਵੱਲ ਡੇਲੇ ਕੱਢੇ ਤਾਂ ਉਹ ਅੱਗੋਂ ਹੀਂ ਹੀਂ ਕਰ ਕੇ ਬੋਲਿਆ ਕਿ ਜ਼ਨਾਬ ਇਹ ਤੁਹਾਡੀ ਬਦਲੀ ਦੇ ਆਰਡਰ ਹਨ। ਕਿਤੇ ਕੋਈ ਥਾਣੇਦਾਰ ਵਰਦੀ ਪਾ ਕੇ ਕੱਸੀ ਪਾਰ ਕਰਨ ਲਈ ਖੜ•ਾ ਸੀ। ਪੁਲ ਨਾ ਹੋਣ ਕਾਰਨ ਇੱਕ ਜੱਟ ਨੇ ਕਿਹਾ ਕਿ ਕੋਈ ਗੱਲ ਨਹੀਂ ਹਜ਼ੂਰ, ਮੈਂ ਤੁਹਾਨੂੰ ਮੋਢਿਆਂ 'ਤੇ ਚੁੱਕ ਕੇ ਕੱਸੀ ਪਾਰ ਕਰਵਾ ਦਿੰਦਾ ਹਾਂ। ਅੱਧ ਵਿੱਚ ਜਾ ਕੇ ਜੱਟ ਪੁੱਛਦਾ ਕਿ ਜਨਾਬ ਤੁਸੀਂ ਕਿਸ ਥਾਣੇ ਵਿੱਚ ਲੱਗੇ ਉ? ਥਾਣੇਦਾਰ ਨੇ ਜਵਾਬ ਦਿੱਤਾ ਕਿ ਮੈਂ ਥਾਣੇ 'ਚ ਨਹੀਂ, ਚੰਡੀਗੜ• ਮੁੱਖ ਦਫਤਰ ਲੱਗਾ ਹੋਇਆ ਹਾਂ। ਜੱਟ ਨੇ ਭਵਾਂ ਕੇ ਥਾਣੇਦਾਰ ਨੂੰ ਪਾਣੀ ਵਿੱਚ ਮਾਰਿਆ, “ਮੈਂ ਸਮਝਿਆ ਕਿਸੇ ਥਾਣੇ ਦਾ ਐਸ.ਐਚ.ਉ. ਹੈ। ਕਿਤੇ ਸ਼ਰਾਬ ਪਕੜੀ ਗਈ ਤਾਂ ਸਿਫਾਰਸ਼ ਈ ਪਾਵਾਂਗੇ।”
ਸਰਹਾਲੀ ਥਾਣੇ 'ਚ ਸੁਰਿੰਦਰ ਸਿੰਘ ਨਾਮ ਦਾ ਐਸ.ਐਚ.ਉ. ਲੱਗਾ ਹੋਇਆ ਸੀ। ਅਨਪੜ• ਹੋਣ ਕਾਰਨ ਗੱਡੀਆਂ ਆਦਿ ਬਾਰੇ ਉਸ ਦੀ ਜਾਣਕਾਰੀ ਬਿਲਕੁਲ ਜ਼ੀਰੋ ਸੀ। ਉਸ ਦੀ ਇਸੇ ਕਮਜ਼ੋਰੀ ਦਾ ਲਾਭ ਉਠਾ ਕੇ ਸਰਕਾਰੀ ਜ਼ਿਪਸੀ ਦਾ ਡਰਾਈਵਾਰ ਉਸ ਨੂੰ ਰੱਜ ਕੇ ਲੁੱਟਦਾ ਸੀ। ਕਦੀ ਕਹਿਣਾ ਆਹ ਪੁਰਜ਼ਾ ਖਰਾਬ ਹੋ ਗਿਆ ਕਦੇ ਕਹਿਣਾ ਔਹ ਪੁਰਜ਼ਾ ਖਰਾਬ ਹੋ ਗਿਆ। ਅੱਤਵਾਦ ਵਿੱਚ ਐਸ.ਐਚ.ਉ. ਦਾ ਬੁਲੈਟ ਪਰੂਫ ਗੱਡੀ ਤੋਂ ਬਗੈਰ ਸਰਦਾ ਨਹੀਂ ਸੀ, ਇਸ ਲਈ ਪੈਰ 'ਤੇ ਖਰਚਾ ਕਰਨਾ ਪੈਂਦਾ ਸੀ। ਇੱਕ ਦਿਨ ਉਹ ਸਰਹਾਲੀ ਤੋਂ ਪੱਟੀ ਵੱਲ ਜਿਪਸੀ ਭਜਾਈ ਜਾ ਰਹੇ ਸਨ ਤਾਂ ਗੱਡੀ ਅੱਗੇ ਮੱਝਾਂ ਆ ਗਈਆਂ। ਡਰਾਈਵਰ ਨੇ ਇੱਕ ਦਮ ਬਰੇਕ ਮਾਰੀ ਤੇ ਨਾਲ ਹੀ ਬੁੜਬੜਾਇਆ, “ਬਿਮਾਰੀ ਪੈਣੀਆਂ ਨੇ ਮੋਸ਼ਨ ਈ (ਸਪੀਡ) ਤੋੜ ਦਿੱਤਾ।” ਐਸ.ਐਚ.ਉ. ਦੇ ਕੰਨ ਖੜੇ ਹੋ ਗਏ। ਅੰਗਰੇਜ਼ੀ ਵੱਲੋਂ ਹੱਥ ਤੰਗ ਹੋਣ ਕਾਰਨ ਉਸ ਨੇ ਸਮਝਿਆ ਕਿ ਮੋਸ਼ਨ ਵੀ ਕੋਈ ਪੁਰਜ਼ਾ ਹੈ। ਉਹ ਡਰਾਇਵਰ ਦੀਆਂ ਕਰਤੂਤਾਂ ਤੋਂ ਪਹਿਲਾਂ ਹੀ ਸੜਿਆ ਫੂਕਿਆ ਪਿਆ ਸੀ, ਖਿਝ• ਕੇ ਬੋਲਿਆ, “ਉਏ ਭੂਤਨੀ ਦਿਆ ਹੁਣ ਇਹ ਮੋਸ਼ਨ ਕਿੰਨੇ ਦਾ ਪਵੇਗਾ?” ਡਰਾਈਵਰ ਫੱਟ ਮੌਕਾ ਸਾਂਭ ਗਿਆ ਤੇ ਐਸ.ਐਚ.ਉ. 'ਤੇ ਅਹਿਸਾਨ ਕਰਦਾ ਹੋਇਆ ਬੋਲਿਆ, “ਜ਼ਨਾਬ ਕੋਈ ਪੈਸਾ ਨਹੀਂ ਲੱਗਦਾ, ਮੇਰੇ ਕੋਲ ਕਵਾਟਰ ਵਿੱਚ ਪਹਿਲਾਂ ਹੀ ਇੱਕ ਮੋਸ਼ਨ ਸਪੇਅਰ ਪਿਆ ਹੈ।” ਉਹ ਮੁਫਤ ਵਿੱਚ ਹੀ ਐਸ.ਐਚ.ਉ. ਤੋਂ ਸ਼ਾਬਾਸ਼ ਲੈ ਗਿਆ।
ਬਲਰਾਜ ਸਿੰਘ ਸਿੱਧੂ ਐਸ.ਪੀ.
ਪੰਡੋਰੀ ਸਿੱਧਵਾਂ 9501100062
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback