Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਦੇਸ਼ ਦਾ ਉਜਵਲ ਭਵਿੱਖ ਨਹੀਂ ਬਣ ਸਕਦੇ ਕੁਪੋਸ਼ਣ ਦਾ ਸ਼ਿਕਾਰ ਬੱਚੇ! -ਮੁਹੰਮਦ ਅੱਬਾਸ ਧਾਲੀਵਾਲ,
ਪ੍ਰਸਿੱਧ ਸ਼ਾਇਰ ਨਜ਼ੀਰ ਅਕਬਰ ਆਬਾਦੀ ਨੇ ਭੁੱਖੇ ਇਨਸਾਨ ਦੀ ਹਾਲਤ ਦਾ ਨਕਸ਼ਾ ਆਪਣੀ ਨਜ਼ਮ" ਰੋਟੀਆਂ" ਵਿੱਚ ਕੁੱਝ ਇਸ ਤਰ੍ਹਾਂ ਖਿੱਚਿਆ ਸੀ ਕਿ :
ਰੋਟੀ ਨਾ ਪੇਟ ਮੇਂ ਹੋ ਤੋ ਫਿਰ ਕੁੱਛ ਜਤਨ ਨਾ ਹੋ।
ਮੇਲੇ ਕੀ ਸੈਰ ਖਾਹਿਸ਼- ਏ-ਬਾਗ - ਓ- ਚਮਨ ਨਾ ਹੋ।
ਭੂਖੇ ਗਰੀਬ ਦਿਲ ਕੀ ਖੁਦਾ ਸੇ ਲਗਨ ਨਾ ਹੋ।
ਸੱਚ ਹੈ ਕਹਾ ਕਿਸੀ ਨੇ ਕਿ ਭੂਖੇ ਭਜਨ ਨਾ ਹੋ।
ਅੱਲ੍ਹਾ ਕੀ ਭੀ ਯਾਦ ਦਿਲਾਤੀ ਹੈਂ ਰੋਟੀਆਂ ! !
ਬੇਸ਼ੱਕ ਕਿਸਾਨਾਂ ਨੇ ਆਪਣੀ ਮਿਹਨਤ ਸਦਕਾ ਮੁਲਕ ਚ ਕਈ ਦਹਾਕੇ ਪਹਿਲਾਂ ਹਰੀ ਕ੍ਰਾਂਤੀ ਲਿਆਂਦੀ ਤੇ ਦੇਸ਼ ਨੂੰ ਅਨਾਜ ਪੱਖੋਂ ਆਤਮ ਨਿਰਭਰ ਬਣਾਇਆ ਹੈ ਤੇ ਅੱਜ ਦੇਸ਼ ਦੇ ਭੰਡਾਰ ਅਨਾਜ ਨਾਲ ਭਰਪੂਰ ਹਨ ਪਰ ਤ੍ਰਾਸਦੀ ਇਹ ਹੈ ਕਿ ਜਿਸ ਕਿਸਾਨ ਨੇ ਦੇਸ਼ ਅੰਦਰ ਹਰੀ ਕ੍ਰਾਂਤੀ ਲਿਆਉਣ ਚ ਅਹਿਮ ਯੋਗਦਾਨ ਪਾਇਆ, ਉਹੋ ਕਿਸਾਨ ਕਾਸ਼ਤਕਾਰੀ ਦੇ ਪੇਸ਼ੇ ਵਿੱਚ ਅਤੇ ਹੋਰ ਰੋਜਾਨਾ ਜੀਵਨ ਵਿੱਚ ਆਉਣ ਵਾਲੀਆਂ ਵੱਖ ਵੱਖ ਪ੍ਰੇਸ਼ਾਨੀਆਂ ਦੇ ਚਲਦਿਆਂ ਅੱਜ ਖੁਦ ਕਸ਼ੀਆ ਕਰਨ ਲਈ ਮਜਬੂਰ ਹਨ ।
ਦੁਖਾਂਤ ਇਹ ਹੈ ਕਿ ਅੱਜ ਸਾਡੀ ਸੋਚ ਕੁਝ ਇਸ ਤਰ੍ਹਾਂ ਦੀ ਹੋ ਗਈ ਹੈ ਕਿ ਸਾਡੇ ਭੰਡਾਰਾਂ ਵਿੱਚ ਪਿਆ ਅਨਾਜ ਗਲਦਾ ਗਲ ਜਾਵੇ ਤੇ ਭਾਵੇਂ ਚੂਹਿਆਂ ਦੀ ਭੇਂਟ ਚੜ੍ਹਦਾ ਚੜ੍ਹ ਜਾਏ, ਪਰ ਉਹ ਕਿਸੇ ਗਰੀਬ ਦੇ ਮੂੰਹ ਵਿੱਚ ਪੈ ਜਾਵੇ ਇਹ ਸਾਨੂੰ ਕਦਾਚਿਤ ਗਵਾਰਾ ਨਹੀਂ ਜਾਪਦਾ। ਅੱਜ ਅਸੀਂ ਅਕਸਰ ਵਿਆਹਾਂ ਵਿਚ ਵੇਖਦੇ ਹਾਂ ਕਿ ਲੋਕ ਆਪਣੀ ਝੂਠੀ ਸ਼ੋਹਰਤ ਨੂੰ ਬਰਕਰਾਰ ਰੱਖਣ ਲਈ ਤਰ੍ਹਾਂ ਤਰ੍ਹਾਂ ਦੇ ਪਕਵਾਨ ਤਿਆਰ ਕਰਾਉਂਦੇ ਹਨ ਤਾਂ ਕਿ ਉਨ੍ਹਾਂ ਦੇ ਵਿਆਹ ਵਿੱਚ ਸ਼ਮੂਲੀਅਤ ਕਰਨ ਵਾਲੇ ਲੋਕ ਉਨ੍ਹਾਂ ਦੀ ਤਾਅਰੀਫ ਕਰਨ ਪਰ ਸੱਚ ਤਾਂ ਇਹ ਹੈ ਕਿ ਅਜਿਹੇ ਵਿਆਹਾਂ ਵਿਚ ਜਿੰਨ੍ਹੀ ਖਾਣੇ ਦੀ ਬਰਬਾਦੀ ਹੁੰਦੀ ਹੈ ਉਸ ਨੂੰ ਬਿਆਨ ਕਰਨ ਲਈ ਮੈਂ ਸਮਝਦਾ ਹਾਂ ਕਿ ਇਕ ਹੋਰ ਵੱਖਰਾ ਆਰਟੀਕਲ ਲਿਖਣ ਦੀ ਲੋੜ ਹੈ । ਚਲੋ ਖੈਰ ਆਪਾਂ ਆਪਣੇ ਅਸਲ ਮੁੱਦੇ ਤੇ ਆਉਂਦੇ ਹਾਂ ।
ਸੱਚਮੁੱਚ ਇਹ ਅੱਜ ਦੀ ਇਕ ਤ੍ਰਾਸਦੀ ਹੀ ਕਹੀ ਜਾ ਸਕਦੀ ਹੈ ਕਿ ਜਿਸ ਮੁਲਕ ਦੇ ਭੰਡਾਰ ਅਨਾਜ ਨਾਲ ਭਰਪੂਰ ਹੋਣ ਤੇ ਉਸ ਦੇਸ਼ ਦੇ ਬੱਚੇ ਫਿਰ ਵੀ ਭੁਖਮਰੀ ਦਾ ਸ਼ਿਕਾਰ ਹੋ ਰਹੇ ਹੋਣ ਤਾਂ ਯਕੀਨਨ ਇਹ ਸਮੁੱਚੇ ਦੇਸ਼ ਦੀ ਲੀਡਰਸ਼ਿਪ ਲਈ ਤੇ ਅਵਾਮ ਲਈ ਗੰਭੀਰ ਚਿੰਤਾ ਦਾ ਵਿਸ਼ਾ ਹੋਣਾ ਚਾਹੀਦਾ ਹੈ ।
ਗਲੋਬਲ ਹੰਗਰ ਇੰਡੇਕਸ ਦੁਆਰਾ ਜਾਰੀ ਤਾਜ਼ਾ ਰਿਪੋਰਟ ਚ ਦੇਸ਼ ਦੀ ਜੋ ਤਸਵੀਰ ਉਭਰ ਕੇ ਸਾਹਮਣੇ ਆਈ ਹੈ ਉਸ ਨੂੰ ਵੇਖ ਕੇ ਇਕ ਸੱਚੇ ਭਾਰਤੀ ਦੀਆਂ ਅੱਖਾਂ ਟੱਢੀਆਂ ਰਹਿ ਜਾਂਦੀਆਂ ਹਨ ਉਥੇ ਹੀ ਉਸ ਨੂੰ ਬੇਤਹਾਸ਼ਾ ਨਮੋਸ਼ੀ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ।
ਗਲੋਬਲ ਹੰਗਰ ਇੰਡੇਕਸ ਦਾ ਅਰਥ ਉਨ੍ਹਾਂ ਦੇਸ਼ਾਂ ਤੋਂ ਹੈ ਜਿਥੇ ਬੱਚੇ ਪੇਟਭਰ ਖਾਣਾ ਨਹੀਂ ਖਾ ਪਾਉਂਦੇ। ਗਲੋਬਲ ਇੰਡੇਕਸ ਦੀ ਸ਼ੁਰੂਆਤ ਇੰਟਰਨੈਸ਼ਨਲ ਫੂਡ ਪਾਲਿਸੀ ਰਿਸਰਚ ਇੰਸਟੀਚਿਊਟ ਨੇ 'ਗਲੋਬਲ ਹੰਗਰ ਇੰਡੇਕਸ' ਦੀ ਸ਼ੁਰੂਆਤ 2006 ਵਿੱਚ ਕੀਤੀ ਸੀ ਵੇਲਟ ਹੰਗਰਲਾਈਫ ਨਾਂ ਦੀ ਇਕ ਜਰਮਨ ਸੰਸਥਾ ਨੇ ਸਾਲ 2006 ਵਿੱਚ ਪਹਿਲੀ ਵਾਰ 'ਗਲੋਬਲ ਹੰਗਰ ਇੰਡੇਕਸ' ਜਾਰੀ ਕੀਤਾ ਸੀ।
ਉਕਤ ਰਿਪੋਰਟ ਵਿਚ ਹੋਏ ਖੁਲਾਸੇ ਅਨੁਸਾਰ ਭਾਰਤ ਏਸ਼ੀਆ ਦੀ ਤੀਸਰੀ ਸੱਭ ਤੋਂ ਵੱਡੀ ਅਰਥਵਿਵਸਥਾ ਹੈ ਇਸ ਦੇ ਬਾਵਜੂਦ ਗਲੋਬਲ ਹੰਗਰ ਇੰਡੇਕਸ ਵਿੱਚ ਉਸ ਦਾ ਸਥਾਨ ਦੱਖਣੀ ਏਸ਼ੀਆਈ ਦੇਸ਼ਾਂ ਤੋਂ ਵੀ ਹੇਠਾਂ ਹੈ ਇਸ ਦਾ ਮਤਲਬ ਇਹ ਹੈ ਕਿ ਪਾਕਿਸਤਾਨ, ਬੰਗਲਾਦੇਸ਼, ਨੇਪਾਲ ਅਤੇ ਸ਼੍ਰੀਲੰਕਾ ਤੋਂ ਵੀ ਹੇਠਾਂ ਹੈ ਜਿਹਨਾਂ ਦੀ ਰੈਂਕਿੰਗ ਕਰਮ ਅਨੁਸਾਰ 94, 88, 73, ਅਤੇ 66 ਹੈ। ਇਸ ਤੋਂ ਪਹਿਲਾਂ ਭਾਰਤ ਲਿਸਟ ਵਿੱਚ 95 ਵੇਂ ਸਥਾਨ ਤੇ ਸੀ ਜੋ ਕਿ ਹੁਣ ਪੱਛੜ ਕੇ 102 ਵੇਂ ਸਥਾਨ ਤੇ ਆ ਗਿਆ ਹੈ ਜਦੋਂ ਕਿ 2000 ਦੀ ਕਰੀਏ ਤਾਂ ਭਾਰਤ ਉਸ ਵਕਤ 113 ਦੇਸ਼ਾਂ ਦੀ ਸੂਚੀ ਵਿਚ 83 ਵੇਂ ਸਥਾਨ ਤੇ ਸੀ।
ਗਲੋਬਲ ਹੰਗਰ ਇੰਡੇਕਸ 2019 ਵਿੱਚ ਭਾਰਤ ਵਿਸ਼ਵ ਦੇ ਉਨ੍ਹਾਂ 117 ਦੇਸ਼ਾਂ ਵਿੱਚੋਂ 102 ਵੇਂ ਨੰਬਰ ਤੇ ਰਿਹਾ ਹੈ ਜਿਥੇ ਬੱਚਿਆਂ ਦੀ ਲੰਬਾਈ ਦੇ ਅਨੁਸਾਰ ਵਜਨ ਨਹੀਂ ਹੈ ਤੇ ਬਾਲ ਮੌਤ ਦਰ ਵਧੇਰੇ ਹੈ ਅਤੇ ਬੱਚੇ ਕੁਪੋਸ਼ਣ ਦਾ ਸ਼ਿਕਾਰ ਹਨ। ਇਹ ਰਿਪੋਰਟ ਕਿਸੇ ਦੇਸ਼ ਵਿੱਚ ਕੁਪੋਸ਼ਣ ਦੇ ਅਨੁਪਾਤ, ਪੰਜ ਸਾਲ ਤੋਂ ਘੱਟ ਉਮਰ ਤੋਂ ਕੰਮ ਵਾਲੇ ਬੱਚੇ ਜਿਨ੍ਹਾਂ ਦਾ ਵਜਨ ਜਾਂ ਲੰਬਾਈ ਉਮਰ ਦੇ ਹਿਸਾਬ ਤੋਂ ਘੱਟ ਹੈ ਅਤੇ ਪੰਜ ਸਾਲ ਤੋਂ ਘੱਟ ਉਮਰ ਵਾਲੇ ਬੱਚਿਆਂ ਵਿੱਚ ਮ੍ਰਿਤਕ ਦਰ ਦੇ ਆਧਾਰ ਤੇ ਤਿਆਰ ਕੀਤੀ ਜਾਂਦੀ ਹੈ।
ਭਾਰਤ ਸਾਲ 2014 ਵਿੱਚ 55 ਵੇਂ ਸਥਾਨ ਤੇ ਸੀ। ਉਥੇ ਭਾਰਤ ਸਾਲ 2015 ਵਿੱਚ 80 ਵੇਂ ਸਥਾਨ ਤੇ, ਸਾਲ 2016 ਵਿੱਚ 97 ਵੇਂ ਸਥਾਨ ਤੇ, ਸਾਲ 20 17 ਵਿੱਚ 100 ਵੇਂ ਸਥਾਨ ਤੇ, ਅਤੇ ਸਾਲ 2018 ਵਿੱਚ 103 ਵੇਂ ਸਥਾਨ ਤੇ ਸੀ। ਜਦੋਂ ਕਿ ਸਾਲ 2010 ਵਿੱਚ 95 ਵੇਂ ਸਥਾਨ ਤੇ ਸੀ।
ਵਿਸ਼ਵ ਵਿਚ ਬੱਚਿਆਂ ਦੇ ਮਾਮਲੇ ਵਿੱਚ ਸੱਭ ਤੋਂ ਖਰਾਬ ਪ੍ਰਦਰਸ਼ਨ ਯਮਨ, ਜਿਬੂਤੀ ਅਤੇ ਭਾਰਤ ਦਾ ਰਿਹਾ ਜਿਨ੍ਹਾਂ ਦਾ 17.9 %ਤੋਂ 20.8% ਦੇ ਵਿਚਕਾਰ ਹੈ। ਰਿਪੋਰਟ ਅਨੁਸਾਰ ਭਾਰਤ ਵਿੱਚ 6 ਤੋਂ 23 ਮਹੀਨੇ ਵਿਚਕਾਰਲੀ ਉਮਰ ਦੇ ਮਹਿਜ 9.6 % ਬੱਚਿਆਂ ਨੂੰ ਹੀ " ਨਿਊਨਤਮ ਸਵੀਕਾਰਿਆ ਆਹਾਰ'' ਦਿੱਤਾ ਜਾਂਦਾ ਹੈ। ਰਿਪੋਰਟ ਵਿਚ 2016-18 ਦੇ ਵਿਚਕਾਰ ਕਰਵਾਏ ਇਕ ਸਰਵੇ ਦੇ ਆਧਾਰ ਤੇ ਦੱਸਿਆ ਹੈ ਕਿ ਭਾਰਤ 35 % ਬੱਚੇ ਛੋਟੇ ਕੱਦ ਦੇ ਹਨ ਜਦਕਿ 17 % ਫੀਸਦੀ ਬੱਚੇ ਕਮਜ਼ੋਰ ਪਾਏ ਗਏ ਸਨ।
ਗਲੋਬਲ ਹੰਗਰ ਇੰਡੇਕਸ ਅੰਕੜਿਆਂ ਅਨੁਸਾਰ ਭਾਰਤ 117 ਦੇਸ਼ਾਂ ਦੀ ਸੂਚੀ ਵਿੱਚ 102 ਵੇਂ ਸਥਾਨ ਤੇ ਹੈ ਜਦੋਂ ਕਿ ਗੁਆਂਢੀ ਦੇਸ਼ਾਂ ਵਿੱਚ ਨੇਪਾਲ, ਪਾਕਿਸਤਾਨ ਅਤੇ ਬੰਗਲਾਦੇਸ਼ ਭਾਰਤ ਨਾਲੋਂ ਬਿਹਤਰ ਸਥਿਤੀ ਵਿਚ ਹਨ । ਇਸੇ ਰਿਪੋਰਟ ਬੇਲਾਰੂਸ, ਯੂਕਰੇਨ, ਤੁਰਕੀ, ਕਿਊਬਾ ਅਤੇ ਕੁਵੈਤ ਸਮੇਤ 17 ਦੇਸ਼ ਪੰਜ ਤੋਂ ਘੱਟ ਵਾਲੇ ਅੰਕਾਂ ਵਿੱਚੋਂ ਉਪਰਲੇ ਸਥਾਨਾਂ ਤੇ ਹਨ ਇਸ ਸੰਦਰਭ ਵਿੱਚ ਆਇਰਲੈਂਡ ਦੀ ਏਜੰਸੀ "ਕੰਸਰਨ ਵਰਲਡ ਵਾਈਡ" ਅਤੇ ਜਰਮਨੀ ਦੇ ਸੰਗਠਨ" ਵੇਲਟ ਹੰਗਰ ਹਿਲਫੇ " ਦੁਆਰਾ ਸਾਂਝੇ ਰੂਪ ਵਿੱਚ ਤਿਆਰ ਕੀਤੀ ਰਿਪੋਰਟ ਵਿਚ ਭਾਰਤ ਦੀ ਭੁੱਖਮਰੀ ਦੀ ਸਮੱਸਿਆ ਨੂੰ ਗੰਭੀਰ ਗਰਦਾਨਿਆ ਗਿਆ ਹੈ।
ਗਲੋਬਲ ਹੰਗਰ ਇੰਡੇਕਸ ਦੀ ਇਸ ਰਿਪੋਰਟ ਦੀ ਪੈਮਾਇਸ਼ ਵਿੱਚ 0 ਅੰਕ ਸੱਭ ਤੋਂ ਚੰਗਾ ਤੇ ਭੁੱਖ ਦੀ ਸਥਿਤੀ ਨਹੀਂ ਹੋਣਾ ਦਰਸਾਉਂਦਾ ਹੈ ਰਿਪੋਰਟ ਵਿਚ 10 ਤੋਂ ਘੱਟ ਅੰਕ ਦਾ ਅਰਥ ਹੈ ਦੇਸ਼ ਵਿੱਚ ਭੁਖ ਦੀ ਸਮੱਸਿਆ ਬਹੁਤ ਘੱਟ ਹੈ ਇਸੇ ਤਰ੍ਹਾਂ ਰਿਪੋਰਟ ਵਿਚ 20 ਤੋਂ 34.9 ਅੰਕ ਦਾ ਅਰਥ ਹੈ ਗੰਭੀਰ ਸੰਕਟ ਹੈ ਰਿਪੋਰਟ ਵਿਚ 35 ਤੋਂ 49.9 ਅੰਕ ਦਾ ਅਰਥ ਹੈ ਹਾਲਤ ਬਹੁਤ ਹੀ ਚੁਣੌਤੀ ਪੂਰਨ ਹਨ ਅਤੇ 50 ਜਾਂ ਇਸ ਤੋਂ ਜਿਆਦਾ ਅੰਕ ਦਾ ਅਰਥ ਹੈ ਦੇਸ਼ ਭੁਖ ਦੀ ਸਥਿਤੀ ਬਹੁਤ ਖਰਾਬ ਹੈ ਇਸ ਰਿਪੋਰਟ ਵਿਚ ਭਾਰਤ ਨੂੰ 30.3 ਅੰਕ ਪ੍ਰਾਪਤ ਹੋਏ ਹਨ।
ਰਿਪੋਰਟ ਜਿਨ੍ਹਾਂ ਚਾਰ ਮਾਪਦੰਡਾਂ ਦੇ ਆਧਾਰ ਤੇ ਗੁਣਨਾ ਕੀਤੀ ਜਾਂਦੀ ਹੈ ਉਨ੍ਹਾਂ ਵਿੱਚ ਅਲਪੋਸ਼ਣ, ਬੱਚਿਆਂ ਦਾ ਕੱਦ ਹਿਸਾਬ ਨਾਲ ਘੱਟ ਵਜਨ ਹੋਣਾ , ਬਾਲ ਮ੍ਰਿਤਕ ਦਰ।
ਰਿਪੋਰਟ ਮੁਤਾਬਕ ਭਾਰਤ ਵਿਚ ਕੱਦ ਦੇ ਹਿਸਾਬ ਨਾਲ ਘੱਟ ਵਜਨ ਹੋਣ ਦੀ ਭਾਗੀਦਾਰੀ 2008-2012 ਵਿਚ 16.5 ਪ੍ਰਤੀਸ਼ਤ ਤੋਂ ਵੱਧ ਕੇ 2014-2018 ਵਿੱਚ 20.8 ਪ੍ਰਤੀਸ਼ਤ ਹੋ ਗਈ।ਇਸ ਦੇ ਨਾਲ ਹੀ ਛੇ ਮਹੀਨੇ ਤੋਂ 23 ਦੇ ਮਹੀਨਿਆਂ ਦੇ ਸਭ ਬੱਚਿਆਂ ਵਿੱਚ ਸਿਰਫ 9.6 % ਬੱਚਿਆਂ ਨੂੰ "ਨਿਊਨਤਮ ਸਵੀਕਾਰਿਆ ਆਹਾਰ" ਦਿੱਤਾ ਗਿਆ। ਇਸ ਤੋਂ ਇਲਾਵਾ ਇਹ ਵੀ ਕਿਹਾ ਗਿਆ ਹੈ ਕਿ "ਭਾਰਤ ਵਿੱਚ ਕੱਦ ਦੇ ਹਿਸਾਬ ਨਾਲ ਬੱਚਿਆਂ ਦਾ ਵਜਨ ਘੱਟ ਹੋਣ ਦੀ ਦਰ ਵਧੇਰੇ ਹੈ। ਜਦ ਕਿ ਇਸ ਮਾਮਲੇ ਵਿਚ ਸੰਘਰਸ਼ ਪੀੜਤ ਅਤੇ ਜਲਵਾਯੂ ਪਰਿਵਰਤਨ ਦੀਆਂ ਸਮੱਸਿਆਵਾਂ ਨਾਲ ਜੂਝ ਰਹੇ ਯਮਨ ਅਤੇ ਜਿਬੂਤੀ ਵਰਗੇ ਦੇਸ਼ਾਂ ਨੇ ਵੀ ਇਸ ਮਾਮਲੇ ਵਿਚ ਭਾਰਤ ਤੋਂ ਵਧੀਆ ਪ੍ਰਦਰਸ਼ਨ ਕੀਤਾ ਹੈ।
ਰਿਪੋਰਟ ਵਿਚ ਸ਼੍ਰੀਲੰਕਾ ਵਿਚ ਭੁੱਖਮਰੀ ਦੀ ਸਮੱਸਿਆ ਦਾ ਪੱਧਰ ਮਾਧਿਅਮ ਹੈ ਜਦ ਭਾਰਤ ਦੇ ਪੰਜ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੀ ਮੌਤ ਦਰ, ਕੱਦ ਦਾ ਛੋਟਾ ਹੋਣਾ ਅਤੇ ਭੋਜਨ ਦੀ ਅ-ਪ੍ਰਾਪਤੀ ਦੇ ਕਾਰਨ ਹੋਣ ਵਾਲਾ ਅਲਪਪੋਸ਼ਨ ਵਰਗੇ ਕਈ ਪੈਮਾਨਿਆਂ ਵਿੱਚ ਸੁਧਾਰ ਕੀਤਾ ਹੈ ਇਸ ਰਿਪੋਰਟ ਵਿੱਚ ਅੱਗੇ ਕੇਂਦਰ ਸਰਕਾਰ ਦੇ 'ਸਵੱਛ ਭਾਰਤ ਅਭਿਆਨ' ਦਾ ਜਿਕਰ ਕਰਦੇ ਹੋਏ ਕਿਹਾ ਗਿਆ ਹੈ ਕਿ ਖੁੱਲ੍ਹੇ ਵਿੱਚ ਸ਼ੋਚ ਦੀ ਸਮੱਸਿਆ ਵੀ ਹਾਲੇ ਬਰਕਰਾਰ ਹੈ।
ਇਸ ਰਿਪੋਰਟ ਵਿਚ ਬੇਲਾਰੂਸ, ਯੂਕਰੇਨ, ਤੁਰਕੀ, ਕਿਊਬਾ ਅਤੇ ਕੁਵੈਤ ਟੋਪ ਤੇ ਮੌਜੂਦ ਹਨ । ਦੇਸ਼ ਵਿੱਚ 20.8 % ਬੱਚਿਆਂ ਦਾ ਪੂਰਨ ਸਰੀਰਕ ਵਿਕਾਸ ਨਹੀਂ ਹੋ ਪਾਉਂਦਾ, ਤੇ ਇਸ ਦਾ ਸਭ ਤੋਂ ਵੱਡਾ ਮੁੱਖ ਕਾਰਨ 'ਕੁਪੋਸ਼ਣ' ਹੈ। ਭਾਰਤ ਇਸ ਰਿਪੋਰਟ ਵਿੱਚ ਬਰਿਕਸ ਦੇਸ਼ਾਂ ਵਿੱਚੋਂ ਸੱਭ ਹੇਠਲੇ ਸਥਾਨ ਤੇ ਹੈ, ਇਥੋਂ ਤਕ ਕਿ ਅਸੀਂ ਨੇਪਾਲ ਤੋਂ ਵੀ ਪਿੱਛੇ ਹਾਂ । ਸੂਚੀ ਵਿਚ ਦੱਖਣੀ ਅਫਰੀਕਾ 59 ਵੇਂ ਸਥਾਨ ਤੇ ਹੈ ਅਤੇ ਗੁਆਂਢੀ ਦੇਸ਼ ਚੀਨ 25 ਵੇਂ ਸਥਾਨ ਤੇ ਬਿਰਾਜਮਾਨ ਹੈ।
ਉਕਤ ਰਿਪੋਰਟ ਦੇ ਸੰਦਰਭ ਵਿੱਚ ਹੁਣ ਸਰਕਾਰ ਅਤੇ ਲੋਕਾਂ ਨੂੰ ਦੇਸ਼ ਦੇ ਬੱਚਿਆਂ ਦੇ ਸੰਤੁਲਿਤ ਭੋਜਨ ਅਤੇ ਖੁਰਾਕ ਵਲ ਵਿਸ਼ੇਸ਼ ਧਿਆਨ ਦੇਣ ਦੀ ਜਰੂਰਤ ਹੈ ਵੈਸੇ ਵੀ ਜਿਸ ਕਿਸੇ ਕੌਮ ਦੇ ਬੱਚੇ ਸਿਹਤਮੰਦ ਅਤੇ ਤੰਦਰੁਸਤ ਹੋਣ ਉਹੀਓ ਇਕ ਨਰੋਏ ਰਾਸ਼ਟਰ ਤੇ ਵਿਕਸਤ ਸਮਾਜ ਦਾ ਨਿਰਮਾਣ ਕਰ ਸਕਦੇ ਹਨ । ਸਮੇਂ ਦੀ ਲੋੜ ਹੈ ਕਿ ਅੱਜ ਅਸੀਂ ਸੰਤੁਲਿਤ ਭੋਜਨ ਤੇ ਆਹਾਰ ਦੇ ਨਾਲ ਨਾਲ ਬੱਚਿਆਂ ਨੂੰ ਇਕ ਅਜਿਹਾ ਸ਼ਾਂਤੀਪੂਰਨ ਮਾਹੌਲ ਪ੍ਰਦਾਨ ਕਰਵਾਈਏ ਜਿਸ ਵਿਚ ਦੇਸ਼ ਦਾ ਹਰ ਇੱਕ ਬੱਚਾ ਬਿਨਾਂ ਕਿਸੇ ਡਰ ਅਤੇ ਖੌਫ ਦੇ ਆਪਣੀ ਪਰਵਰਿਸ਼ ਪਾ ਸਕੇ।
ਲੋੜ ਹੈ ਅੱਜ ਨਫਰਤ ਦੀ ਰਾਜਨੀਤੀ ਨੂੰ ਤਿਆਗਣ ਦੀ ਤੇ ਮੁਹੱਬਤ ਦਾ ਵਾਤਾਵਰਣ ਮੁਹੱਈਆ ਕਰਵਾਉਣ ਦੀ , ਕਿਉਂਕਿ ਡਰ ਅਤੇ ਨਫਰਤ ਦੇ ਮਾਹੌਲ ਵਿੱਚ ਕੋਈ ਰਾਸ਼ਟਰ ਹਕੀਕੀ ਮਾਅਨਿਆਂ ਵਿੱਚ ਵਿਕਾਸ ਜਾਂ ਤਰੱਕੀ ਨਹੀਂ ਕਰ ਸਕਦਾ ਤੇ ਨਾ ਹੀ ਕੁਪੋਸ਼ਣ ਤੇ ਭੁੱਖਮਰੀ ਦੇ ਸ਼ਿਕਾਰ ਬੱਚਿਆਂ ਤੋਂ ਕਿਸੇ ਰਾਸ਼ਟਰ ਨਿਰਮਾਣ ਦੀ ਉਮੀਦ ਰੱਖੀ ਜਾ ਸਕਦੀ ਹੈ ...!!!
ਲੇਖਕ : ਮੁਹੰਮਦ ਅੱਬਾਸ ਧਾਲੀਵਾਲ,
ਮਲੇਰਕੋਟਲਾ।
ਸੰਪਰਕ : 9855259650
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback