Top
ਵਪਾਰ
ਮਨੋਰੰਜਨ
ਸਮਾਜ
ਖੇਡਾਂ
ਸਿਹਤ ਦਰਪਣ
ਰਾਜਨੀਤੀ
Impreza
ਨਿਊਜ਼ੀਲੈਂਡ
ਮੁੱਖ ਪੰਨਾ
ਵਿਦੇਸ਼
ਭਾਰਤ
ਸੰਪਾਦਕੀ
ਆਰਟੀਕਲ/ਲੇਖ
ਈ-ਪੇਪਰ
ਰੋਜ਼ਾਨਾ ਈ-ਪੇਪਰ
View Details
<< Back
ਮੰਗਤਿਆਂ ਦੇ ਨਖਰੇ।- ਬਲਰਾਜ ਸਿੰਘ ਸਿੱਧੂ ਐਸ.ਪੀ.
ਭੀਖ ਮੰਗਣੀ, ਵੇਸਵਾਗਮਣੀ ਤੋਂ ਬਾਅਦ ਸੰਸਾਰ ਦਾ ਦੂਸਰਾ ਸਭ ਤੋਂ ਪੁਰਾਣਾ ਧੰਦਾ ਹੈ। ਇਹ ਇੱਕ ਅਜਿਹਾ ਬਿਜ਼ਨਸ ਹੈ, ਜਿਸ ਵਿੱਚ ਬਗੈਰ ਕੋਈ ਸਰੀਰਕ ਮਿਹਨਤ ਕੀਤਿਆਂ ਵਧੀਆ ਮੁਨਾਫਾ ਕਮਾਇਆ ਜਾਂਦਾ ਹੈ। ਸਮਾਜ ਦਾ ਸਭ ਤੋਂ ਬੇਗੈਰਤ, ਬੇਸ਼ਰਮ ਅਤੇ ਢੀਠ ਕਿਸਮ ਦਾ ਵਿਅਕਤੀ ਹੀ ਮੰਗਤਾ ਬਣ ਸਕਦਾ ਹੈ ਜੋ ਲੋਕਾਂ ਦੀਆਂ ਲਾਹਨਤਾਂ ਅਤੇ ਦੁਰੇ ਦੁਰੇ ਦੀ ਪ੍ਰਵਾਹ ਕੀਤੇ ਬਗੈਰ ਦੂਸਰਿਆਂ ਦੀਆਂ ਜ਼ੇਬਾਂ 'ਚੋਂ ਪੈਸੇ ਕਢਵਾਉਣ ਦੀ ਹਿੰਮਤ ਰੱਖਦਾ ਹੋਵੇ। ਮੰਗਤਿਆਂ ਦੀ ਖਾਸ ਤਰਾਂ ਦੀ ਡਰੈੱਸ ਹੁੰਦੀ ਹੈ, ਖੁਸ਼ਕ ਬਿਨਾਂ ਵਾਹੇ ਖਿਲਰੇ ਹੋਏ ਦਾਹੜੀ ਤੇ ਵਾਲ, ਗੰਦੇ ਟਾਕੀਆਂ ਲੱਗੇ ਕੱਪੜੇ ਅਤੇ ਟੁੱਟੀਆਂ ਹੋਈਆਂ ਜੁੱਤੀਆਂ। ਮੰਗਤੇ ਇਹ ਵੇਸ਼ ਭੂਸ਼ਾ ਸਿਰਫ ਮੰਗਣ ਲਈ ਬਾਹਰ ਜਾਣ ਸਮੇਂ ਧਾਰਨ ਕਰਦੇ ਹਨ, ਘਰੇ ਤਾਂ ਨਹਾ ਧੋ ਕੇ ਲਿਸ਼ਕ ਪੁਸ਼ਕ ਕੇ ਰਹਿੰਦੇ ਹਨ। ਕਈਆਂ ਦੇ ਤਾਂ ਪੂਰੇ ਪਰਿਵਾਰ ਹੀ ਭੀਖ ਮੰਗਣ ਦਾ ਧੰਦਾ ਕਰਦੇ ਹਨ। ਮੰਗਤਿਆਂ ਦਾ ਇਲਾਕਾ ਨਿਸ਼ਚਿਤ ਹੁੰਦਾ ਹੈ।ਕੋਈ ਟਰੈਫਿਕ ਲਾਈਟਾਂ 'ਤੇ ਮੰਗਦਾ ਹੈ, ਕੋਈ ਗਲੀਆਂ ਵਿੱਚ ਫਿਰ ਕੇ ਤੇ ਕੋਈ ਧਾਰਮਿਕ ਸਥਾਨ ਸਾਹਮਣੇ। ਮਸਜਿਦ ਸਾਹਮਣੇ ਅੱਲ•ਾ ਦੇ ਨਾਮ 'ਤੇ, ਮੰਦਰ ਸਾਹਮਣੇ ਭਗਵਾਨ ਦੇ ਨਾਮ 'ਤੇ, ਗੁਰਦਵਾਰੇ ਸਾਹਮਣੇ ਵਾਹਿਗੁਰੂ ਦੇ ਨਾਮ 'ਤੇ ਅਤੇ ਸ਼ਨੀਵਾਰ ਨੂੰ ਸ਼ਨੀ ਦੇਵਤਾ ਦਾ ਡਰਾ ਵਿਖਾ ਕੇ ਭੀਖ ਮੰਗੀ ਜਾਂਦੀ ਹੈ। ਇਹ ਦੂਸਰੇ ਮੰਗਤੇ ਨੂੰ ਆਪਣੇ ਇਲਾਕੇ ਵਿੱਚ ਨਹੀਂ ਘੁਸਣ ਦਿੰਦੇ, ਕਈ ਵਾਰ ਤਾਂ ਗੱਲ ਮਾਰ ਕੁੱਟ ਤੱਕ ਪਹੁੰਚ ਜਾਂਦੀ ਹੈ।
ਟਰੈਫਿਕ ਲਾਈਟਾਂ 'ਤੇ ਭੀਖ ਮੰਗਣ ਵਾਲੇ ਮੰਗਤਿਆਂ ਦਾ ਇੱਕ ਬਹੁਤ ਹੀ ਵਿਲੱਖਣ ਵਿਹਾਰ ਵੇਖਣ ਲਈ ਮਿਲਦਾ ਹੈ। ਜਿੰਨੀ ਦੇਰ ਭੀਖ ਨਹੀਂ ਮਿਲਦੀ, ਭਿਖਾਰੀ ਗੱਡੀ ਦੇ ਬਾਹਰ ਖੜਾ ਨਿਮਾਣੀ ਜਿਹੀ ਸ਼ਕਲ ਬਣਾ ਕੇ ਮਿਣ ਮਿਣ ਕਰਦਾ ਰਹਿੰਦਾ ਹੈ। ਜਿਵੇਂ ਹੀ ਕਿਸੇ ਨੇ ਭੀਖ ਦਿੱਤੀ, ਭਿਖਾਰੀ ਉਸ ਵੱਲ ਵੇਖਣ ਦੀ ਜ਼ਹਿਮਤ ਉਠਾਏ ਬਗੈਰ ਦੂਸਰੀ ਗੱਡੀ ਵੱਲ ਸ਼ੂਟ ਵੱਟ ਜਾਂਦਾ ਹੈ। ਵਿਚਾਰਾ ਦਾਨੀ ਉਡੀਕਦਾ ਹੀ ਰਹਿ ਜਾਂਦਾ ਹੈ ਕਿ ਭੀਖ ਲੈਣ ਤੋਂ ਬਾਅਦ ਸ਼ਾਇਦ ਇਹ ਮੈਨੂੰ ਕੋਈ ਅਸੀਸ ਦੇਵੇਗਾ। ਕਈ ਮੰਗਤੇ ਤਾਂ ਭੀਖ ਵਾਲੇ ਕਟੋਰੇ ਨਾਲ ਕਾਰ ਦੇ ਸ਼ੀਸ਼ੇ ਭੰਨਣ ਤੱਕ ਜਾਂਦੇ ਹਨ। ਇਸ ਪੇਸ਼ੇ ਦਾ ਸਭ ਤੋਂ ਅਣਮਨੁੱਖੀ ਪਹਿਲੂ ਹੈ ਛੋਟੇ ਬੱਚਿਆਂ ਨੂੰ ਭੀਖ ਮੰਗਣ ਲਈ ਵਰਤਣਾ। ਮੰਗਤਿਆਂ ਦੇ ਕਈ ਗੈਂਗ ਬੱਚਿਆਂ ਨੂੰ ਅਗਵਾ ਕਰਨ ਤੋਂ ਬਾਅਦ ਵਿਕਲਾਂਗ ਬਣਾ ਕੇ ਭੀਖ ਮੰਗਵਾਉਂਦੇ ਹਨ। ਕਈ ਮੰਗਤੀਆਂ ਗਰੀਬ ਔਰਤਾਂ ਦੇ ਛੋਟੇ ਬੱਚੇ ਕਿਰਾਏ 'ਤੇ ਲੈ ਕੇ ਉਹਨਾਂ ਨੂੰ ਦੁੱਧ ਪਿਲਾਉਣ ਦੇ ਬਹਾਨੇ ਪੈਸੇ ਮੰਗਦੀਆਂ ਹਨ। ਪਤਾ ਨਹੀਂ ਬੱਚੇ ਨੂੰ ਕੀ ਨਸ਼ਾ ਖਵਾਉਂਦੇ ਹਨ, ਗਰਮੀਆਂ ਦੀ ਤਪਦੀ ਦੁਪਹਿਰ ਤੇ ਹੱਡ ਕੰਬਾਉਂਦੀ ਠੰਡ ਵਿੱਚ ਵੀ ਉਹ ਸਾਰਾ ਦਿਨ ਨਹੀਂ ਰੋਂਦਾ।
ਭੀਖ ਮੰਗਣ ਲਈ ਉਸ ਜਗ•ਾ ਨੂੰ ਖਾਸ ਤੌਰ 'ਤੇ ਚੁਣਿਆਂ ਜਾਂਦਾ ਹੈ ਜਿੱਥੇ ਜਿਆਦਾਤਰ ਦੁਖੀ ਲੋਕ ਆਉਂਦੇ ਹੋਣ। ਮ੍ਰਿਤਕਾਂ ਦੇ ਫੁੱਲ ਪਾਉਣ ਵਾਲੀਆਂ ਥਾਵਾਂ (ਕੀਰਤਪੁਰ ਸਾਹਿਬ, ਗੋਇੰਦਵਾਲ ਸਾਹਿਬ ਤੇ ਹਰਿਦੁਆਰ), ਅਦਾਲਤਾਂ ਅਤੇ ਧਾਰਮਿਕ ਸਥਾਨ ਮੰਗਤਿਆਂ ਦੇ ਮਨਭਾਉਂਦੇ ਅੱਡੇ ਹਨ। ਹੁਣ ਤਾਂ ਮੰਗਤੇ ਅਮਰੀਕਨ ਅੰਬੈਸੀ ਦੇ ਬਾਹਰ ਵੀ ਲੋਕਾਂ ਨੂੰ ਘੇਰਨ ਲੱਗ ਪਏ ਹਨ। ਉਹ ਬੰਦੇ ਦੀ ਸ਼ਕਲ ਵੇਖ ਕੇ ਹੀ ਪਹਿਚਾਣ ਲੈਂਦੇ ਹਨ ਕਿ ਇਸ ਦਾ ਵੀਜ਼ਾ ਲੱਗਾ ਕਿ ਨਹੀਂ। ਮੰਗਤਿਆਂ ਦੀ ਸਭ ਤੋਂ ਖਤਰਨਾਕ ਅਤੇ ਬੇਸ਼ਰਮ ਕਿਸਮ ਹੈ ਖੁਸਰੇ। ਇਹਨਾਂ ਨੂੰ ਕਿਸੇ ਕਿਸਮ ਦੀ ਕੋਈ ਸ਼ਰਮ ਹਯਾ ਨਹੀਂ ਹੁੰਦੀ। ਖੁਸ਼ੀ ਵਾਲੇ ਘਰੋਂ ਧੱਕੇ ਨਾਲ 25-30 ਹਜ਼ਾਰ ਤੱਕ ਵੀ ਲੁੱਟ ਲੈਂਦੇ ਹਨ। ਜੇ ਕੋਈ ਭੀਖ ਨਾ ਦੇਵੇ ਤਾਂ ਅਸ਼ਲੀਲ ਹਰਕਤਾਂ ਕਰਦੇ ਹਨ ਤੇ ਨੰਗੇ ਤੱਕ ਹੋ ਜਾਂਦੇ ਹਨ। ਦਿੱਲੀ ਟਰੈਫਿਕ ਲਾਈਟਾਂ 'ਤੇ ਜੇ ਕਿਧਰੇ ਕਾਰ ਦੀ ਬਾਰੀ ਲਾਕ ਨਾ ਹੋਵੇ ਤਾਂ ਧੱਕੇ ਨਾਲ ਗੱਡੀ ਵਿੱਚ ਬੈਠ ਜਾਂਦੇ ਹਨ ਤੇ 100-200 ਰੁਪਏ ਲਏ ਬਗੈਰ ਨਹੀਂ ਉੱਤਰਦੇ। ਸਾਡੇ ਲੋਕ ਅਜੇ ਵੀ ਪਾਪ ਪੁੰਨ ਦੇ ਚੱਕਰ ਵਿੱਚ ਪਏ ਹੋਏ ਹਨ। ਮੰਨਿਆਂ ਜਾਂਦਾ ਹੈ ਕਿ ਖੁਸਰੇ ਨਾਲ ਕੁੱਟ ਮਾਰ ਕਰਨ ਵਾਲੇ ਨੂੰ ਬਹੁਤ ਵੱਡਾ ਪਾਪ ਲੱਗਦਾ ਹੈ ਤੇ ਨਰਕ ਦੀ ਪ੍ਰਾਪਤੀ ਹੁੰਦੀ ਹੈ। ਇਸੇ ਕਾਰਨ ਖੁਸਰਿਆਂ ਦਾ ਡਰ ਲੱਥਾ ਹੋਇਆ ਹੈ।
ਮੰਗਤੇ ਪੱਕੇ ਹੱਡ ਹਰਾਮੀ ਹੁੰਦੇ ਹਨ ਤੇ ਮਿਹਨਤ ਕਰਨ ਦੇ ਡਰੋਂ ਭੀਖ ਮੰਗ ਕੇ ਗੁਜ਼ਾਰਾ ਕਰਦੇ ਹਨ। ਪਿੰਡਾਂ ਵਿੱਚ ਫਸਲਾਂ ਪੱਕਣ ਵੇਲੇ ਬਾਬਿਆਂ ਸਮੇਤ ਸੈਂਕੜੇ ਮੰਗਤੇ ਆਣ ਪਰਗਟ ਹੁੰਦੇ ਹਨ। ਜੇ ਸਾਰਿਆਂ ਨੂੰ ਦਾਣੇ ਦਿੱਤੇ ਜਾਣ ਤਾਂ ਦੋ ਏਕੜਾਂ ਦੀ ਫਸਲ ਤਾਂ ਇਹੋ ਲੈ ਜਾਣ। ਬਾਬੇ ਤਾਂ ਪੰਜਾਂ ਬੋਰੀਆਂ ਤੋਂ ਘੱਟ ਗੱਲ ਹੀ ਨਹੀਂ ਕਰਦੇ। ਇਹਨਾਂ ਤੋਂ ਬਚਣ ਲਈ ਮੈਂ ਬਾਹਰਲੇ ਘਰ ਇੱਕ ਕਹੀ ਤੇ ਝਾੜੂ ਰੱਖਿਆ ਹੁੰਦਾ ਸੀ। ਜੇ ਕੋਈ ਮੰਗਤਾ ਆਉਣਾ ਤਾਂ ਮੈਂ ਕਹਿਣਾ ਕਿ ਹੁਣੇ ਕਣਕ ਲੈ ਕੇ ਆਉਂਦਾ ਹਾਂ, ਉਨਾਂ ਚਿਰ ਤੂੰ ਫਟਾ ਫਟ ਆਹ ਸਬਜ਼ੀ ਦੀ ਕਿਆਰੀ ਗੋਡ ਦੇ। ਜੇ ਮੰਗਤੀ ਆਉਣੀ ਤਾਂ ਕਹਿਣਾ ਕਿ ਅੱਜ ਸਾਡੇ ਕੰਮ ਵਾਲੀ ਨਹੀਂ ਆਈ, ਆਹ ਚੁੱਕ ਝਾੜੂ ਤੇ ਵਿਹੜੇ ਦੀ ਸਫਾਈ ਕਰ। ਬੱਸ, ਮੰਗਤੇ ਪੰਜਾਂ ਮਿੰਟਾਂ ਵਿੱਚ ਗਾਇਬ। ਕਈ ਮੰਗਤੇ ਆਪਣੇ ਸਰੀਰ 'ਤੇ ਨਕਲੀ ਜ਼ਖਮ ਬਣਾ ਕੇ ਭੀਖ ਮੰਗਦੇ ਹਨ। ਉਹਨਾਂ ਨੂੰ ਹਸਪਤਾਲ ਲੈ ਕੇ ਜਾਣ ਦੀ ਗੱਲ ਕਰੋ ਤਾਂ ਅੱਗੋਂ ਝਗੜ ਪੈਂਦੇ ਹਨ। ਇੱਕ ਵਾਰ ਮੈਂ ਫਹਿਹਗੜ• ਸਾਹਿਬ ਮੇਲੇ 'ਤੇ ਡਿਊਟੀ ਦੇ ਰਿਹਾ ਸੀ ਕਿ ਇੱਕ ਚੰਗੀ ਭਲੀ ਹੱਟੀ ਕੱਟੀ ਮੰਗਤੀ ਆ ਕੇ ਦਰੀ ਵਿਛਾ ਕੇ ਲੰਬੀ ਪੈ ਗਈ ਤੇ ਹੱਥ ਪੈਰ ਮਾਰ ਕੇ ਅਧਰੰਗ ਦੀ ਮਰੀਜ਼ ਹੋਣ ਦੀ ਐਕਟਿੰਗ ਕਰਨ ਲੱਗੀ। ਜਦੋਂ ਮੈਂ ਉਸ ਨੂੰ ਰਸਤੇ ਵਿੱਚੋਂ ਪਾਸੇ ਹੋਣ ਲਈ ਕਿਹਾ ਤਾਂ ਉਹ ਹੋਰ ਉੱਚੀ ਉੱਚੀ ਹੂੰਗਰਾਂ ਮਾਰਨ ਲਗ ਪਈ। ਜਦੋਂ ਉਹ ਨਾ ਮੰਨੀ ਤਾਂ ਮੈਂ ਉਸ ਦੇ ਨਜ਼ਦੀਕ ਖੜੇ ਹੋ ਕੇ ਵਾਇਰਲੈੱਸ 'ਤੇ ਉੱਚੀ ਅਵਾਜ਼ ਵਿੱਚ ਐਂਬੂਲੈਂਸ ਭੇਜਣ ਲਈ ਕਿਹਾ ਕਿ ਇੱਕ ਔਰਤ ਬੇਹੋਸ਼ ਪਈ ਹੈ, ਉਸ ਨੂੰ ਹਸਪਤਾਲ ਲੈ ਕੇ ਜਾਉ। ਉਹ ਵੇਖਦੇ ਹੀ ਵੇਖਦੇ ਦਰੀ ਚੁੱਕ ਕੇ ਪਤਰਾ ਵਾਚ ਗਈ।
ਕਈ ਲੋਕ ਪੁੰਨ ਕਮਾਉਣ ਲਈ ਮੰਗਤਿਆਂ ਨੂੰ ਸਿਆਲ ਵਿੱਚ ਪੁਰਾਣੇ ਕੋਟ ਜੈਕਟਾਂ ਦਾਨ ਕਰਦੇ ਹਨ। ਪਰ ਅਗਲੇ ਦਿਨ ਉਹ ਫਿਰ ਪਾਟੇ ਕੱਪੜੇ ਪਾਈ ਫਿਰਦੇ ਹਨ। ਜੈਕਟ ਜਾਂ ਤਾਂ ਵੇਚ ਦਿੱਤੀ ਜਾਂਦੀ ਹੈ ਤੇ ਜਾਂ ਘਰ ਦੇ ਕਿਸੇ ਮੈਂਬਰ ਨੂੰ ਦੇ ਦਿੱਤੀ ਜਾਂਦੀ ਹੈ। ਜੇ ਨਵੀਂ ਜੈਕਟ ਪਾ ਕੇ ਭੀਖ ਮੰਗਣ ਜਾਣਗੇ ਤਾਂ ਪੈਸੇ ਕੌਣ ਦੇਵੇਗਾ? ਨੱਬੇ ਫੀਸਦੀ ਮੰਗਤੇ ਸ਼ਾਮ ਨੂੰ ਪੈੱਗ ਜਰੂਰ ਲਗਾਉਂਦੇ ਹਨ। ਸ਼ਹਿਰਾਂ ਵਿੱਚ ਘੁੰਮਣ ਵਾਲੇ ਕਈ ਮੰਗਤੇ ਚੋਰ ਗੈਂਗਾਂ ਨਾਲ ਰਲੇ ਹੋਏ ਪਾਏ ਗਏ ਹਨ ਜੋ ਸਾਥੀਆਂ ਨੂੰ ਖਾਲੀ ਘਰਾਂ ਦੀ ਸੂਚਨਾ ਦਿੰਦੇ ਹਨ। ਵੈਸੇ ਸਭ ਤੋਂ ਵੱਡੇ ਮੰਗਤੇ ਸਰਕਾਰੀ ਦਫਤਰਾਂ ਅਤੇ ਚੰਡੀਗੜ• ਵਿਖੇ ਬਿਰਾਜਮਾਨ ਹਨ ਜੋ ਧੱਕੇ ਨਾਲ ਭੀਖ ਲੈਂਦੇ ਹਨ। ਜਿੰਨਾ ਚਿਰ ਸਾਡੇ ਦਿਲ ਵਿੱਚੋਂ ਅਸਾਨੀ ਨਾਲ ਪੁੰਨ ਕਮਾਉਣ ਦੀ ਇੱਛਾ ਖਤਮ ਨਹੀਂ ਹੁੰਦੀ, ਇਹ ਬੁਰਾਈ ਚੱਲਦੀ ਰਹੇਗੀ। ਜੇ ਦਾਨ ਦੇਣਾ ਹੀ ਹੈ ਤਾਂ ਪਿੰਗਲਵਾੜਾ ਸੰਸਥਾ ਅੰਮ੍ਰਿਤਸਰ, ਸ਼ਹੀਦ ਊਧਮ ਸਿੰਘ ਯਤੀਮਖਾਨਾ ਜਾਂ ਖਾਲਸਾ ਏਡ ਵਰਗੀਆਂ ਸੰਸਥਾਵਾਂ ਨੂੰ ਦੇਣ ਚਾਹੀਦਾ ਹੈ।
ਬਲਰਾਜ ਸਿੰਘ ਸਿੱਧੂ ਐਸ.ਪੀ.
ਪੰਡੋਰੀ ਸਿੱਧਵਾਂ 9501100062
ਮਨੋਰੰਜਨ
ਮੁੱਖ ਖ਼ਬਰਾਂ
ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ
ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ
ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ
ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ
ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ
ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ
ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...
Advertisements
Feedback