NZ TASVEER

View Details << Back

ਨਿੱਕੀਆਂ ਜਿੰਦਾਂ ਵੱਡੇ ਸਾਕੇ-ਦਾਦੀ ਮਾਂ ਗੁਜਰ ਕੌਰ ਨੂੰ ਤਸੱਲੀ ਸੀ ਕਿ ਮੇਰੇ ਮਾਸੂਮ ਪੋਤੇ ਜਾਨਾਂ ਵਾਰ ਕੇ ਧਰਮ ਦੀ ਰਾਖੀ ਦੀ ਨੀਂਹ ਰੱਖਣਗੇ।

ਨਿੱਕੀਆਂ ਜਿੰਦਾਂ ਵੱਡੇ ਸਾਕੇ-
21 ਦਸਬੰਰ ਤੋਂ 28 ਦਸਬੰਰ ਤੱਕ ਦਾ ਸ਼ਹੀਦੀ ਭਰਿਆ ਹਫ਼ਤਾ-
ਦਾਦੀ ਮਾਂ ਗੁਜਰ ਕੌਰ ਨੂੰ ਤਸੱਲੀ ਸੀ ਕਿ ਮੇਰੇ ਮਾਸੂਮ ਪੋਤੇ ਜਾਨਾਂ ਵਾਰ ਕੇ ਧਰਮ ਦੀ ਰਾਖੀ ਦੀ ਨੀਂਹ ਰੱਖਣਗੇ।

ਸ੍ਰੀ ਫਤਹਿਗੜ• ਸਾਹਿਬ ਸਰਹਿੰਦ ਵਿਖੇ ਛੋਟੇ ਸ਼ਾਹਿਬਜ਼ਾਦਿਆਂ ਦਾ ਸ਼ਹੀਦੀ ਜੋੜ ਮੇਲਾ ਲੱਗ ਰਿਹਾ ਹੈ ਜਿਥੇ ਕਿ ਨਾਨਕ ਨਾਮ ਲੇਵਾ ਸਿੰਘ ਆਪਣੇ ਬੱਚਿਆਂ ਦੇ ਨਾਲ ਪੋਹ ਮਹੀਨੇ ਦੀ ਠੰਡੇ ਦਿਨਾਂ ਵਿਚ ਆਉਂਦੇ ਹਨ, ਜਿਥੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਆਪਣੇ ਛੋਟੇ ਸ਼ਾਹਿਬਜ਼ਾਦਿਆਂ ਨੂੰ ਨੀਂਹ ਵਿਚ ਅਤੇ ਮਾਤਾ ਗੁਜਰ ਕੌਰ ਨੂੰ ਠੰਡੇ ਬੁਰਜ ਵਿਚ ਸ਼ਹੀਦ ਕਰਵਾ ਲਿਆ ਸੀ। ਇਨ•ਾਂ ਦਿਨਾਂ ਵਿਚ ਹੀ ਚਮਕੋਰ ਦੀ ਕੱਚੀ ਗੜ•ੀ ਵਿਚ ਆਪਣੇ ਵੱਡੇ ਸ਼ਾਹਿਬਜ਼ਾਦੇ ਬਾਬਾ ਅਜੀਤ ਸਿੰਘ, ਬਾਬਾ ਜੁਝਾਰ ਸਿੰਘ ਅਤੇ ਤਿੰਨ ਪਿਆਰੇ ਦੱਸ ਲੱਖ ਫੌਜਾਂ ਨਾਲ ਲੜਾਕੇ ਸ਼ਹੀਦ ਕਰਵਾਏ ਸਨ।
ਉਸ ਬਾਬਤ ਸਾਇਰ ਨੇ ਬਹੁਤ ਹੀ ਵਧੀਆਂ ਲਿਖਿਆ ਹੈ ਕਿ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਆਪਣੇ ਸਿੰਘਾਂ ਨੂੰ ਕਹਿ ਰਹੇ ਹਨ ਕਿ :-
''ਜੇ ਚੱਲੇ ਹੋ ਸਰਹੰਦ ਮੇਰੇ ਪਿਆਰਿਓ
ਮੇਰੇ ਲਾਲਾ ਦੇ ਨਾਲ ਰਹਿ ਕੇ ਰਾਤ ਗੁਜਾਰਿਓ
ਜਦ ਹਵਾ ਚਲੇਗੀ ਠੰਡੀ ਤਨ ਨੂੰ ਚੂੰਭਦੀ
ਅਹਿਸਾਸ ਕਰੋ ਉਹ ਮੇਰੀ ਮਾਂ ਹੈ ਕੰਭਦੀ
ਗੋਦੀ ਵਿੱਚ ਬੈਠੇ ਲਾਲਾ ਨੂੰ ਨਿਹਾਰਿਓ
ਮੇਰੇ ਲਾਲਾ ਦੇ ਨਾਲ ਰਹਿ ਕੇ ਰਾਤ ਗੁਜਾਰਿਓ।
ਉਹ ਨੀਹਾਂ ਜਿਥੇ ਮੇਰੇ ਲਾਲ ਖਲੋਤੇ ਸੀ
ਦੁੱਖ ਵਡਾ ਸੀ ਮੇਰੇ ਲਾਲ ਤੇ ਛੋਟੇ ਸੀ
ਉਹ ਕਹਿਦੇ ਨੇ ਦੁੱਖ ਸਹਿ ਲੋ ਸਿਦਕ ਨਾ ਹਾਰਿਓ
ਮੇਰੇ ਲਾਲਾ ਦੇ ਨਾਲ ਰਹਿ ਕੇ ਰਾਤ ਗੁਜਾਰਿਓ।
ਤੁਸੀ ਧੀਆਂ ਪੁਤਰ ਆਪਣੇ ਨਾਲ ਲਿਆਇਓ ਜੀ
ਜਿਥੇ ਡੁਲਾ ਮੇਰਾ ਖੂਣ ਉਥੇ ਲੈ ਜਾਇਓ ਜੀ
ਜੇ ਮੇਰੇ ਹੋ ਤੇ ਮੇਰਾ ਰੂਪ ਹੀ ਧਾਰਿਓ
ਮੇਰੇ ਲਾਲਾ ਦੇ ਨਾਲ ਰਹਿ ਕੇ ਰਾਤ ਗੁਜਾਰਿਓ।
ਮੈ ਖੜਾ ਉਡੀਕਾ ਆਪਣੇ ਸਿੰਘ ਸਰਦਾਰਾ ਨੂੰ
ਮੈ ਮਿਲਣਾ ਚਾਹੁੰਦਾ ਆਪਣੇ ਅਜੀਤ ਜੁਝਾਰਾ ਨੂੰ
ਮੈ ਚਾਰੇ ਪੁਤਰ ਕਿਉ ਵਾਰੇ ਜਰਾ ਵਿਚਾਰਿਓ
ਮੇਰੇ ਲਾਲਾ ਦੇ ਨਾਲ ਰਹਿ ਕੇ ਰਾਤ ਗੁਜਾਰਿਓ
ਜੇ ਚਲੇ ਹੋ ਸਰਹੰਦ ਮੇਰੇ ਪਿਆਰਿਓ
ਮੇਰੇ ਲਾਲਾ ਦੇ ਨਾਲ ਰਹਿ ਕੇ ਰਾਤ ਗੁਜਾਰਿਓ।'' 'ਕਵਿਤਾ'

ਅੱਧੀ ਰਾਤ ਤੋਂ ਬਾਅਦ ਸ੍ਰੀ ਅਨੰਦਪੁਰ ਸਾਹਿਬ ਛੱਡਣ ਉਪਰ ਗੁਰੂ ਜੀ ਦਾ ਸਰਸਾ ਨਦੀ ਦੇ ਹੜ• ਵਾਗੂੰ ਵੱਗਦੇ ਪਾਣੀ ਦੀ ਸੂਕਦੀ ਦਿਲ ਕੰਬਾਊ ਆਵਾਜ਼ ਅਤੇ ਵਿਚਕਾਰ ਗੁਰੂ ਗੋਬਿੰਦ ਸਿੰਘ ਜੀ ਵੱਲੋਂ ਸਿੰਘਾਂ ਅਤੇ ਸਾਹਿਬਜ਼ਾਦਿਆਂ ਨੂੰ ਨਾਲ ਲੈ ਕੇ ਨਿਤਨੇਮ ਕਰਨ ਦਾ ਉਹ ਦ੍ਰਿਸ਼ ਜਦੋਂ ਅੱਖਾਂ ਸਾਹਮਣੇ ਆਉਂਦਾ ਹੈ ਤਾਂ ਦਿਲ ਕੰਬ ਉੱਠਦਾ ਹੈ। ਪਰ ਆਪ ਜੀ ਨੇ ਸਿੰਘਾਂ ਨੂੰ ਦੋ ਹਿੱਸਿਆਂ ਵਿਚ ਵੰਡ, ਇਕ ਨੂੰ ਦੁਸ਼ਮਣ ਮੁਗਲ ਫੌਜਾਂ ਦਾ ਟਾਕਰਾ ਕਰਨ ਅਤੇ ਦੂਜਿਆਂ ਨੂੰ ਸੁਕਦੀ ਸਰਸਾ ਨਦੀ ਪਾਰ ਕਰਨ ਦਾ ਹੁਕਮ ਕੀਤਾ। ਇਸ ਥਾਂ ਘਮਸਾਨ ਦਾ ਯੁੱਧ ਵੀ ਹੋਇਆ ਜਿਸ ਵਿਚ ਕਈ ਸਿੰਘ ਲੜ ਕੇ ਸ਼ਹੀਦ ਤੇ ਕਈ ਨਦੀ ਦੀ ਭੇਂਟ ਚੜ• ਗਏ, ਰਾਤ ਦੇ ਹਨੇ•ਰੇ ਵਿਚ ਸਾਰਾ ਵਹੀਰ ਖੇਰੂ-ਖੇਰੂ ਹੋ ਗਿਆ।
'ਨਦੀਏ ਨੀ ਨਦੀਏ ਸਰਸਾ ਦੀਆਂ ਨਦੀਏ ,
ਧੀਮੇ ਹੋ ਕੇ ਰਹੀਏ ਨਾ ਹੰਕਾਰ ਵਿਚ ਵਗਿਏ।
ਲੱਗਿਆ ਕਲੰਕ ਵਾਲਾ ਦਾਗ ਤੇਰੇ ਮੱਥੇ,
ਜੁੱਗਾਂ ਤੱਕ ਕਿਸੇ ਨਾ ਮਿਟਾਉਣਾ ਵੈਰਨੇ।
ਕੀਮਤੀ ਗੰ੍ਰਥ ਜਿਹੜੇ ਰੋਹੜ ਕੇ ਤੂੰ ਲੈ ਗਈ,
ਮੁੜ ਕੇ ਨਾ ਹੱਥ ਕਦੇਂ ਆਉਣੇ ਵੈਰਨੈਂ£ 'ਸ਼ਾਇਰ ਦੇ ਦਿਲ ਦੀ ਅਵਾਜ਼'
ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਦੋ ਛੋਟੇ ਸਾਹਿਬਜ਼ਾਦੇ ਬਾਬਾ ਫਤਹਿ ਸਿੰਘ ਅਤੇ ਬਾਬਾ ਜ਼ੋਰਾਵਰ ਸਿੰਘ ਦਾਦੀ ਮਾਤਾ ਗੁਜਰ ਕੌਰ ਜੀ ਸਮੇਤ ਉਰਲੇ ਕੰਢੇ ਦੂਰ ਨਿਕਲ ਗਏ । ਮਾਤਾ ਗੁਜਰੀ ਜੀ ਸਮੇਤ ਰਸੋਈਏ ਗੰਗੂ ਨਾਮੀ ਬ੍ਰਾਹਮਣ ਨਾਲ ਉਸ ਦੇ ਪਿੰਡ ਖੇਵੀ ਚਲੇ ਗਏ। ਮਾਤਾ ਜੀ ਕੋਲ ਮੋਹਰਾਂ ਦੀ ਥੈਲੀ ਸੀ ਜਿਸ ਨੂੰ ਦੇਖਕੇ ਬ੍ਰਾਹਮਣ ਗੰਗੂ ਰਸੋਈਏ ਦੀ ਨੀਯਤ ਖਰਾਬ ਹੋ ਗਈ, ਦੂਜਾ ਇਨਾਮ ਹਾਸਲ ਕਰਨ ਲਈ ਹਕੂਮਤ ਦੇ ਸੂਬੇਦਾਰ ਨੂੰ ਖਬਰ ਕਰ ਦਿਤੀ, ਮਾਤਾ ਗੁਜਰੀ ਜੀ ਤੇ ਦੋ ਮਾਸੂਮ ਬੱਚਿਆਂ ਨੂੰ ਗ੍ਰਿਫਤਾਰ ਕਰਵਾ ਦਿਤਾ, ਸਰਹੰਦ ਨਵਾਬ ਵਜ਼ੀਰ ਖਾਨ ਪਾਸ ਪਹੁੰਚਾ ਦਿਤਾ। ਨਵਾਬ ਜੋ ਗੁਰੂ ਸਾਹਿਬ ਨੂੰ ਜਿਉਂਦਾ ਪਕੜਨ ਲਈ ਫੌਜਾਂ ਸਮੇਤ ਅਨੰਦਪੁਰ ਸਾਹਿਬ ਦੇ ਆਲੇ ਦੁਆਲੇ ਘੁੰਮਦਾ ਫਿਰ ਰਿਹਾ ਸੀ, ਬਿਰਧ ਮਾਤਾ ਤੇ ਮਾਸੂਮ ਬੱਚਿਆਂ ਨੂੰ ਕੈਦੀਆਂ ਦੇ ਰੂਪ ਵਿਚ ਵੇਖਕੇ ਬਹੁਤ ਪ੍ਰਸੰਨ ਹੋਇਆ। ਇਨ•ਾਂ ਨੂੰ ਠੰਡੇ ਬੁਰਜ ਵਿਚ ਕੈਦ ਕਰ ਦਿਤਾ ਗਿਆ। ਦਸਬੰਰ ਪੋਹ ਦੀ ਬਰਫ ਵਰਗੀ ਠੰਡੀ ਰਾਤ ਨੂੰ ਠੰਡੇ ਬੁਰਜ ਦੇ ਠੰਡੇ ਫਰਸ਼ ਤੇ ਬੈਠੀ ਮਾਤਾ ਗੁਜਰੀ ਜੀ ਆਪਣੇ ਨੰਨੇ- ਨੰਨੇ ਪੋਤਿਆਂ ਨੂੰ ਆਪਣੇ ਸੀਨੇ ਨਾਲ ਘੁਟ-ਘੁਟ ਗਰਮਾਉਂਦੀ ਤੇ ਚੁੰਮ-ਚੁੰਮ ਤੇ ਸੁਆਣ ਦੇ ਯਤਨ ਕਰਦੀ ਰਹੀ ਤੇ ਨਾਲ ਹੀ ਕਹਿਣ ਲੱਗੀ ਕਿ ਤੁਸੀਂ ਉਸ ਗੁਰੂ ਗੋਬਿੰਦ ਸਿੰਘ ਸ਼ੇਰ ਦੇ ਸ਼ੇਰ ਬੱਚੇ ਹੋ ਜਿਸ ਨੇ ਕਦੀ ਈਨ ਨਹੀ ਮੰਨੀ। ਧਰਮ ਦੀ ਖਾਤਰ ਆਪਣੇ ਪਿਤਾ ਨੂੰ ਵੀ ਸ਼ਹੀਦ ਕਰਵਾਉਂਣਾ ਮੰਨ ਲਿਆ, ਦੇਖਿਓ ਕਿਤੇ ਵਜ਼ੀਰ ਖਾਨ ਦੇ ਲਾਲਚ ਭਰੇ ਡਰਾਵੇ ਕਾਰਨ, ਧਰਮ ਵੱਲੋਂ ਕਮਜ਼ੋਰੀ ਨਾ ਦਿਖਾ ਬਹਿਣਾ, ਆਪਣੇ ਪਿਤਾ ਜੀ ਤੇ ਦਾਦਾ ਜੀ ਦੀ ਸ਼ਾਨ ਨੂੰ ਜਾਨਾਂ ਵਾਰ ਕੇ ਵੀ ਕਾਇਮ ਰੱਖਣਾ। ਦਾਦੀ ਪੋਤਿਆਂ ਨੂੰ ਸਮਝਾ ਰਹੀ ਸੀ, ਬੱਚਿਆਂ ਨੂੰ ਠੰਡੇ ਫ਼ਰਸ ਤੇ ਹੀ ਨੀਂਦ ਆ ਗਈ।
ਸਵੇਰੇ ਜਦ ਕਚਹਿਰੀ ਲੱਗੀ ਤਾਂ ਸੁਬੇ ਦਾ ਬੁਲਾਵਾਂ ਆ ਗਿਆ, ਦਾਦੀ ਨੇ ਬੱਚਿਆਂ ਨੂੰ ਚੁੰਮਿਆ ਤੇ ਪਿੱਠਾਂ ਤੇ ਹੱਥ ਫੇਰਦੀ ਨੇ ਪਿਆਰੇ ਤੇ ਹੋਣਹਾਰ ਪੋਤਿਆ ਨੂੰ ਸਿਪਾਹੀਆਂ ਨਾਲ ਤੋਰ ਦਿਤਾ। ਕਚਹਿਰੀ ਵਿਚ ਵੜਦਿਆਂ ਹੀ ਗਜ਼ ਕੇ ਫਤਹਿ ਬਲਾਈ ' ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕੀ ਫਤਹਿ। ' ਵੱਡੇ -ਵੱਡੇ ਦਰਬਾਰੀ ਤੇ ਨਵਾਬ ਇਨ•ਾਂ ਦੀ ਦਲੇਰੀ ਵੇਖ ਕੇ ਕੰਬ ਉਠੇ ਤੇ ਦੰਗ ਰਹਿ ਗਏ। ਸੁੱਚਾ ਨੰਦ ਦਰਬਾਰੀ ਨੇ ਕੜਕ ਕੇ ਕਿਹਾ ਓਇ ਬੱਚਿਓ ਨਵਾਬ ਨੂੰ ਝੁਕ ਕੇ ਸਲਾਮ ਕਰੋ, ਅੱਗੋ ਸਾਹਿਬਜ਼ਾਦਿਆਂ ਨੇ ਕੜਕ ਦੀ ਆਵਾਜ਼ ਵਿਚ ਉਸੀ ਅੰਦਾਜ਼ ਵਿਚ ਕਿਹਾ ਕਿ ਅਸੀ ਗੁਰੂ ਤੇ ਰੱਬ ਤੋਂ ਬਗੈਰ ਕਿਸੇ ਅੱਗੇ ਸੀਸ ਨਹੀ ਨਿਵਾਉਂਦੇ ਇਹੀ ਸਿਖਿਆ ਸਾਨੂੰ ਪਿਤਾ ਗੁਰੂ ਨੇ ਦਿਤੀ ਹੈ।
ਨਵਾਬ ਵਜ਼ੀਰ ਖਾਨ ਕਹਿਣ ਲੱਗਾ ਕਿ ਓਏ ਤੁਹਾਡਾ ਪਿਤਾ ਤੇ ਤੁਹਾਡੇ ਦੋਵੇਂ ਵੱਡੇ ਵੀਰ ਮਾਰ ਦਿਤੇ ਗਏ ਹਨ। ਤੁਹਾਡੀ ਕਿਸਮਤ ਚੰਗੀ ਹੈ ਕਿ ਜੋ ਮੇਰੇ ਦਰਬਾਰ ਵਿਚ ਜਿਉਦੇ ਪਹੁੰਚ ਗਏ ਹੋ ਇਸਲਾਮ ਧਰਮ ਕਬੂਲ ਕਰ ਲਵੇ। ਤੁਹਾਨੂੰ ਰਹਿਣ ਲਈ ਸੁੰਦਰ ਮਹਿਲ, ਪਹਿਨਣ ਨੂੰ ਰੇਸ਼ਮੀ ਕੱਪੜੇ, ਨੌਕਰ ਚਾਕਰ, ਵੱਡੇ ਵੱਡੇ ਮੁਸਲਮਾਨ ਜਰਨੈਲਾਂ ਦੀਆਂ ਸੁੰਦਰ ਬੇਟੀਆਂ ਨਾਲ ਨਿਕਾਹ। ਸਿੱਖ ਧਰਮ ਅਸਾਂ ਮੂਲੋਂ ਹੀ ਖਤਮ ਕਰ ਦੇਨਾ ਹੈ। ਸਿਖ ਨਾਮ ਦੀ ਕੋਈ ਚੀਜ਼ ਅਸਾਂ ਰਹਿਣ ਨਹੀ ਦੇਣੀ ਨਹੀ ਤਾਂ ਕਸ਼ਟ ਦੇ ਕੇ ਮਾਰ ਦਿੱਤੇ ਜਾਓਗੇ। ਸਰੀਰ ਦੇ ਟੁਕੜੇ -ਟੁਕੜੇ ਕਰ ਦਿੱਤੇ ਜਾਣਗੇ ਤਾਂ ਜੋ ਅੱਗੇ ਤੋਂ ਕੋਈ ਸਿੱਖ ਬਣਨ ਦੀ ਹਿੰਮਤ ਨਾ ਕਰ ਸਕੇ। ਜਿਉਂ-ਜਿਉਂ ਸੂਬਾ ਬੋਲਦਾ ਤਿਉਂ-ਤਿਉਂ ਬੱਚੇ ਉਸ ਦੀ ਮੂਰਖਤਾ ਤੇ ਮੁਸਕਰਾਉਂਦੇ ਤੇ ਗੁੱਸੇ ਨਾਲ ਸ਼ਾਹਿਬਜ਼ਾਦਿਆਂ ਦੇ ਚਿਹਰੇ ਲਾਲੋ- ਲਾਲ ਹੋ ਗਏ । ਦੋਹਾਂ ਨੇ ਇਕ ਦੂਜੇ ਵੱਲ ਵੇਖਿਆ ਤੇ ਗੱਜ ਕੇ ਉੱਤਰ ਦਿੱਤਾ ਓਏ ਸੂਬਿਆ ਅਸਾਂ ਨੂੰ ਤੂੰ ਜਾਣਦਾ ਨਹੀ ਅਸੀਂ ਪਿਤਾ ਗੁਰੂ ਗੋਬਿੰਦ ਸਿੰਘ ਦੇ ਸ਼ੇਰ ਬੱਚੇ ਹਾਂ ਤੇ ਸ਼ੇਰਾਂ ਵਾਂਗੂੰ ਕਿਸੇ ਤੋਂ ਡਰਦੇ ਨਹੀ, ਧਰਮ ਦੀ ਖਾਤਰ ਸਾਡੇ ਦਾਦਾ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਨੇ ਸ਼ਹੀਦੀ ਦਿੱਤੀ ਅਸੀ ਉਨ•ਾਂ ਦੇ ਪੋਤਰੇ ਹਾਂ। ਉਨ•ਾਂ ਦੀ ਸ਼ਾਨ ਨੂੰ ਜੀਉਂਦੇ ਜੀਅ ਦਾਗ ਨਹੀ ਲੱਗਣ ਦੇਵਾਂਗੇ। ਅੱਠ ਸਾਲਾਂ ਤੇ ਛੇ ਸਾਲਾਂ ਬਹਾਦਰ ਬੱਚਿਆਂ ਦੇ ਮੂੰਹੋ ਇਹ ਸਬਦ ਸੁਣ ਦਰਬਾਰ ਵਿਚ ਚੁਪ ਵਰਤ ਗਈ ਜਿਵੇਂ ਸਾਰਿਆਂ ਦੀ ਨਾਨੀ ਮਰ ਗਈ ਹੋਵੇ । ਨਵਾਬ ਵਜ਼ੀਰ ਖਾਨ ਵੀ ਇਨ•ਾਂ ਦੀ ਦਲੇਰੀ ਤੋਂ ਪ੍ਰਭਾਵਤ ਹੋਏ ਬਗੈਰ ਰਹਿ ਨਾ ਸਕਿਆਂ। ਸੁੱਚਾ ਨੰਦ ਬੋਲਿਆ ਇੰਨੀ ਛੋਟੀ ਉਮਰ ਵਿਚ ਰਾਜ ਦਰਬਾਰ ਵਿਚ ਇਤਨੀ ਅੱਗ ਉਗਲ ਸਕਦੇ ਹਨ ਤਾਂ ਵੱਡੇ ਹੋ ਕੇ ਹਕੂਮਤ ਲਈ ਭਾਂਬੜ ਬਾਲ ਦੇਣਗੇ ਹੁਣੇ ਹੀ ਮੱਕੂ ਠੱਪ ਦੇਣਾ ਚਾਹੀਦਾ ਹੈ। ਨਵਾਬ ਉਤੇ ਸੱਚਾ ਨੰਦ ਵਲੋਂ ਸਲਾਹ ਦਾ ਅਸਰ ਤਾਂ ਹੋਇਆ ਪਰ ਉਹ ਮਾਰਨ ਦੀ ਥਾਂ ਇਸਲਾਮ ਧਰਮ ਵਿਚ ਲਿਆਉਣ ਦੇ ਹੱਕ ਵਿਚ ਸੀ, ਉਸ ਦੀ ਖਾਹਿਸ਼ ਸੀ ਕਿ ਇਤਿਹਾਸ ਦੇ ਪੰਨਿਆਂ ਤੇ ਲਿਖਿਆ ਜਾਵੇ ਕਿ ਗੁਰੂ ਗੋਬਿੰਦ ਸਿੰਘ ਦੇ ਬੱਚੇ ਮੁਸਲਮਾਨ ਬਣ ਗਏ। ਗੁੱਸੇ ਤੇ ਕਾਬੂ ਪਾਕੇ ਬੋਲਿਆਂ ਕਿ ਜਾਓ ਦਾਦੀ ਕੋਲ ਤੇ ਕਲ• ਆ ਕੇ ਮੇਰੀਆਂ ਗੱਲਾਂ ਦਾ ਸੋਚ ਸਮਝ ਕੇ ਜਵਾਬ ਦੇਣਾ ਸਾਇਦ ਤੁਹਾਡੀ ਦਾਦੀ ਜਾਨ ਦੀ ਰੱਖਿਆ ਲਈ ਮੰਨ ਜਾਵੇ।
ਦਾਦੀ ਬੱਚਿਆਂ ਨੂੰ ਸਿੱਖੀ ਸਰੂਪ ਵਿਚ ਸਹੀ ਸਲਾਮਤ ਚਿਹਰਿਆਂ ਤੇ ਲਾਲੀਆਂ ਭੱਖਦੀਆਂ ਵੇਖ ਕੇ ਅਕਾਲ-ਪੁਰਖ ਦਾ ਧੰਨਵਾਦ ਕਰਨਾ ਨਹੀ ਭੁਲੀ, ਬੱਚਿਆਂ ਨੂੰ ਗਲਵਕੜੀ ਵਿਚ ਲੈਕੇ ਪਿਆਰ ਦਾ ਨਿੱਘ ਮਾਣਦਿਆਂ ਕਚਹਿਰੀ ਵਿਚ ਹੂ-ਬੂ-ਹੂ ਗੱਲਬਾਤ ਸੁਣੀ ਤੇ ਬੱਚਿਆਂ ਦੱਸਿਆਂ ਕਿ ਕਿਵੇਂ ਸੁੱਚਾ ਨੰਦ ਵਲੋਂ ਬਲਦੀ ਤੇ ਤੇਲ ਪਾਉਣ ਤੱਕ ਸਾਰੀ ਗੱਲ ਦੱਸੀ। ਦਾਦੀ ਬੋਲੀ ਕਿ ਤੁਹਾਨੂੰ ਕਲ• ਫਿਰ ਇਸ ਤੋਂ ਵਧੇਰੇ ਲਾਲਚ, ਡਰਾਵੇਂ ਦਿੱਤੇ ਜਾਣਗੇ, ਧਰਮ ਨੂੰ ਜਾਨਾਂ ਤੋਂ ਵੱਧ ਪਿਆਰਾ ਸਮਝਣਾ, ਦ੍ਰਿੜ ਰਹਿਣਾ, ਕਸ਼ਟ ਦੇਣ ਤਾਂ ਅਕਾਲ -ਪੁਰਖ ਦਾ ਧਿਆਨ ਕਰਦੇ ਹੋਏ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਤੇ ਸ੍ਰੀ ਗੁਰੂ ਅਰਜਨ ਦੇਵ ਸਾਹਿਬ ਦੇ ਸ਼ਹੀਦੀ ਸਾਕਿਆਂ ਨੂੰ ਧਿਆਣਾ। ਭਾਈ ਮਤੀ ਦਾਸ ਤੇ ਭਾਈ ਦਿਆਲੇ ਨੇ ਵੀ ਗੁਰ ਚਰਨਾਂ ਦਾ ਧਿਆਨ ਧਰਦੇ ਹੱਸ-ਹੱਸ ਤਨ ਚਿਰਵਾ ਲਿਆ ਤੇ ਤਨ ਪਾਣੀ ਵਿਚ ਉਬਲ ਲਿਆ ਸੀ। ਮੈਂ ਵੀ ਤੁਹਾਡੇ ਸਿੱਖੀ ਸਿਦਕ ਦੀ ਕਾਇਮੀ ਲਈ ਗੁਰ ਚਰਨਾਂ ਵਿਚ ਤੇ ਅਕਾਲ ਪੁਰਖ ਅੱਗੇ ਸਿਮਰਨ ਵਿਚ ਜੁੜ ਕੇ ਅਰਦਾਸ ਕਰਦੀ ਰਹਿੰਦੀ ਹਾਂ। ਅਗਲੇ ਦਿਨ ਦੀ ਕਚਹਿਰੀ ਵਿਚ ਪਹਿਲਾਂ ਵਾਂਗੂੰ ਹੀ ਸਭ ਕੁਝ ਹੋਇਆ ਵਧੇਰੇ ਲਾਲਚ, ਡਰਾਇਆ ਧਮਕਾਇਆ ਗਿਆ ਪਰ ਬੱਚੇ ਧਰਮ ਤੋਂ ਡੋਲੇ ਨਹੀ ਵਾਪਸ ਆ ਕੇ ਸਭ ਕੁਝ ਫਿਰ ਦਾਦੀ ਮਾਂ ਨੂੰ ਦੱਸਿਆ।
ਤੀਜੇ ਦਿਨ ਕਚਹਿਰੀ ਵੱਲ ਭੇਜਣ ਲਗਿਆਂ ਦਾਦੀ ਮਾਂ ਦੀਆਂ ਅੱਖਾਂ ਅੱਗੇ ਹੋਣ ਵਾਲੇ ਸਾਕੇ ਦੀ ਤਸਵੀਰ ਬਣਦੀ ਜਾ ਰਹੀ ਸੀ। ਅੱਜ ਦਾ ਵਿਛੋੜਾ ਸਦਾ ਦਾ ਵਿਛੋੜਾ ਬਣ ਜਾਣਾ ਹੈ ਪਰ ਤਸੱਲੀ ਸੀ ਕਿ ਮੇਰੇ ਮਾਸੂਮ ਪੋਤੇ ਜਾਨਾਂ ਵਾਰ ਕੇ ਧਰਮ ਦੀ ਰਾਖੀ ਦੀ ਨੀਂਹ ਰੱਖਣਗੇ।
ਬੱਚਿਆਂ ਨੂੰ ਰੱਜ ਕੇ ਗਲਵਕੜੀ ਵਿਚ ਘੁੱਟਿਆ, ਮੱਥੇ ਚੁੰਮੇ ਪਿੱਠਾਂ ਥਪਥਪਾਈਆਂ ਤੇ ਸਿਪਾਹੀਆਂ ਨਾਲ ਤੋਰ ਕੇ ਵਾਪਸ ਠੰਡੇ ਬੁਰਜ ਵਿਚ ਗੁਰੂ ਚਰਨਾਂ ਦਾ ਧਿਆਨ ਧਰ ਕੇ ਲੱਗੀ ਵਾਹਿਗੁਰੂ ਦੇ ਦਰ ਜੋਦੜੀਆਂ ਕਰਨ ਹੇ ਅਕਾਲ ਪੁਰਖ ਬੱਚਿਆਂ ਦੇ ਸਿੱਖੀ ਸਿਦਕ ਨੂੰ ਕਾਇਮ ਰੱਖਣ ਵਿਚ ਸਹਾਈ ਹੋਣਾ, ਦਾਤਾ ਹੌਸਲਾ ਤੇ ਸਕਤੀ ਦੇਵੀ ਇਨ•ਾਂ ਮਾਸੂਮ ਗੁਰੂ ਪੁੱਤਰਾਂ ਨੂੰ ਤਾਂ ਜੋ ਇਹ ਕਸਟਾਂ ਦਾ ਸਾਹਮਣਾ ਦਲੇਰੀ ਨਾਲ ਕਰ ਸਕਣ।
ਅੱਜ ਕਲ• ਦੇ ਮਾਪੇ ਜੇ ਬੱਚਾ ਕੇਸ ਕਟਵਾ ਕੇ ਘਰੇ ਆ ਜਾਂਦਾ ਹੈ ਤਾਂ ਕੁੱਝ ਕਹਿਣ ਦੀ ਬਜਾਏ ਇਹ ਕਹਿੰਦੇ ਹਨ ਕਿ ਜੇ ਇਸ ਨੇ ਕੁੱਝ ਕਰ ਲਿਆ ਸਾਇਦ ਇਹ ਨਹੀ ਜਾਣਦੇ ਕਿ ਮਰਨਾ ਸੱਚ ਹੈ ਜੀਉਣਾ ਝੂਠ ਤਾਂ ਧੰਨ ਮਾਤਾ ਗੁਜਰ ਕੌਰ ਜਿਸ ਨੇ ਸਾਰਾ ਸਰਬੰਸ ਹੀ ਸਿੱਖ ਧਰਮ ਤੋਂ ਵਾਰ ਦਿੱਤਾ।
ਉਧਰ ਕਚਹਿਰੀ ਵਿਚ ਲਾਲਚ ਡਰ ਡਰਾਵੇ ਦੇਣ ਮਗਰੋਂ ਜਦੋਂ ਵਜ਼ੀਰ ਖਾਨ ਨੇ ਵੇਖਿਆ ਕਿ ਬੱਚੇ ਆਪਣੇ ਨਿਸ਼ਚੇ ਤੇ ਅੱਟਲ ਖੜੇ ਹਨ ਤਾਂ ਉਸ ਨੇ ਪੁੱਛਿਆਂ ਭਲਾ ਜੇ ਬੱਚਿਓ ਮੈਂ ਤੁਹਾਨੂੰ ਛੱਡ ਦੇਵਾਂ ਆਜ਼ਾਦ ਕਰ ਦੇਵਾਂ ਆਪਣੀ ਕੈਦ ਤੋਂ ਤਾਂ ਤੁਸੀ ਕੀ ਕਰੋਗੇ। ਬੱਚਿਆਂ ਦਾ Àੁੱਤਰ ਸੀ ਅਸੀਂ ਵੱਡੇ ਹੋ ਕੇ ਸਿੱਖਾਂ ਨੂੰ ਇਕੱਠਿਆਂ ਕਰਕੇ ਆਪਣੇ ਪਿਤਾ ਜੀ ਵਾਂਗੂੰ ਜ਼ੁਲਮ ਵਿਰੁਧ ਜ਼ਾਲਮ ਦੇ ਖਾਤਮੇ ਲਈ ਲੜਾਂਗੇ, ਤਦ ਤੱਕ ਲੜਦੇ ਰਹਾਂਗੇ। ਜਦ ਤੱਕ ਜ਼ਾਲਮਾਂ ਦਾ ਖਾਤਮਾ ਨਹੀ ਕਰ ਲੈਂਦੇ ਜਾਂ ਖੁਦ ਸ਼ਹੀਦ ਨਹੀ ਹੋ ਜਾਂਦੇ, ਧਰਮ ਦਾ ਲੜ ਕਦੀ ਵੀ ਨਹੀ ਛੱਡਣਾ। ਤੁਸੀ ਜੋ ਵੀ ਜ਼ੁਲਮ ਕਰ ਸਕਦੇ ਹੋ ਕਰੋ ਸਾਨੂੰ ਧਰਮ ਤੋਂ ਨਹੀ ਡੁਲਾ ਸਕਦੇ । ਨਵਾਬ ਨੇ ਕਾਜ਼ੀ ਵੱਲ ਵੇਖਿਆ, ਕਾਜ਼ੀ ਨੇ ਸਾਹਿਬਜ਼ਾਦਿਆਂ ਨੂੰ ਜਿਉਂਦੇ ਜੀ ਦੀਵਾਰ ਵਿਚ ਚੁਣੇ ਜਾਣ ਦਾ ਹੁਕਮ ਕਰ ਦਿਤਾ। ਕਿਹਾ ਕਿ ਮੈਂ ਇਸਲਾਮੀ ਸ਼ਰ•ਾ ਅਨੁਸਾਰ ਇਹੀ ਸਜ਼ਾ ਨਿਸਚਿਤ ਕਰਦਾ ਹਾਂ। ਮਲੇਰ ਕੋਟਲੇ ਦੇ ਨਵਾਬ ਸ਼ੇਰ ਮੁਹੰਮਦ ਨੇ ਆਖਿਆ ਕਿ ਇਨ•ਾਂ ਦੇ ਪਿਤਾ ਦੀ ਸਜ਼ਾ ਇੰਨ•ਾਂ ਮਾਸੂਮਾਂ ਨੂੰ ਨਹੀ ਮਿਲਣੀ ਚਾਹਿੰਦੀ, ਇਸਲਾਮੀ ਸ਼ਰ•ਾ ਅਨੁਸਾਰ ਉਸ ਨੂੰ ਮਿਲਦੀ ਚਾਹਿੰਦੀ ਹੈ ਦੂਜਿਆਂ ਨੂੰ ਨਹੀ , ਕਾਜ਼ੀ ਬੋਲਿਆ ਕਿ ਇਸਲਾਮੀ ਸ਼ਰ•ਾ ਮੈਂ ਤੈਥੋਂ ਵੱਧ ਜਾਣਦਾ ਹਾਂ, ਸੁੱਚਾ ਨੰਦ ਬੋਲਿਆ ਨਵਾਬ ਸਾਹਿਬ ਸੱਪ ਦੇ ਬੱਚਿਆਂ ਨੂੰ ਛੋਟੇ ਹੁੰਦਿਆਂ ਹੀ ਫੇਹ ਦੇਣਾ ਚਾਹਿੰਦਾ ਹੈ ਨਹੀ ਤਾਂ ਵੱਡੇ ਹੋ ਕੇ ਡੰਗ ਹੀ ਮਾਰਦੇ ਹਨ।
ਇਸ ਤੋਂ ਬਾਅਦ ਨਵਾਬ ਵਜ਼ੀਰ ਖਾਨ ਨੇ ਹੁਕਮ ਦਿੱਤਾ ਕਿ ਇੰਨ•ਾਂ ਨੂੰ ਦੀਵਾਰ ਵਿਚ ਚੁਣ ਦਿਤਾ ਜਾਵੇ ਤੇ ਮਗਰੋਂ ਸੀਸ ਧੜ ਨਾਲੋ ਵੱਖ ਕਰ ਦਿਤਾ ਜਾਵੇ। ਦੋ ਪਠਾਣ ਜੋ ਜਲਾਦਾਂ ਦਾ ਕੰਮ ਕਰਦੇ ਸਨ, ਸਾਹਿਬਜ਼ਾਦਿਆਂ ਨੂੰ ਦੀਵਾਰ ਵਿਚ ਚੁਣਨਾ ਸ਼ੁਰੂ ਕਰ ਦਿਤਾ, ਇਨ•ਾਂ ਨੇ ਆਪਣਾ ਧਿਆਨ ਅਕਾਲ ਪੁਰਖ ਦੇ ਚਰਨਾਂ ਵਿਚ ਜੋੜਿਆਂ, ਦੀਵਾਰ ਉਚੀ ਹੁੰਦੀ ਗਈ ਸਾਹਿਬਜ਼ਾਦੇ ਅਡੋਲ ਖਲੋਤੇ ਰਹੇ, ਕਾਜ਼ੀ ਹੱਥ ਵਿਚ ਕੁਰਾਨ ਸ਼ਰੀਫ ਫੜੀ ਕਹਿ ਰਿਹਾ ਸੀ ਮੁਸਲਮਾਨ ਬਣ ਜਾਵੋ ਹੁਣ ਵੀ ਛੱਡ ਦਿਤੇ ਜਾਵੋਗੇ ਦੀਵਾਰ ਸਾਹਿਬਜ਼ਾਦਿਆਂ ਬਾਬਾ ਫਤਹਿ ਸਿੰਘ ਅਤੇ ਬਾਬਾ ਜ਼ੋਰਾਵਰ ਸਿੰਘ ਦੇ ਗਲੇ ਤੱਕ ਪਹੁੰਚ ਗਈ ਤਾਂ ਜਲਾਦਾਂ ਨੇ ਪਲਕ ਝੱਪਕਣ ਵਿਚ ਹੀ ਸੀਸ ਧੜ ਨਾਲੋਂ ਵੱਖ ਕਰ ਦਿੱਤੇ। ਦਸ਼ਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਦੁਲਾਰੇ ਸ਼ਹੀਦੀ ਪਾ ਗਏ ਪਰ ਦਲੇਰ ਬੱਚਿਆਂ ਨੂੰ ਵੀ ਦੁਨੀਆਂ ਦੀ ਕੋਈ ਵੀ ਲਾਲਚ ਜਾਂ ਡਰਾਵਾ ਧਰਮ ਤੋਂ ਡੇਗ ਨਾ ਸਕਿਆਂ। ਮਾਤਾ ਗੁਜਰ ਕੌਰ ਜੀ ਨੂੰ ਜਦ ਸਾਹਿਬਜ਼ਾਦਿਆਂ ਦੀ ਸ਼ਹੀਦੀ ਦੀ ਖਬਰ ਮਿਲੀ ਤਾਂ ਆਪ ਜੀ ਨੇ ਵਾਹਿਗੁਰੂ ਦਾ ਮਾਣਾ ਮੰਨਦੇ ਹੋਏ ਆਪਣੇ ਪ੍ਰਾਣ ਤਿਆਗ ਦਿੱਤੇ।
ਸਾਹਿਬਜ਼ਾਦਿਆਂ ਦੀ ਸ਼ਹੀਦੀ ਅੱਜ ਵੀ ਸਿੱਖ ਧਰਮ ਦੇ ਲਈ ਚਾਨਣ ਮਿਨਾਰ ਹੈ ਅਤੇ ਸਾਨੂੰ ਪ੍ਰੇਰਨਾ ਦਿੰਦੀ ਹੈ। ਪੰ੍ਰਤੂ ਸਿੱਖੀ ਨੂੰ ਵੇਚਣ ਵਾਲੇ ਅੱਜ ਵੀ ਸਾਡੇ ਵਿਚ ਮੌਜੂਦ ਹਨ ਅਤੇ ਸਮੇਂ ਸਮੇਂ ਤੇ ਮੌਕਾ ਵੇਖ ਕੇ ਸੌਦਾ ਕਰਨ ਤੋਂ ਨਹੀ ਖੁੰਚਦੇ? ਨਸ਼ੇ ਆਦਿ ਤੋਂ ਬੱਚਣਾ ਅਤੇ ਆਪਣੇ ਛੋਟੇ ਛੋਟੇ ਸ਼ਾਹਿਬਜ਼ਾਦਿਆਂ ਦੀ ਸ਼ਹੀਦੀਆਂ ਵੱਲ ਵੇਖਣਾ ਜਿਨ•ਾਂ ਨੇ ਆਪਣੀ ਕੌਮ,ਅਣਖ–ਧਰਮ ਦੀ ਖ਼ਾਤਰ ਦੀਵਾਰ ਵਿਚ ਚੁਣੇ ਜਾਣਾ ਮਨਜੂਰ ਕਰ ਲਿਆ ਲੇਕਿਨ ਕਿਸੇ ਕਿਸਮ ਦਾ ਸੌਦਾ ਕਰਨਾ ਮਨਜੂਰ ਨਹੀ ਕੀਤਾ।
ਵੇਖਣਾ ਬੱਚਿਓ: ਕਦੀ ਵੀ ਧਰਮ ਦਾ ਸੌਦਾ ਨਾ ਕਰਨਾ ਸਿੱਖੀ ਅਮੋਲਕ ਵਸਤੂ ਹੇ।
'ਮੁਲਿ ਨਾ ਪਾਇਆ ਜਾਇ ਕਿਸੈ ਵਿਟਹੁ ਰਹੇ ਲੋਕ ਵਿਲਲਾਇ।।
ਐਸਾ ਸਤਿਗੁਰੁ ਜੇ ਮਿਲੈ ਤਿਸਨੋ ਸਿਰੁ ਸਉਪੀਐ ਵਿਚਹੁ ਆਪੁ ਜਾਇ£'
ਦੁਨੀਆਂ ਦੇ ਵੱਡੇ ਤੋ ਵੱਡੇ ਲੋਭ ਲਾਲਚ ਸਿਖ ਬੱਚਿਆਂ ਨੂੰ ਧਰਮ ਪ੍ਰੀਵਰਤਨ ਲਈ ਪ੍ਰੇਰ ਨਹੀ ਸਕਦੇ, ਜੇ ਕਦੇ ਸਿਖ ਬੱਚੇ ਗੁਰਬਾਣੀ ਤੇ ਆਪਣੇ ਸੁਨਹਿਰੀ ਇਤਿਹਾਸ ਤੋਂ ਵਾਕਿਫ ਹੋ ਕੇ ਖੰਡੇ ਬਾਟੇ ਦਾ ਅੰਮ੍ਰਿਤ ਛੱਕ ਕੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਿੰਘ ਬਣ ਜਾਣ।
ਅਵਤਾਰ ਸਿੰਘ ਕੈਂਥ
ਜਸ਼ਨ ਕੰਪਿਊਟਰ ਨੇੜੇ ਬੱਸ ਅੱਡਾ ਬਠਿੰਡਾ।
ਮੋ: 9356200120

ਮਨੋਰੰਜਨ

ਮੁੱਖ ਖ਼ਬਰਾਂ

ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...
ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...
'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...
ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...
ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...
ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...

ਪੰਜਾਬ ਦੀਆਂ ਔਰਤਾਂ ਰਾਤ ਨੂੰ ਇਕੱਲਿਆਂ ਸਫਰ ਕਰਨ ਵਿੱਚ ਸਭ ਤੋਂ ਅੱਗੇ, ਦਿੱਲੀ ਸਭ ਤੋਂ ਪਿੱਛੇ: ਸਰਵੇ

ਭਾਵੇਂ ਹਰ ਰੋਜ਼ ਸਵੇਰੇ ਜਦੋਂ ਸਾਡੀ ਨਜ਼ਰ ਅਖ਼ਬਾਰਾਂ ਦੀਆਂ ਸੁਰਖੀਆਂ ਉਪਰ ਜਾਂਦੀ ਹੈ ਤਾਂ ਉਨ੍ਹਾਂ ਦਾ ਕੋਈ ਵੀ ਪੰਨਾ ਅਜਿਹਾ ਨਜ਼ਰ ਨਹੀਂ ਆਉਂਦਾ, ਜਿਸ ਵਿੱਚ ਮੋ...

ਮਰਾਠਾ ਅੰਦੋਲਨ: ਅੰਦੋਲਨਕਾਰੀਆਂ ਨੇ ਫਾਇਰ ਬਿਗ੍ਰੇਡ ਦੀ ਗੱਡੀ ਸਾੜੀ, ਪੁਲਸ 'ਤੇ ਕੀਤਾ ਹਮਲਾ

ਨਵੀਂ ਦਿੱਲੀ— ਮਰਾਠਾ ਰਿਜ਼ਰਵੇਸ਼ਨ ਦੀ ਮੰਗ ਹਿੰਸਕ ਰੂਪ ਧਾਰਨ ਕਰ ਚੁੱਕੀ ਹੈ। ਮਹਾਰਾਸ਼ਟਰ ਦੇ ਔਰੰਗਾਬਾਦ 'ਚ ਇਕ ਅੰਦੋਲਨਕਾਰੀ ਕਾਕਾ ਸਾਹਿਬ ਸ਼ਿੰਦੇ ਨੇ ਗੋਦਾਵਰੀ ਨਦ...

'ਡਾਇਮੰਡ ਕਲੱਬ ਬਰੇਸ਼ੀਆ' ਨੇ ਕਰਵਾਇਆ ਫੁੱਟਬਾਲ ਟੂਰਨਾਮੈਂਟ, ਵੀਆਦਾਨਾ ਦੀ ਟੀਮ ਰਹੀ ਜੇਤੂ

ਇਟਲੀ ਦੇ ਸ਼ਹਿਰ ਬਰੇਸ਼ੀਆ ਦੇ 'ਡਾਇਮੰਡ ਕਲੱਬ' ਵਲੋਂ 6ਵਾਂ ਸਾਲਾਨਾ ਦੋ ਰੋਜ਼ਾ ਫੁੱਟਬਾਲ ਟੂਰਨਾਮੈਂਟ ਕਰਵਾਇਆ ਗਿਆ। ਕਵਾਰਟਰ ਫਾਈਨਲ ਮਨੈਰਬਿਉ ਨਾਲ ਡਾਇਮੰਡ, ਐੱਨ. ...

ਭਾਰਤ ਦਾ ਚੀਨ, ਆਸਟ੍ਰੇਲੀਆ ਸਮੇਤ 10 ਦੇਸ਼ਾਂ ਨਾਲ ਵਪਾਰ ਘਾਟਾ

ਨਵੀਂ ਦਿੱਲੀ— ਭਾਰਤ ਦਾ ਪ੍ਰਸਤਾਵਿਤ ਖੇਤਰੀ ਮਜ਼ਬੂਤ ਆਰਥਕ ਹਿੱਸੇਦਾਰੀ (ਆਰ. ਸੀ. ਈ. ਪੀ.) ਸਮੂਹ ਦੇ 16 'ਚੋਂ 10 ਦੇਸ਼ਾਂ ਦੇ ਨਾਲ ਵਪਾਰ ਘਾਟਾ ਹੈ। ਇਨ੍ਹਾਂ 'ਚ ...

ਸੱਕੀ ਹਲਾਤਾਂ 'ਚ ਲੜਕੀ ਨੇ ਰੇਲ ਗੱਡੀ ਹੇਠ ਆਕੇ ਕੀਤੀ ਖੁਦਕੁਸ਼ੀ

ਬਠਿੰਡਾ: ਨੋਜਵਾਨਾਂ ਵੱਲੋਂ ਮਾਨਸਿਕ ਪ੍ਰੇਸ਼ਾਨੀ ਦੇ ਚਲਦਿਆਂ ਖੁਦਕੁਸ਼ੀਆਂ ਦਾ ਰਾਹ ਅਖਤਿਆਰ ਕੀਤਾ ਗਿਆ ਹੈ ਜਿਸਦੇ ਚਲਦੇ ਜਿਥੇ ਬੀਤੇ ਦਿਨੀ ਸਿਵਲ ਹਸਪਤਾਲ ਵਿਖੇ ਜੀ...

ਉੱਤਰਾਖੰਡ 'ਚ ਵੱਡਾ ਹਾਦਸਾ, 45 ਲੋਕਾਂ ਦੀ ਮੌਤ

ਉਤਰਾਖੰਡ— ਉਤਰਾਖੰਡ ਦੇ ਕੋਟਦੁਆਰ 'ਚ ਪਿਪਲੀ—ਭੌਨ ਮੋਟਰ ਮਾਰਗ 'ਤੇ ਇਕ ਨਿੱਜੀ ਬੱਸ ਖੱਡ 'ਚ ਡਿੱਗ ਗਈ। ਇਸ ਭਿਆਨਕ ਹਾਦਸੇ 'ਚ 45 ਲੋਕਾਂ ਦੇ ਮਰਨ ਦੀ ਸੂਚਨਾ ਮਿਲ...